કંગાળ પાકિસ્તાનના અમીર વડાપ્રધાન ! જાણો શાહબાઝ શરીફ પાસે કેટલી સંપત્તિ છે

લાંબા રાજકીય સંકટ બાદ પાકિસ્તાનને તેના નવા વડાપ્રધાન મળ્યા છે. શહેબાઝ શરીફે પાકિસ્તાનના 24માં પીએમ તરીકે શપથ લીધા છે.

શહેબાઝ શરીફને 201 વોટ મળ્યા જ્યારે ઓમર અયુબ ખાનને 92 વોટ મળ્યા. આ પહેલા શાહબાઝ શરીફ પાકિસ્તાનના સૌથી મોટા પ્રાંત પંજાબ પ્રાંતના ત્રણ વખત મુખ્યમંત્રી પણ રહી ચૂક્યા છે.

શાહબાઝ શરીફનું નામ પાકિસ્તાનના સૌથી ધનિક રાજનેતાઓમાં સામેલ છે. તેમની સંપત્તિ માત્ર પાકિસ્તાનમાં જ નહીં પરંતુ વિદેશમાં પણ છે.

પાકિસ્તાનના ચૂંટણી પંચને આપેલી માહિતી અનુસાર શાહબાઝ શરીફની લંડનમાં 15.30 કરોડ રૂપિયાની બે સંપત્તિ છે.

પાકિસ્તાનમાં તેમની પાસે 10.82 કરોડ રૂપિયાની સંપત્તિ છે. તેણે ખેતી, લક્ઝરી કાર, બેંક હોલ્ડિંગ વગેરે જેવી ઘણી જગ્યાએ રોકાણ કર્યું છે.

આવી સ્થિતિમાં તેમની કુલ સંપત્તિ 26.12 કરોડ રૂપિયા છે. કરોડોની સંપત્તિની સાથે શાહબાઝ શરીફ પર કરોડોનું દેવું પણ છે.

ચૂંટણી પંચને આપેલા સોગંદનામામાં શરીફે જણાવ્યું છે કે તેમની પાસે કુલ 13.02 કરોડ રૂપિયાની જવાબદારી છે. આ આંકડો 2015 માટે આપવામાં આવેલા ઘોષણા અનુસાર છે.