જોકે ભારત સરકાર અથવા રિફાઇનરીઓ તરફથી હજી સુધી કોઈ સત્તાવાર નિવેદન આવ્યું નથી, રોયટર્સને મળેલી માહિતી મુજબ ભારતીય કંપનીઓ ઓગસ્ટની તુલનામાં 10થી 20 ટકા વધુ ક્રૂડ ઓઇલ રશિયાથી ખરીદશે. આ ખરીદી દરરોજ 1.5 લાખથી 3 લાખ બેરલ સુધી વધવાની શક્યતા દર્શાવવામાં આવી છે.

રશિયન રિફાઇનરીઓ પર હુમલાનો પ્રભાવ

યુક્રેન-રશિયા યુદ્ધ ચાલુ હોવાના કારણે રશિયાની તેલ રિફાઇનિંગ ક્ષમતા પર અસર થઈ છે. તાજેતરના દિવસોમાં યુક્રેન દ્વારા કરવામાં આવેલા હુમલાઓથી રશિયાની 10 રિફાઇનરીઓને નુકસાન પહોંચ્યું છે, જેના પરિણામે તેની રિફાઇનિંગ ક્ષમતા લગભગ 17% સુધી ઘટી છે. આ પરિસ્થિતિમાં રશિયા પાસે વેચાણ માટે કાચું તેલ (ક્રૂડ ઓઇલ) વધારે ઉપલબ્ધ થયું છે.

ભારત-રશિયા તેલ વેપાર

વર્ષ 2022માં રશિયાએ યુક્રેન સામે સૈન્ય કાર્યવાહી શરૂ કર્યા પછી પશ્ચિમના દેશોએ મોસ્કો પર અનેક આર્થિક પ્રતિબંધો લગાવ્યા હતા. એ સમયે ભારત રશિયન ક્રૂડનો સૌથી મોટો ગ્રાહક બન્યું હતું. ભારતે પોતાની ઊર્જાની જરૂરિયાતો પૂરી કરવા માટે રશિયન તેલની ખરીદીમાં વધારો કર્યો હતો.

અમેરિકાનો દબાવ અને ટ્રમ્પની ચેતવણી

અમેરિકા સતત ભારતના આ નિર્ણય પર નારાજગી દર્શાવી રહ્યું છે. ટ્રમ્પના નેતૃત્વ હેઠળ અમેરિકાએ રશિયન તેલ ખરીદી બદલ ભારત પર 25% ટેરિફ અને દંડ લગાવ્યા હતા, જે બાદમાં વધીને કુલ 50% સુધી પહોંચી ગયા. અમેરિકાનો આક્ષેપ છે કે ભારત રશિયન તેલ સસ્તું ખરીદી પશ્ચિમના બજારમાં ઊંચી કિંમતે વેચીને નફાખોરી કરી રહ્યું છે.

ભારતનો જવાબ

ભારતે સ્પષ્ટ કર્યું છે કે ઊર્જા સુરક્ષા માટે તે પોતાની જરૂરિયાતો અનુસાર નિર્ણય લેશે. ભારતે એ પણ તર્ક આપ્યો છે કે યુરોપિયન યુનિયન અને અમેરિકા પોતે રશિયા સાથે અબજો ડોલરનો વેપાર કરી રહ્યા છે, ત્યારે ભારત પર આરોપ લગાવવો યોગ્ય નથી. વિશ્લેષકો માને છે કે જો ભારત ખરીદી અટકાવે તો રશિયા માટે તેની તેલની નિકાસ જાળવી રાખવી મુશ્કેલ બની જશે, જે તેની આવકને સીધો ફટકો પહોંચાડશે.

The post ટ્રમ્પની ધમકીઓ વચ્ચે ભારતની મોટી ચાલ: સપ્ટેમ્બરમાં રશિયાથી વધુ ક્રૂડ ઓઇલ ખરીદશે: રિપોર્ટ appeared first on Gujarat Inside - Latest News Today.

