ગ્રામ્ય વિસ્તારમાં નવરાત્રિના તહેવાર દરમિયાન 792 સ્થળોએ ગરબા યોજાશે. પોલીસ સતત પેટ્રોલિંગ અને સુરક્ષા માટે ગતિવિધિઓ શરૂ કરી રહી છે.

અમદાવાદ ગ્રામ્ય એસપી ઓમ પ્રકાશ જાટે જણાવ્યું હતું કે, નાગરિકો માટે સલામત નવરાત્રિ સુનિશ્ચિત કરવા માટે પોલીસ હેલ્પ ડેસ્ક અને શી ટીમ સાથે બંદોબસ્ત રાખશે. મહિલાઓની સુરક્ષાને પ્રથમ પ્રાથમિકતા આપી 112 ડાયલના દ્વારા તાત્કાલિક મદદ ઉપલબ્ધ રહેશે.

સોશિયલ મીડિયા પર ધાર્મિક ટીપ્પણીઓ પર પણ પોલીસ નજર રાખશે અને અસામાજિક પ્રવૃત્તિ સામે કાર્યવાહી કરવાની તૈયારી રહેશે.

આ દરમિયાન, 70 મોટા ગરબા સ્થળો પર આજે મોકડ્રીલ યોજાશે. ગ્રામ્ય વિસ્તારોમાં હોમગાર્ડ અને પોલીસ મિશ્ર બંદોબસ્તમાં 1,700 કર્મચારીઓ ખોટી કામગીરી અટકાવવા માટે તૈનાત રહેશે.

ચાર DySP, 20 PI અને 31 PSI સુપરવિઝન હેઠળ કામગીરી ચલાવશે. તમામ ગરબા સ્થળોએ ભીડ નિયંત્રણ માટે શી ટીમ, હેલ્પ ડેસ્ક અને પોલીસ અધિકારીના સંપર્ક નંબર સાથે બેનરો મૂકવામાં આવશે. 112 વાન પેટ્રોલિંગ દ્વારા સતત ગશ્ત રાખવામાં આવશે.

નવરાત્રિ તહેવાર દરમ્યાન પોલીસની આ વ્યવસ્થા લોકજાગૃતિ અને સુરક્ષા બંનેને સુનિશ્ચિત કરશે, અને તહેવારના આનંદને સમૃદ્ધ અને સલામત બનાવશે.

The post નવરાત્રિમાં 792 સ્થળે ગરબા યોજાશે, પોલીસ સજ્જ: સોશિયલ મીડિયામાં ધાર્મિક ટીપ્પણીઓ પર ખાસ નજર appeared first on Gujarat Inside - Latest News Today.

આ વર્ષે ઉજવણીમાં માત્ર આનંદ જ નહીં પરંતુ પર્યાવરણ સંરક્ષણ, ધ્વનિ પ્રદૂષણ ઘટાડવા અને સાઇબર સુરક્ષાનો સંદેશ પણ પ્રસરી રહ્યો છે.

નરોડાની પાયલ પાર્ક સોસાયટીમાં દર વર્ષની જેમ આ વર્ષે પણ સૌથી મોટા ગરબાનું આયોજન સોસાયટીના આગંણે જ કરવામાં આવ્યું છે.

સેક્રેટરી કેતન પટેલે જણાવ્યું કે, આ વખતે સ્વચ્છતા સાથે સુરક્ષા અને ભીડનું યોગ્ય સંચાલન કરવા માટે ખાસ આયોજન કરવામાં આવ્યું છે. સાથે જ આત્મનિર્ભર ભારત અને મહિલા સુરક્ષાના સંદેશા સાથે લોકજાગૃતિ અભિયાન પણ ચલાવવામાં આવી રહ્યું છે.

