આ કેસ હવે મુંબઈ પોલીસની આર્થિક ગુના શાખા (EOW) દ્વારા તપાસવામાં આવી રહ્યો છે, કારણ કે છેતરપિંડીની રકમ 10 કરોડથી વધુ છે.

શું છે મામલો?

ઉદ્યોગપતિ દીપક કોઠારીએ જણાવ્યું કે, તેમને રાજેશ આર્ય દ્વારા શિલ્પા અને રાજ કુન્દ્રા સાથે પરિચય કરાવાયો હતો, જેમણે તેમને “બેસ્ટ ડીલ ટીવી પ્રાઇવેટ લિમિટેડ”માં રોકાણ માટે કહ્યું હતું. આ કંપની હોમ શોપિંગ અને ઓનલાઈન રિટેલ સેક્ટરમાં હતી અને તેમાં શિલ્પા તથા રાજના કુલ 87.6% શેર હતાં.

આ આરોપીઓએ 12% વ્યાજે લોનના રૂપમાં ₹75 કરોડ માંગ્યા, અને પછી કરવેરાની રાહતના બહાને તેને રોકાણ તરીકે ફેરવવા કહ્યું. વળતર અને મૂડી પર સંપૂર્ણ ગેરંટી આપવાનો પણ વચન આપવામાં આવ્યું હતું.

કેવી રીતે થઈ છેતરપિંડી?

• એપ્રિલ 2015: ₹31.9 કરોડનું પ્રથમ શેર સબસ્ક્રિપ્શન કરાર હેઠળ ટ્રાન્સફર
• સપ્ટેમ્બર 2015: ₹28.53 કરોડનું પૂરક કરાર હેઠળ ટ્રાન્સફર
• એપ્રિલ 2016: શિલ્પાએ પર્સનલ ગેરંટી આપી
• સપ્ટેમ્બર 2016: શિલ્પા ડિરેક્ટર પદેથી રાજીનામું આપી દે છે

બાદમાં ઉદ્યોગપતિને ખબર પડી કે કંપની ડિફોલ્ટ કરી ચૂકી છે અને 2017માં નાદારી પ્રક્રિયા હેઠળ ચાલતી હતી. હાલ સમગ્ર મામલો તપાસ હેઠળ છે.

The post 60 કરોડની છેતરપિંડી: શિલ્પા શેટ્ટી અને રાજ કુન્દ્રા વિરુદ્ધ EOW દ્વારા ગુનો નોંધાયો appeared first on Gujarat Inside - Latest News Today.