અમેરિકાની જાણીતી ટેક કંપની એસ્ટ્રોનોમર (Astronomer)ના CEO એન્ડી બાયરન (Andy Byron)એ રાજીનામું આપવાનું ફરજિયાત બની ગયું છે, જ્યારે તેમનો એક અશ્લીલ વીડિયો સોશિયલ મિડિયામાં વાયરલ થયો હતો. આ ઘટના બોસ્ટનમાં કોલ્ડપ્લે (Coldplay)ના કોન્સર્ટ દરમિયાન બની હતી. ‘કિસ કેમ’ દ્વારા કાર્યક્રમમાં હાજર કપલ્સની હરકતો મોટા સ્ક્રીન પર બતાવવામાં આવી રહી હતી ત્યારે કેમેરામાં કેદ થયેલ કપલમાં પુરુષ એન્ડી બાયરન હોવાનું બહાર આવ્યું હતું. વીડિયોમાં તેઓ તેમની સહકર્મી સાથે અશ્લીલ રીતે નજીક જોવા મળ્યા હતા.

જ્યારે બંને જણા મોટા સ્ક્રીન પર નજરે પડ્યા ત્યારે તેમણે તરત ચહેરા છુપાવ્યા હતા, પરંતુ એ વખતે કરેલી હરકત અનેક લોકોએ જોઈ લીધી હતી.

કંપનીનો પ્રતિક્રિયા નિવેદન

એસ્ટ્રોનોમર કંપનીએ નિવેદનમાં જણાવ્યું કે, “કંપનીના નેતૃત્વ પદ પર રહેલા વ્યક્તિઓ માટે ઉચ્ચ સ્તરના વ્યાવસાયિક વર્તન અને જવાબદારી અપેક્ષિત હોય છે. એન્ડી બાયરનનું વર્તન આ માપદંડો અનુસાર ન હતું, તેથી તેમને રાજીનામું આપવાનો નિર્ણય લેવામાં આવ્યો છે.”

કંપનીનું મૂલ્યાંકન અને કાર્યક્ષેત્ર

• એસ્ટ્રોનોમર કંપની “એસ્ટ્રો” પ્લેટફોર્મ માટે જાણીતી છે, જે Apache Airflow દ્વારા ડેટા વર્કફ્લોઝ મેનેજ કરે છે.
• કંપનીનું અંદાજિત મૂલ્યાંકન ₹11 લાખ કરોડ જેટલું છે.
• એન્ડી બાયરન જુલાઈ 2023 થી CEO તરીકે કાર્યરત હતા.

એન્ડી બાયરનના અંગત જીવન પર પણ અસર

આ વિવાદના પગલે એન્ડી બાયરનની પત્ની મેગન કેરીગન બાયરનએ તેમના સોશ્યલ મીડિયા પરથી ‘બાયરન’ અટક દૂર કરી દીધી છે. ફેસબુક એકાઉન્ટ પણ ડિલીટ કરી દીધું છે જેમાં અગાઉ તેમના પરિવારનાં ફોટા જોવા મળતા હતા. આમ, આ ઘટનાએ તેમની વ્યાવસાયિક છબી સાથે સાથે વ્યક્તિગત સંબંધોમાં પણ મોટી ખલેલ પેદા કરી છે.

વીડિયોમાં શું જોવા મળ્યું?

વિડિયોમાં જોઈ શકાય છે કે, એન્ડી બાયરન તેમની સહકર્મી સાથે નિકટતા દર્શાવતા અશ્લીલ હરકતો કરતા જોવા મળ્યા હતા. બંનેને મોટી સ્ક્રીન પર દેખાતા જ તેમના ચહેરા છુપાવવાનું શરૂ કરી દીધું. જોકે કેમેરામેન સતત તેમને ફોકસ કરતો રહ્યો અને સમગ્ર ઘટનાનો વીડિયો ઝડપથી સોશિયલ મીડિયામાં વાયરલ થઈ ગયો.