કટુંબ, પરંપરા અને સંમતિનું અનોખું સંયોજન

પ્રદીપ નેગી રાજ્યના જલ શક્તિ વિભાગમાં છે અને તેનો ભાઈ કપિલ નેગી વિદેશમાં હૉસ્પિટાલિટી ક્ષેત્રમાં કાર્યરત છે. તેમણે કહ્યું કે આ નિર્ણય બંનેનો સંયુક્ત હતો અને તેમને તેમના મૂળ તથા પરંપરાઓ પર ગર્વ છે. દુલ્હન સુનિતાએ પણ જણાવ્યું કે આ નિર્ણય સંપૂર્ણપણે તેની ઈચ્છા પર આધારિત છે અને તેની પર કોઈ દબાણ નહોતું.

ઘણા ગામોમાં છે આવી પરંપરા

હાટી સમુદાયમાં આવા લગ્નો સામાન્ય રીતે શાંતિથી અને ખાનગી રીતે થાય છે, પરંતુ આ વખતનો સમારોહ ખુલ્લેઆમ, ઉત્સાહપૂર્વક અને સમાજની હાજરીમાં ઉજવાયો. ત્રણ દિવસ ચાલેલા સમારોહમાં લોકસંગીત, નૃત્ય અને પરંપરાગત વાનગીઓથી સંસ્કૃતિની ઝાંખી જોવા મળી.

શા માટે અસ્તિત્વમાં આવી પરંપરા?

ટ્રાન્સ-ગિરી ક્ષેત્રમાં આવેલા સમાજોમાં ભૂમિ વિભાજનથી બચવા, કુટુંબમાં એકતા જાળવવા અને મહિલાઓને વિધવા થવાથી બચાવવા માટે આવી પરંપરાઓનો પ્રારંભ થયો હતો. હમણાં હાટી સમુદાયને અનુસૂચિત જનજાતિ (ST) નો દરજ્જો મળતા આવી પરંપરાઓ અંગે વધુ ખુલાસો થઈ રહ્યો છે.

The post હિમાચલ પ્રદેશમાં બે ભાઈઓએ એક જ યુવતી સાથે કર્યા લગ્ન, હાટી સમુદાયની પરંપરા દેશભરમાં ચર્ચાનું કેન્દ્ર બની appeared first on Gujarat Inside - Latest News Today.