ઈક્લેટ હાઈટ્સના ચેરમેન વિજયભાઈએ જણાવ્યું કે, સોસાયટીમાં ફરજિયાત ફી ઉઘરાવવાને બદલે ભક્તિભાવથી મળતો સ્વૈચ્છિક ફાળો સ્વીકારવામાં આવે છે. મ્યુઝિક સિસ્ટમનો અવાજ મર્યાદામાં રાખવામાં આવે છે જેથી કોઈને અસુવિધા ન થાય અને નાસ્તામાં હેલ્ધી ફૂડ પર ધ્યાન આપવામાં આવે છે.

ઓઢવ ગામમાં પણ વર્ષોથી ચાલી આવતી નવરાત્રિની પરંપરા અંતર્ગત દશેરાના દિવસે પારંપરિક સેમોલ માતાની માંડવી નીકળે છે, જેમાં ગામના તમામ લોકો ભાગ લે છે અને સવાર સુધી ગરબા યોજાય છે.

આ વર્ષે ઉજવણીમાં માત્ર ભક્તિભાવ જ નહીં પરંતુ આરોગ્ય, પર્યાવરણ અને સમાજ માટેના સંદેશો સાથે નવરાત્રિને વિશેષ રૂપ આપવાનો પ્રયાસ થઈ રહ્યો છે.

The post અમદાવાદમાં નવરાત્રિની રમઝટ: શેરી ગરબા સાથે પર્યાવરણ, સાઇબર સુરક્ષા અને સ્વચ્છતાનો સંદેશ appeared first on Gujarat Inside - Latest News Today.

ડેપ્યુટી મ્યુનિસિપલ કમિશનર (ફાયર) વિપુલ ઠક્કરે જણાવ્યું કે અમદાવાદમાં નવરાત્રિ દરમિયાન લાખો લોકો ગરબામાં ભાગ લે છે, તેથી લોકોની સલામતીને પ્રાથમિકતા આપી SOP ફરજિયાત અમલમાં મૂકાઈ છે.

SOP મુજબ આયોજકોને ફાયર વિભાગ ઉપરાંત પોલીસ, ટ્રાફિક અને કોર્પોરેશનના અન્ય સંબંધિત વિભાગોની મંજૂરી પણ લેવી પડશે.

SOPની મુખ્ય જોગવાઈઓમાં મંડપ-પંડાલને સ્કૂલ

હોસ્પિટલ અને જ્વલનશીલ પદાર્થના ગોડાઉનથી દૂર બનાવવો

ફાયર વાહનો માટે માર્ગ ખુલ્લો રાખવો

બે વિરુદ્ધ દિશામાં ઈમરજન્સી એક્ઝિટની વ્યવસ્થા કરવી

બેઠક વ્યવસ્થા અને બહાર નીકળવાના રસ્તા વચ્ચેનું અંતર 15 મીટરથી વધુ ન હોવું

પબ્લિક એડ્રેસ સિસ્ટમ ફરજિયાત રાખવી

જ્વલનશીલ પદાર્થ પંડાલમાં ન રાખવા

ઇલેક્ટ્રિક જંકશન બોર્ડ યોગ્ય અંતરે મૂકવા અને ઓટો ગ્લો સાઇનબોર્ડ દ્વારા એક્ઝિટ સ્પષ્ટ દર્શાવવીનો સમાવેશ થાય છે.

ઉપરાંત, મંડપ પરિસરમાં 6 કિલોના બે ફાયર એક્ષટીંગ્યુશર, 4.5 કિલોના બે CO2 ફાયર એક્ષટીંગ્યુશર, 200 લિટર પાણી ભરેલા ડ્રમ અને રેતી ભરેલી બે ડોલ ફરજિયાત રાખવાની રહેશે. જો સ્ક્રીન હોય તો ફાયર સેફ્ટી અંગેની ફિલ્મ પ્રદર્શિત કરવી રહેશે.

The post અમદાવાદમાં નવરાત્રિ ગરબા માટે ફાયર સેફ્ટી સર્ટિફિકેટ ફરજિયાત, મ્યુનિસિપલ તંત્ર દ્વારા SOP જાહેર appeared first on Gujarat Inside - Latest News Today.