રશિયામાં ભારતના રાજદૂત વિનય કુમારે સ્પષ્ટપણે જણાવ્યું કે, ભારતીય કંપનીઓને જ્યાંથી સસ્તુ તેલ મળશે ત્યાંથી જ ખરીદી થશે. તેમણે ભારપૂર્વક જણાવ્યું કે, ભારતની પ્રાથમિકતા પોતાના દેશની 140 કરોડ વસ્તી માટે ઉર્જા સુરક્ષા સુનિશ્ચિત કરવી છે. વિદેશ મંત્રી એસ. જયશંકરે પણ અમેરિકાના ટેરિફને “વિચિત્ર અને બિનજરૂરી” ગણાવતા કહ્યું કે, અન્ય દેશોની ખરીદીને રોકવા પ્રયાસ કરવો યોગ્ય નથી.

વિનય કુમારે કહ્યું કે, ભારત-રશિયા વચ્ચે તેલની ચુકવણીમાં કોઈ સમસ્યા નથી, કારણ કે બંને દેશો સ્થાનિક કરન્સીમાં વેપાર કરે છે. ભારતીય નિકાસ સંગઠન મહાસંઘના મહાનિર્દેશક અજય સાહાએ જણાવ્યું કે, ભારતીય બેંકોમાં રશિયન નિકાસકારોના અબજો રૂપિયા જમા છે અને રશિયા સાથે ભારતીય રૂપિયામાં વેપાર ચાલુ છે.

અમેરિકામાં પણ ટ્રમ્પના નિર્ણયનો વિરોધ થયો છે. રિપબ્લિકન નેતા નિકી હેલી અને પૂર્વ વિદેશ મંત્રી જ્હોન કેરીએ કહ્યું કે, ભારત સાથે નાંતિભર્યા સંબંધો ટાઢા કરવાથી અમેરિકા પોતાના સહયોગીઓને દૂર કરી રહ્યું છે. પૂર્વ રાષ્ટ્રીય સુરક્ષા સલાહકાર જ્હોન બોલ્ટે જણાવ્યું કે, ચીન પણ રશિયાથી તેલ ખરીદી રહ્યું છે, છતાં ટ્રમ્પએ ચીન પર ટેરિફ નથી લગાવ્યા, જેથી ભારત રશિયા અને ચીનની નજીક જઈ શકે છે.

The post ‘જ્યાં સસ્તું મળશે ત્યાંથી ઓઈલ ખરીદીશું’, ટેરિફ વિવાદ વચ્ચે ભારતનો અમેરિકાને સ્પષ્ટ જવાબ appeared first on Gujarat Inside - Latest News Today.

ગલ્ફ દેશોના ક્રૂડ ઓઈલના ભાવમાં પણ દોઢ ટકાનો ઘટાડો થયો છે. બ્રેન્ટ ક્રૂડના ભાવ 1.48 ટકા ઘટીને $65.85 પ્રતિ બેરલ થયા છે. ઓગસ્ટ મહિનામાં બ્રેન્ટ ક્રૂડમાં 9.21 ટકા એટલે કે $6.68 પ્રતિ બેરલ ઘટાડો નોંધાયો છે. નિષ્ણાતોના મતે, આ ઘટાડો ભારત માટે ખૂબ જ સકારાત્મક છે, કારણ કે ભારત ગલ્ફ દેશોમાંથી મોટા પ્રમાણમાં તેલ આયાત કરે છે.

બેઠકમાં મોટાભાગના મુદ્દાઓ પર કોઈ સહમતિ ન આવી, પરંતુ પુતિને ટ્રમ્પને મોસ્કોમાં આગામી બેઠક માટે આમંત્રણ આપ્યું છે. આથી એવું જણાય છે કે રશિયા અને યુક્રેન વચ્ચે શાંતિની સંભાવના હજી યથાવત છે. તેલના ભાવમાં આવેલા ઘટાડા એનો સંકેત આપે છે કે તણાવ પૂરેપૂરો નથી પરંતુ વાતચીતના દરવાજા ખુલ્લા છે.

આ બેઠક ભારત માટે ખૂબ જ મહત્વપૂર્ણ હતી, કારણ કે જો યુદ્ધવિરામ અંગે કોઈ સકારાત્મક પરિણામ મળ્યું હોત, તો રશિયન તેલ આયાત પર લાદવામાં આવેલા 25 ટકા વધારાના અમેરિકન ટેરિફ દૂર થવાની શક્યતા હતી. હાલ, આ ટેરિફ 28 ઓગસ્ટથી અમલમાં આવશે. જોકે અમેરિકા અને ભારત વચ્ચે ચર્ચા ચાલુ છે અને શક્ય છે કે અમલ પહેલા રાહત મળી શકે.

