મે મહિનામાં ભારત સરકારે કિરાના હિલ્સ પર હુમલો કરવાનો ઇનકાર કર્યો હતો. જોકે, હવે જૂન 2025ની નવી ગુગલ અર્થ સેટેલાઇટ તસવીરો અને આંતરરાષ્ટ્રીય નિષ્ણાતોના વિશ્લેષણો દર્શાવે છે કે ભારતે ખરેખર પાકિસ્તાનના સંવેદનશીલ પરમાણુ ઠેકાણે ‘કિરાના હિલ્સ’ને નિશાન બનાવ્યું હતું.

વિશ્વવિખ્યાત વિશ્લેષક ડેમિયન સિમોનનો ખુલાસો

અંતરરાષ્ટ્રીય સેટેલાઇટ છબી વિશ્લેષક અને ભૂ-ગુપ્તચર સંશોધક ડેમિયન સિમોનએ આ મામલે પોતાના એક્સ (ભૂતપૂર્વ ટ્વિટર) હેન્ડલ પર સ્પષ્ટ જણાવ્યું:

“જૂન 2025ની ગુગલ અર્થ તસવીરો ભારતીય હુમલાની અસરને સ્પષ્ટપણે દર્શાવે છે. કિરાના હિલ્સમાં તબાહી થયા પછીનો બદલો દ્રશ્યમાન છે. સાથે જ સરગોધા એરબેઝનો રનવે પણ નવું બનાવી દેવામાં આવ્યો છે.“

કિરાના હિલ્સનું પરમાણુ મહત્વ અને ઇતિહાસ

કિરાના હિલ્સ, સરગોધા જિલ્લામાં સ્થિત એક વ્યૂહાત્મક સ્થળ છે, જેને પાકિસ્તાનના પરમાણુ શસ્ત્ર કાર્યક્રમનું કેન્દ્રબિંદુ માનવામાં આવે છે.
આ જગ્યાએ:

• ગુફાઓ જેવા ટનલ અને ભૂગર્ભ સુવિધાઓ
• રડાર અને મિસાઇલ ડિટેક્શન સ્ટેશન
• અને 1980ના દાયકામાં પારમાણવ પરીક્ષણો
  થયા હોવાની માહિતી સમયાંતરે બહાર આવતી રહી છે.

તેની નજીક સ્થિત સરગોધા એરબેઝ પાકિસ્તાનના વાયુ સેનાનો મુખ્ય આધાર છે, જેના કારણે આ વિસ્તારો પર હુમલો ઘણો ગંભીર સંકેત આપે છે.

ઓપરેશન સિંદૂર – આતંકના જવાબમાં તોફાની પ્રહાર

આ સમગ્ર હુમલો ઓપરેશન સિંદૂરના ભાગ રૂપે થયો હોવાનું માનવામાં આવે છે.
આ ઓપરેશન ભારતે તે સમયે હાથ ધર્યું જ્યારે પહેલગામમાં પ્રવાસીઓની નરસંહારાત્મક હત્યા થયાં હતાં.

ખાસ વાત એ છે કે:

• 9 થી 10 મેની રાત્રે
• 15 બ્રહ્મોસ મિસાઇલો, અને
• અન્ય ઘાતક શસ્ત્રો વડે
• પાકિસ્તાનના 13 એરબેઝમાંથી 11 ને નુકસાન થયું હતું.

ભારતની ચુપચાપ કામગીરીનો પાકિસ્તાન હજુ પણ ખુલ્લેઆમ જવાબ આપી શક્યું નથી.