હનુમાન ટેકરી-2માં કેદારનાથ ભગવાનની જળઅભિષેક કરતી પ્રતિમા સ્થાપિત છે. મંડળના મનોજ રાણા જણાવે છે કે, 1986થી દર વર્ષે અહીં ગણેશજીની સ્થાપના થાય છે અને ત્રણ-ચાર મહિના પહેલાં મંડળની મીટીંગમાં વિષય અને થીમ નક્કી કરીને ઓર્ડર આપવામાં આવે છે. ૫ ફૂટથી મોટી પ્રતિમાઓ વિસર્જન માટે દરિયામાં મૂકી શકાય છે, જે કોટ વિસ્તારની એક વિશેષતા છે.

નાપુરા કાંટાની વાડના જાગૃતિ યુવક મંડળના સુભાષ રાણા જણાવે છે કે, દરેક મોહલ્લામાં ૩થી ૫ ગણેશ મંડપ છે, અને દરેક જગ્યાએ યુનિક થીમ પર ગણેશજીની સ્થાપના થાય છે. ગલેમંડી વિસ્તારમાં 20 ફૂટથી મોટી, અને બેગમપુરામાં 30 ફૂટ જેટલી પ્રતિમાઓ સ્થાપિત છે. આ સ્થાનોએ સાંકડી ગલીઓ હોવાથી પ્રતિમાઓને વિસર્જન માટે બહાર લાવવી પડકારરૂપ હોય છે.

કોટ વિસ્તારમાં યુનિક અને ભવ્ય ગણેશ પ્રતિમાઓની સંખ્યા, પ્રત્યેક મોહલ્લાના ઉત્સાહ અને ભક્તિભાવને દર્શાવે છે.

The post કોટ વિસ્તારમાં ગણેશોત્સવની ઉજવણી, 10-30 ફૂટ પ્રતિમાઓમાં ભક્તોની ભીડ appeared first on Gujarat Inside - Latest News Today.

કોર્પોરેશન દ્વારા દરેક કુંડ તથા પંડાલની બે વખત સફાઈ કરવામાં આવશે. મૂર્તિ વિસર્જન માટે આવતા સ્થળો પર રજીસ્ટરમાં મૂર્તિની સાઈઝ અને સંખ્યા અંગેની વિગતવાર નોંધ કરવામાં આવશે. ઉપરાંત, કચરો અલગ રીતે એકઠો થાય તે માટે સ્ટિકર લગાવેલા ડસ્ટબિન અને બેરલ મુકવામાં આવશે.

આગની કોઈપણ આશંકાને ધ્યાનમાં રાખીને ફાયર બ્રિગેડની પાંચ ટીમોને પણ અલગ-અલગ કુંડ અને પંડાલ ખાતે તહેનાત કરવામાં આવી છે.
પ્રતિ વર્ષે જેમ ભાવિકો એક દિવસથી લઈ દસ દિવસ સુધી શ્રીજીની મૂર્તિની સ્થાપના કરી ભક્તિપૂર્વક વિસર્જન કરતા હોય છે, તેવી જ રીતે આ વર્ષે પણ ગણેશ ચતુર્થીથી અનંત ચતુર્દશી સુધી વિસર્જન માટે વ્યવસ્થા કરવામાં આવી છે.

સ્ટેન્ડિંગ કમિટી ચેરમેન દેવાંગ દાણીએ જણાવ્યું કે એક કુંડ બનાવવા માટે અંદાજે રૂ. 15 લાખનો ખર્ચ કરવામાં આવ્યો છે.

The post અમદાવાદમાં ગણેશોત્સવ: 8 કરોડના ખર્ચે 49 વિસર્જન કુંડની સુવિધા appeared first on Gujarat Inside - Latest News Today.

