ખાસ કરીને વાવ તાલુકાના મોરીખા ગામની મુલાકાત દરમિયાન તેમણે પાંચ ફૂટ ઊંડા પાણીમાં ઊતરવાની હિંમત બતાવી અને ગામના યુવાનો અને સરપંચ સાથે મળીને શિવ મંદિર પાછળની દીવાલ તોડી પાણીના નિકાલ માટે તાત્કાલિક વ્યવસ્થા કરાવી.

ગેનીબહેન ઠાકોરે આ પરિસ્થિતિનું પોતે જ નિરીક્ષણ કરીને સ્થાનિકો પાસેથી મુશ્કેલીઓ સાંભળી તાત્કાલિક રાહત કાર્યની માંગ કરી. તેમણે આ રીતે મીડિયા અને વહીવટી તંત્રની નિષ્ક્રિયતા પર આક્રોશ વ્યક્ત કર્યો.

સાંસદ ગેનીબહેન ઠાકોરે સુઈગામ પ્રાંત કચેરી ખાતે મુખ્યમંત્રીને મળીને બનેસકાંઠામાં ભારે વરસાદથી સર્જાયેલી નુકશાની માટે રૂ. 1000 કરોડના સહાય પેકેજની અરજી કરી.

તેમણે આક્ષેપ કર્યો કે મુખ્યમંત્રીના આગમન પછી જ વહીવટી તંત્ર સક્રિય થયું છે, જ્યારે તંત્ર પહેલેથી જ યોગ્ય કામગીરી કરવામાં નિષ્ફળ રહ્યું.

અગાઉ બનાસકાંઠામાં પૂર પ્રસંગે ગેનીબહેન ઠાકોર ગેરહાજર હોવાથી મંત્રી જગદીશ વિશ્વકર્માએ તેમને આક્ષેપ કર્યો હતો કે તેમણે બનાસકાંઠાના બદલે સોમનાથની મુલાકાત લીધી અને સ્થાનિક જનતાની સમસ્યાઓને અવગણ્યું, જે બાદ તેમને લોકોએ નારાજગી દર્શાવી હતી.

The post બનાસકાંઠા: સાંસદ ગેનીબહેન ઠાકોર પાણીએ ભરાયેલી ગામની મુલાકાત લઇ, CM પાસે રૂ. 1000 કરોડની મદદની માંગ appeared first on Gujarat Inside - Latest News Today.

જિલ્લા કલેકટર મિહિર પટેલના માર્ગદર્શન હેઠળ વહીવટી તંત્ર રાઉન્ડ-ધ-ક્લોક કામગીરી કરી રહ્યું છે. અસરગ્રસ્ત ગામોમાં ફૂડ પેકેટ અને પાણીની બોટલનું વિતરણ સક્રિયપણે થઈ રહ્યું છે.

સુઈગામના જેલાણા, નેસડા, ગોલપ, પાડણ, ભરડવા, કાણોઠી, મમાણા, લિંબાળા અને કોરોટી સહિતના ગામોમાં તંત્રના કર્મચારીઓએ પાણીમાં જઈને ઘર-ઘર ફૂડ પેકેટ પહોંચાડ્યા છે.

ફૂડ પેકેટમાં સુખડી, ચવાણું, પાપડી અને ગાંઠિયા જેવા સૂકા નાસ્તાનો સમાવેશ કરવામાં આવ્યો છે.

આ ઉપરાંત, સુઈગામના વિવિધ પૂરની અસરગ્રસ્ત ગામો માટે થરાદ ખાતેથી ખાસ રાહત સામગ્રી મોકલાઈ છે. કુલ 2000 લોટના પેકેટ (1000 ઘઉંના અને 1000 બાજરીના) પાંચ કિલોના પેકમાં ટ્રક મારફતે મોકલાયા છે.

સાથે જ 24,000 પાણીની બોટલ પણ રવાના કરી, સ્થાનિક લોકો સુધી પહોંચી રહે તે સુનિશ્ચિત કરવામાં આવ્યું છે. તંત્રનું આ પગલું પૂરગ્રસ્ત લોકો માટે મોટો રાહતકારક પ્રયાસ ગણાય છે.

The post થરાદ ખાતેથી સુઈગામ માટે 2000 લોટના પેકેટ અને 24,000 પાણીની બોટલ રવાના appeared first on Gujarat Inside - Latest News Today.