ભારતના યુવા બેટ્સમેન વૈભવ સૂર્યવંશી ઇંગ્લેન્ડમાં અંડર-19 યુથ વનડે સિરીઝમાં ધમાકેદાર પ્રદર્શન કરી રહ્યો છે. ઇંગ્લેન્ડ અંડર-19 સામેની ચોથી યુથ વનડેમાં તેણે માત્ર 78 બોલમાં 143 રનની વિસ્ફોટક ઇનિંગ રમતાં બે ખાસ રેકોર્ડ પોતાના નામે કર્યા છે. તેણે 13 ચોગ્ગા અને 10 છગ્ગા ફટકાર્યા હતા અને સ્ટ્રાઈક રેટ 183.33 રહ્યો હતો.

યુથ વનડેમાં સૌથી ઝડપી સદી અને સૌથી નાની ઉંમરે સદીનો રેકોર્ડ

વૈભવ હવે યુથ વનડે ઈતિહાસમાં સૌથી ઝડપી સદી ફટકારનાર બેટર બની ગયો છે. તે સાથે તેણે માત્ર 14 વર્ષની ઉંમરે સદી ફટકારીને સૌથી નાની ઉંમરે યુથ વનડે સદી બનાવવાનો રેકોર્ડ પણ કબ્જે કર્યો છે.

પોતાનો જ રેકોર્ડ તોડ્યો: 10 છગ્ગા ફટકાર્યા

ચોથી વનડેમાં 10 છગ્ગા ફટકારીને વૈભવે પોતાનો જ પહેલો રેકોર્ડ તોડી નાખ્યો છે. છેલ્લી મેચમાં તેણે 31 બોલમાં 6 ચોગ્ગા અને 9 છગ્ગા ફટકારી 86 રન બનાવ્યા હતા અને એ સમયે સ્ટ્રાઈક રેટ 277.42 હતો. તે દરમ્યાન પણ તેણે ભારત તરફથી યુથ વનડેમાં એક ઇનિંગમાં સૌથી વધુ છગ્ગા ફટકારવાનો રેકોર્ડ સ્થાપ્યો હતો.

આ રેકોર્ડ અગાઉ રાજ બાવાના નામે હતો, જેણે 2022માં યુગાંડા સામે 6 છગ્ગા ફટકાર્યા હતા. વૈભવે પહેલે તેને પાછળ છોડ્યો અને હવે પોતાનો જ રેકોર્ડ તોડ્યો છે.

ભારતીય ક્રિકેટ માટે ઉજ્જવળ સંકેત

વૈભવ સૂર્યવંશીનું આ પ્રદર્શન એ સૂચવે છે કે ભારતના યુવા પ્લેયરમાં અવિશ્વસનીય ક્ષમતા છે અને તેને ભવિષ્યમાં ટીમ ઈન્ડિયાના સ્ટાર ખેલાડીઓમાં પોતાનું નામ શામેલ કરી શકે છે.