વિમાન ચીનમાં બનેલું ચેંગદૂ એફ-7 બીજીઆઈ મોડલનું હતું, જેને બાંગ્લાદેશ એરફોર્સ ટ્રેનિંગ માટે ઉપયોગમાં લેતી હતી. મળતી માહિતી પ્રમાણે વિમાન ટેકઓફ બાદ તાત્કાલિક ટેક્નિકલ ખામી સામે આવી અને પાઇલટે પબ્લિક વાળા વિસ્તારો ટાળવા પ્રયાસ કર્યો, છતાં વિમાન બે માળની કોલેજ ઇમારત પર તૂટી પડ્યું.

વિમાનના કાટમાળમાં આગ લાગી જતા ભારે ધુમાડો ફેલાયો હતો અને આસપાસના વિસ્તારોમાં અફરાતફરીનો માહોલ સર્જાયો હતો. દુર્ઘટનામાં વિદ્યાર્થીઓ, શિક્ષકો તથા અન્ય સ્ટાફના લોકોના મોત થયા છે. અનેક ઘાયલોને તાત્કાલિક નજીકની હોસ્પિટલમાં સારવાર માટે ખસેડવામાં આવ્યા છે.

બાંગ્લાદેશ સરકારે 22 જુલાઈને રાષ્ટ્રીય શોક દિવસ જાહેર કર્યો છે. દુર્ઘટનાને લઈને ઊંડા શોકની લાગણી વ્યાપી ગઈ છે. બચાવકાર્ય હજુ ચાલુ છે અને મૃતકોની ઓળખ પ્રક્રિયા અને નિવૃત્તિઓ ચાલુ છે. ઘટનાની તપાસ માટે ઉચ્ચસ્તરીય સમિતિની રચના કરાઈ છે.

The post ઢાકામાં કોલેજ પર બાંગ્લાદેશ એરફોર્સનું એફ-7 ટ્રેનર વિમાન ક્રેશ, 19ના મોત appeared first on Gujarat Inside - Latest News Today.