રાજ્યમાં ફરી એકવાર શાળાઓને ધમકી મળવાનો ખતરો સર્જાયો છે. ગુજરાત સહિત દેશની કુલ 159 સ્કૂલોને એકસાથે બોમ્બથી ઉડાવી દેવાની ધમકી ભરેલો ઇમેલ મળતા સુરક્ષા એજન્સીઓમાં દોડધામ મચી ગઈ છે. આ ઇમેલ Outjacked50.@gmail.com એકાઉન્ટ પરથી મોકલાયો હતો અને તે 12:59 કલાકે પ્રાપ્ત થયો હતો.

સુરતના વેસુ વિસ્તારમાં આવેલી જાણીતી ગોઇન્કા સ્કૂલને પણ બોમ્બ વિસ્ફોટ કરવાની સ્પષ્ટ ધમકી આપવામાં આવી છે. ઘટનાની માહિતી મળતાં તરત જ પોલીસ ઈનસ્પેક્ટર (PI), એસીપી (ACP) અને બોમ્બ સ્ક્વોડની ટીમ સ્કૂલ ખાતે પહોંચી ગઈ હતી અને વિસ્તારમાં કોર્ડન કરીને તલાશી કામગીરી શરૂ કરી હતી.

સાથે જ અમદાવાદ એરપોર્ટને પણ નમાવી ઈમેલ દ્વારા બોમ્બથી ઉડાવી દેવાની ધમકી મળી છે. આ ઘટનાને ગંભીરતાથી લઈને સુરક્ષા એજન્સીઓએ તાત્કાલિક એરપોર્ટ પર ચુસ્ત ચેકિંગ શરૂ કરી દીધી છે. અત્યાર સુધી કોઈ શંકાસ્પદ વસ્તુ મળી નથી, પરંતુ સમગ્ર એરિયા સઘન તપાસ હેઠળ છે.

હમણાં થોડા સમયથી રાજ્યમાં સ્કૂલો અને જાહેર સ્થળોને ધમકી મળવાના કેસો વધી રહ્યા છે. હાલ સમગ્ર ઘટનાની તપાસમાં પોલીસ અને સુરક્ષા એજન્સીઓ સંકળાઈ ગઈ છે અને ઈમેલની પૃષ્ઠભૂમિ તથા પેઠ લાગવા માટે તકેદારીભર્યું કામ ચાલી રહ્યું છે.