અહેવાલો મુજબ, 5,590 કરોડ રૂપિયાના કથિત કૌભાંડમાં AAP સરકારના બે આરોગ્ય મંત્રીઓની ભૂમિકા તપાસ હેઠળ છે. ઈડી મુજબ, આમ આદમી પાર્ટી સરકારે 2018-19માં 24 હોસ્પિટલ પ્રોજેક્ટ્સ મંજૂર કર્યા હતા, જેમાં છ મહિનામાં ICU હોસ્પિટલ બનાવવા યોજના હતી. પરંતુ અત્યાર સુધીમાં માત્ર 50% કામ થયું છે, જ્યારે 800 કરોડ રૂપિયા કરતા વધુ ખર્ચ થઈ ગયો છે.

ઈડીની તપાસમાં ખુલ્યું કે લોકનાયક હોસ્પિટલના બાંધકામ ખર્ચમાં ભારે વધારો થયો છે – 488 કરોડથી વધીને 1,135 કરોડ રૂપિયા થયો. સાથે જ ઘણી હોસ્પિટલોમાં યોગ્ય મંજૂરી વિના બાંધકામ શરૂ કરવામાં આવ્યા હતા.

ACBની ફરિયાદ અનુસાર, હોસ્પિટલ, પોલીક્લિનિક અને ICU ઈન્ફ્રાસ્ટ્રક્ચરના નિર્માણમાં મોટી અનિયમિતતાઓ જોવા મળી છે, બિનજરૂરી વિલંબ અને ભંડોળના મોટા પાયે દુરુપયોગ થયો છે. ખર્ચમાં કરોડો રૂપિયાનો વધારો થયો હોવા છતાં, એકપણ પ્રોજેક્ટ નિર્ધારિત સમયમર્યાદામાં પૂર્ણ થયો નથી.

The post AAP નેતા સૌરભ ભારદ્વાજના ઘર સહિત 13 સ્થળોએ EDના દરોડા, હોસ્પિટલ કૌભાંડમાં તપાસ તેજ appeared first on Gujarat Inside - Latest News Today.

માહિતી અનુસાર, રેખા ગુપ્તા લોકોની અરજીઓ સાંભળી રહ્યા હતા ત્યારે રાજકોટના રહેવાસી 41 વર્ષીય રાજેશ ખીમજીએ અરજી લઈને આવ્યા બાદ તેમના પર હુમલો કર્યો. પ્રાથમિક તપાસમાં જાણવા મળ્યું કે આરોપી જેલમાં બંધ એક સંબંધીને મુક્ત કરાવવા માટે અરજી સાથે આવ્યો હતો. હુમલા બાદ મુખ્યમંત્રીની હાલત સ્થિર છે અને તેમનું મેડિકલ ચેકઅપ કરવામાં આવ્યું છે.

રાજેશ ખીમજી કયા ધર્મનો છે તે પ્રશ્ને ચર્ચા ગરમાઈ હતી. પડોશીઓના નિવેદન અનુસાર, રાજેશ ભગવાન શંકરનો ભક્ત છે એટલે તે હિન્દુ ધર્મનો છે. તેની માતા ભાનુબેનનું કહેવું છે કે રાજેશ પ્રાણીઓનો પ્રેમી છે અને દિલ્હીમાં રખડતા કૂતરાઓ અંગે સુપ્રીમ કોર્ટના નિર્ણયથી ગુસ્સે હતો, જેના કારણે તે દિલ્હી આવ્યો હતો.

પોલીસે આરોપીની પૃષ્ઠભૂમિ જાણવા માટે ગુજરાત પોલીસનો સંપર્ક કર્યો છે અને આધાર કાર્ડ સહિતના દસ્તાવેજોની ચકાસણી શરૂ કરી છે. હુમલાનું કારણ વ્યક્તિગત અદાવત છે કે મોટું ષડયંત્ર, તે જાણવા માટે તપાસ ચાલી રહી છે. રાજકીય પક્ષોએ પણ આ હુમલા પર તીવ્ર પ્રતિક્રિયા વ્યક્ત કરી છે. ભાજપે તેને લોકશાહી પર હુમલો ગણાવ્યો છે, જ્યારે આમ આદમી પાર્ટી અને કોંગ્રેસે હિંસાની નિંદા કરી છે.

The post દિલ્હી સીએમ રેખા ગુપ્તા પર હુમલો: આરોપી રાજેશ ખીમજી હિન્દુ ધર્મનો હોવાનું ખુલ્યું appeared first on Gujarat Inside - Latest News Today.

અનમોલ ગગન માને તેમના સત્તાવાર ટ્વીટમાં લખ્યું:

“મારું હૃદય ભારે છે, પણ મેં રાજકારણ છોડવાનો નિર્ણય લીધો છે. ધારાસભ્ય પદ પરથી મારું રાજીનામું સ્પીકરને આપી દીધું છે અને તે સ્વીકારી લેવામાં આવ્યું છે. મારી શુભકામનાઓ હમેશા પાર્ટી સાથે રહેશે. મને આશા છે કે પંજાબ સરકાર જનતાની આશાઓ પર ખરી ઊતરે.”

પંજાબી સંગીતજગતથી રાજકારણ સુધીનો રસપ્રદ સફર

અનમોલ ગગન માન 2020માં આમ આદમી પાર્ટી સાથે જોડાયા હતા અને ખૂબ ટૂંકા ગાળામાં રાજકારણમાં ઊંચી પદવી સુધી પહોંચ્યા હતા.