આ દરમિયાન, એક અહેવાલ મુજબ ઓગસ્ટ મહિનામાં ભારતની રશિયન તેલ આયાતમાં વધારો થયો છે. કેપ્લરના ડેટા મુજબ, ભારત ઓગસ્ટમાં દરરોજ સરેરાશ 2 મિલિયન બેરલ રશિયન ક્રૂડ આયાત કરી રહ્યું છે, જે જુલાઈમાં 1.6 મિલિયન બેરલ હતું. આ વૃદ્ધિ ઇરાક અને સાઉદી અરેબિયાથી આયાતમાં ઘટાડા કારણે થઈ છે.

The post ટ્રમ્પ-પુતિન બેઠક બાદ ક્રૂડ ઓઈલના ભાવમાં ઘટાડો, 100 દેશોને મોટી રાહત appeared first on Gujarat Inside - Latest News Today.

ટ્રમ્પે ચીન પર પણ આવાં પગલાંની શક્યતા વ્યક્ત કરી છે. તેમણે કહ્યું કે, “રશિયન ક્રૂડ ઓઇલની ખરીદીમાં ભારત ચીન પછી બીજે ક્રમે છે. આપણે જે ભારત સાથે કર્યું છે તે અન્ય દેશો પર પણ લાગુ થશે.” તેમના વહીવટીતંત્ર અનુસાર, ભારત રશિયાનું યુદ્ધ યંત્ર ચાલુ રાખવામાં ઈંધણ પુરું પાડી રહ્યું છે. ટ્રમ્પે આરોપ મૂક્યો કે, ભારત રશિયા દ્વારા યુદ્ધ ચલાવવાના સાધનને ફંડિંગ આપી રહ્યું છે.

વ્હાઇટ હાઉસના વેપાર સલાહકાર પીટર નવારોએ પણ ટેરિફ વધારાના નિર્ણયને સમર્થન આપતાં કહ્યું કે, “આ નિર્ણય રાષ્ટ્રીય સુરક્ષાને ધ્યાનમાં રાખીને લેવામાં આવ્યો છે.” ટ્રમ્પ વહીવટીતંત્ર માને છે કે ભારતે રશિયાથી ક્રૂડ ઓઇલની ખરીદી બંધ કરવાની ના પાડી છે, જેને કારણે આ સખત નીતિ અપનાવવી પડી છે.

ટ્રમ્પે 30 જુલાઈએ પ્રથમ વખત 25% ટેરિફની જાહેરાત કરી હતી, જે 7 ઓગસ્ટથી લાગૂ થશે. ત્યારબાદ, 6 ઓગસ્ટે વધુ એક 25% ટેરિફ જાહેર કરાઈ છે, જે 27 ઓગસ્ટથી અમલમાં આવશે. આ રીતે, ભારત પર કુલ 50% બેઝલાઇન ટેરિફ લાગુ થઈ જશે. ચીન માટે, તેમણે હાલમાં ટેરિફ 90 દિવસ માટે સ્થગિત રાખ્યું છે.

વિદેશ મંત્રાલયે આ નિર્ણયની ટીકા કરતા કહ્યું કે, ભારતની ઊર્જા સુરક્ષા અને રાષ્ટ્રીય હિતો માટે ભારત રશિયન ઓઇલ ખરીદે છે. ભારતના કહેવા પ્રમાણે, 140 કરોડ નાગરિકોની ઊર્જા જરૂરિયાત પૂરી કરવી તે દેશની પ્રથમતા છે. વિદેશ મંત્રાલયે જણાવ્યું કે, ફક્ત ભારતને ટારગેટ કરવું ન્યાયસંગત નથી અને ભારત તમામ રાષ્ટ્રીય હિતોને રક્ષવા માટે જરૂરી પગલાં લેશે.

The post ડોનાલ્ડ ટ્રમ્પે ભારત પર 50% ટેરિફ બાદ હવે ‘સેકન્ડરી સૈંક્શન્સ’ની ચેતવણી આપી appeared first on Gujarat Inside - Latest News Today.