તમિલનાડુના રાજ્યપાલ દ્વારા વિધાનસભામાં પાસ થયેલા બિલોને લંબાવી રાખવા સામે રાજ્ય સરકારે સુપ્રીમ કોર્ટમાં અપીલ કરી હતી. આ કેસની સુનાવણી દરમ્યાન સુપ્રીમ કોર્ટએ અગાઉ રાજ્યપાલ અને રાષ્ટ્રપતિ બંનેને બિલ અંગે નિર્ણય લેવા માટે સમય મર્યાદા નક્કી કરી હતી.

પરંતુ કેન્દ્ર સરકારે દલીલ કરી કે બંધારણના આર્ટિકલ ૨૦૦ અને ૨૦૧માં રાજ્યપાલ અથવા રાષ્ટ્રપતિ માટે બિલને મંજૂરી આપવા કોઈ સમય મર્યાદાનો ઉલ્લેખ નથી. સોલિસિટર જનરલ તુષાર મહેતાએ કહ્યું કે આર્ટિકલ ૧૪૩માં સ્પષ્ટ છે કે રાષ્ટ્રપતિ પોતાની રીતે નિર્ણય લેવા માટે સ્વતંત્ર છે અને સુપ્રીમ કોર્ટ તેમને કહી શકે નહીં કે બિલો અંગે ક્યારે નિર્ણય લેવો.

મામલો હાલ મુખ્ય ન્યાયાધીશ બી. આર. ગવઈની અધ્યક્ષતામાં પાંચ ન્યાયાધીશોની બેંચ સમક્ષ ચાલી રહ્યો છે.

The post રાષ્ટ્રપતિની મર્યાદા નક્કી કરવાનો અધિકાર સુપ્રીમ કોર્ટને નથી: કેન્દ્ર સરકારનું નિવેદન appeared first on Gujarat Inside - Latest News Today.