જામનગરના ધ્રોલના ધારાસભ્ય મેઘજી ચાવડાના દીકરાએ ગરીબોનો હક છીનવ્યો હોવાનો ખુલાસો થયો છે. ધારાસભ્યના દીકરાએ PM આવાસ યોજનામાં લાભ લીધો હોવાનો ખુલાસો થયો છે. એક જાગૃત નાગરિકે કરેલી RTIમાં આ વાતનો ઘટસ્ફોટ થયો છે.

જામનગર જિલ્લાના ધ્રોલમાં એક જાગૃત નાગરિકે RTI (માહિતીનો અધિકાર) હેઠળ માંગેલી માહિતીમાં ચોંકાવનારો ખુલાસો થયો છે. માહિતી મળ્યા અનુસાર, ધ્રોલ નગરપાલિકા વિસ્તારમાં આવેલ પ્રધાનમંત્રી આવાસ યોજનાનો લાભ 76-કાલાવડના ધારાસભ્ય મેઘજી ચાવડાના પુત્ર મોહિત ચાવડાએ લીધો છે.

લક્ઝરી જીવન જીવે છે છતાંય સહાય મળી?

વૈભવી જીવન જીવતા MLAના દીકરા મોહિત ચાવડાએ આવાસ યોજનાનો લાભ લીધો, ત્યારે ગરીબ અને પાકું મકાન ન ધરાવતા લોકોને આપવામાં આવતી આ સહાય માટે તે યોગ્ય રીતે પાત્ર હતા કે નહીં, તેવા અનેક સવાલો ઉભા થયા છે.