• 2022માં ખારર વિધાનસભા બેઠક પરથી શિરોમણી અકાલી દળના રણજીત સિંહ ગિલને 37,718 મતોથી હરાવીને તેઓ વિધાનસભા માટે ચૂંટાયા હતા.
• તેઓ પાર્ટીના યુવા ચહેરા તરીકે જાણીતા બન્યા અને વિજય પછી પંજાબ સરકારમાં પર્યટન મંત્રી તરીકે સેવા આપી હતી.
• અનમોલે પાર્ટી માટે કેમ્પેઇન ગીત પણ તૈયાર કર્યું હતું, જે ખૂબ લોકપ્રિય બન્યું હતું.

ગાયિકા અને મોડેલ તરીકે સ્થાપિત કરેલી ઓળખ

અનમોલનો જન્મ 1990માં પંજાબના માનસા જિલ્લામાં થયો હતો. તેમનો અભ્યાસ ચંદીગઢમાં થયો.

• તેમણે પહેલા મોડેલિંગ અને ત્યારબાદ પંજાબી સંગીત જગતમાં ગાયિકા તરીકે પોતાનું નામ બનાવ્યું.
• 2023ના જૂનમાં તેમણે ઍડ્વોકેટ શાહબાઝ સોહી સાથે લગ્ન કર્યા હતા.

અકાલી દળ માટે પણ મોટો ફેરફાર

આ ઘટનાથી એક દિવસ પહેલાં શિરોમણી અકાલી દળના વરિષ્ઠ નેતા અને રિયલ એસ્ટેટ ઉદ્યોગપતિ રણજીત સિંહ ગિલે પણ પાર્ટી છોડવાની જાહેરાત કરી હતી.

આ એક પછી એક રાજીનામા પંજાબના રાજકારણમાં વધતી અસ્થિરતાની શક્યતા તરફ ઇશારો કરે છે. અનમોલ ગગન માન જેવા યુવા નેતાની રાજકીય વિદાય આમ આદમી પાર્ટી માટે ચોક્કસપણે મોટો આંચકો સાબિત થઈ શકે છે. હવે જોવાનું એ રહેશે કે આ નિર્ણય પાછળના કારણો શા માટે છે અને આનો આગળના રાજકીય ગણિત પર શું અસર થાય છે.

The post આમ આદમી પાર્ટીને મોટો ઝટકો: ખારરના ધારાસભ્ય અનમોલ ગગન માનનું રાજીનામું, રાજકારણથી લેશે વિરામ appeared first on Gujarat Inside - Latest News Today.

અખિલેશનો અત્યાર સુધીનો AAP પ્રત્યેનું વલણ

દિલ્લી અને હરિયાણાની વિધાનસભા ચૂંટણીમાં અખિલેશ યાદવએ ખુલ્લેઆમ AAPને ટેકો આપ્યો હતો અને મતદારોને AAPના ઉમેદવારોને સમર્થન આપવા અપીલ પણ કરી હતી. જેના કારણે બે પાર્ટીઓ વચ્ચે સબંધો મજબૂત હોવાનું માનવામાં આવે છે.

UPમાં કુલ 403 વિધાનસભા બેઠકો છે. અહીં જીતનો અર્થ છે દેશની લોકસભા ચૂંટણીમાં પણ મોટી અસર. તેથી, AAPને બેઠકો આપવી કે નહીં એ અખિલેશ માટે વ્યૂહાત્મક નિર્ણય બની રહે છે.

AAPના જન આધાર પર સવાલ

નિષ્ણાતોના કહેવા મુજબ AAP હાલ દિલ્હીઅને પંજાબની બહાર મજબૂત પકડ ધરાવતી નથી. ગુજરાતમાં તેમણે સાવચેતીપૂર્વક પગ પેસારો કર્યો છે, પરંતુ ઉત્તર પ્રદેશમાં તેમનો આધાર અત્યંત ઓછો છે. અખિલેશ યાદવ ચૂંટણીમાં સક્રિય અને આક્રમક અભિગમ ધરાવે છે અને તેઓ એવું ઇચ્છતા નથી કે સન્માનજનક બેઠકો ત્રીજા પક્ષને આપી દે અને પાર્ટીનું નુકસાન થાય.

કોંગ્રેસ પણ બેઠકો માટે દાવો કરી રહી છે

કોંગ્રેસે પણ યુપી માટે તૈયારીઓ શરૂ કરી દીધી છે અને હાલમાં જ ગઠબંધનમાં સન્માનજનક બેઠકોની માંગ કરી છે. આવી સ્થિતિમાં, જો AAPને સમાજવાદી પાર્ટી તરફથી સપોર્ટ મળે, તો તે શું એકલા ચૂંટણી લડશે?

ગઠબંધન અંગે સ્પષ્ટતા હજુ નહીં

શિક્ષણવિદ અને રાજકીય વિશ્લેષક અવધ ઓઝાએ પોતાના ઇન્ટરવ્યૂમાં જણાવ્યું હતું કે, “યુપીમાં ગઠબંધન અંગેનો નિર્ણય AAPનું નેતૃત્વ જ લેશે, પરંતુ હાલમાં તેમાં કોઈ સ્પષ્ટતા નથી.”

યુપીમાં AAP-SP વચ્ચે ગઠબંધન થશે કે નહીં તે હજુ અનિશ્ચિત છે. અખિલેશ યાદવ AAPને બેઠકો આપશે કે નહીં તે રાજકીય દબાણ, પસંદગીઓ અને સંભાવિત જીતની ગણતરી પર આધારિત રહેશે. આગામી મહિના અને વર્ષ દરમિયાન આ મુદ્દે સ્થિતિ વધુ સ્પષ્ટ બનવાની શક્યતા છે.

The post શું ઉત્તર પ્રદેશમાં અખિલેશ-કેજરીવાલ વચ્ચે થશે ગઠબંધન? 2027ની ચૂંટણી પૂર્વે રાજકીય અટકળો તેજ appeared first on Gujarat Inside - Latest News Today.