આરસીબી (RCB) માટે IPL-2025 રમનાર ક્રિકેટર યશ દયાલના મુશ્કેલીઓમાં વધારો થયો છે. જયપુરની એક યુવતીએ તેમની સામે દુષ્કર્મનો આક્ષેપ લગાવી નવી એફઆઈઆર નોંધાવી છે. મહિલાએ આરોપ લગાવ્યો છે કે યશ દયાલે ક્રિકેટમાં કરિયર બનાવવાની લાલચ આપી તેને બ્લેકમેઇલ કરીને બે વર્ષ સુધી દુષ્કર્મ આચર્યું હતું. યુવતીએ જણાવ્યું કે તેઓ IPL દરમિયાન જયપુર આવ્યા ત્યારે તેમના સંપર્કમાં આવ્યા હતા અને હોટલમાં બોલાવી દુષ્કર્મ આચર્યું હતું. તત્કાલિન સમયે તે સગીર હતી, તેથી પોલીસે પોક્સો એક્ટ હેઠળ કેસ નોંધ્યો છે.

અગાઉ પણ યશ દયાલ સામે એક મહિલાએ ગાઝિયાબાદના ઇન્દિરાપુરમ પોલીસ સ્ટેશનમાં 6 જુલાઈના રોજ દુષ્કર્મની ફરિયાદ નોંધાવી હતી, જેમાં લગ્નના ખોટા વચન આપીને યૌન શોષણ અને શારીરિક, માનસિક પીડા પહોંચાડવાનો આરોપ મૂકાયો હતો. આ કેસમાં અલ્હાબાદ હાઈકોર્ટે યશ દયાલની ધરપકડ પર તાત્કાલિક રોક લગાવી હતી. કોર્ટે કહ્યું હતું કે બંને વચ્ચે પાંચ વર્ષથી સંબંધ હતાં, તેથી લગ્નના બહાને શોષણના દાવાની છાનબીન જરૂર છે.

યશ દયાલ હાલમાં ભારતીય ક્રિકેટમાંથી બહાર છે, જોકે IPL 2025માં તેણે RCB માટે પાંચ મેચમાં 13 વિકેટ ઝડપી હતી અને જીતતી ટીમનો ભાગ રહ્યો હતો. ઘરેલૂ સ્તરે યશ ઉત્તર પ્રદેશ ટીમમાંથી રમી ચૂક્યો છે અને તેણે ફર્સ્ટ ક્લાસ ક્રિકેટમાં 27 મેચમાં 84 વિકેટ લીધી છે. અગાઉ પણ ભારત માટે હાર્દિક પંડ્યાની કેપ્ટનશીપ હેઠળ રમ્યો હતો, પરંતુ મોખરની ટીમમાં સ્થાયી થઈ શક્યો નથી.