બનાસકાંઠા જિલ્લાના કલેક્ટર અને શ્રી આરાસુરી અંબાજી માતા દેવસ્થાન ટ્રસ્ટના અધ્યક્ષ મિહિર પટેલે પ્રસાદના ઘરના શુભારંભ કર્યો હતો. તેમણે જણાવ્યા કે ભાદરવી પૂનમના મેળામાં આવતા માઇભક્તોને કોઈ અઘરસંપન્નતા ન થાય તે માટે ટ્રસ્ટ દ્વારા વિશેષ આયોજન કરવામાં આવ્યું છે. સુરક્ષા જાળવવા માટે પોલીસ અને અન્ય સુરક્ષા એજન્સીઓ ચુસ્ત બંદોબસ્ત ગોઠવશે, જ્યારે સ્વચ્છતા જાળવવા માટે વિશેષ ટીમો તૈનાત કરવામાં આવી છે.

આ વર્ષે અંદાજે 2.50 લાખ કિલો મોહનથાળનો પ્રસાદ તૈયાર કરવામાં આવશે. પ્રસાદ માટે 90,000 કિલો કરકરો બેસન, 1,35,000 કિલો ખાંડ, 67,000 કિલો શુદ્ધ ઘી અને 180 કિલો એલચીનો ઉપયોગ કરવામાં આવશે. 30 લાખથી વધુ પેકેટ્સમાં પ્રસાદ વિતરણ માટે 750 થી વધુ કારીગરો રાત-દિવસ કાર્યરત રહેશે.

અંબાજી મંદિર ટ્રસ્ટે ખાતરી આપી છે કે દરેક ભક્ત સુધી પ્રસાદ સરળતાથી અને સ્વચ્છ રીતે પહોંચાડવામાં આવશે. મેળા દરમિયાન દર્શન, રહેવા અને અન્ય સુવિધાઓ સુચારુ રીતે ચાલે તે માટે તંત્ર અને ટ્રસ્ટ સંયુક્તપણે કામ કરી રહ્યા છે. આ વર્ષે 30 લાખથી વધુ શ્રદ્ધાળુઓ ભાદરવી પૂનમ મહામેળામાં હાજરી આપવા આવે તેવી અપેક્ષા છે.

The post અંબાજી ભાદરવી પૂનમ મહામેળા 2025: 2.5 લાખ કિલો મોહનથાળનો પ્રસાદ તૈયાર appeared first on Gujarat Inside - Latest News Today.

ચાલુ વર્ષે તમામ પદયાત્રી સંઘો અંબાજી મંદિરની સત્તાવાર વેબસાઈટ https://ambajitemple.in/bhadarvi-poonam પરથી નોંધણી કરી શકશે. પોર્ટલનો મુખ્ય ઉદ્દેશ્ય નોંધણી પ્રક્રિયાને સરળ અને પારદર્શક બનાવવાનો છે. નોંધણી પૂર્ણ થયા બાદ સંઘોની વિગતો પ્રાંત અધિકારી, દાંતા કચેરી દ્વારા ચકાસવામાં આવશે. ચકાસણી પછી મંજૂરી તથા વાહન પાસ પણ ઓનલાઇન જ આપવામાં આવશે.

અંબાજી મંદિરના વહીવટદાર તથા અધિક કલેક્ટર કૌશિક મોદીએ જણાવ્યું કે પદયાત્રી સંઘો માટે કોમર્શિયલ અને પ્રાઇવેટ વાહનો માટે વિશેષ પાર્કિંગની સુવિધા પણ આપવામાં આવશે. તેમણે તમામ પદયાત્રી સંઘોને આ સુવિધાનો લાભ લેવા અને તાત્કાલિક પોર્ટલ પર નોંધણી કરવા અપીલ કરી છે.

The post ભાદરવી પૂનમ મહામેળો 2025: અંબાજી પદયાત્રી સંઘો માટે ઓનલાઈન રજીસ્ટ્રેશન શરૂ, જાણો સંપૂર્ણ વિગતો appeared first on Gujarat Inside - Latest News Today.

દ્વારકા: દ્વારકામાં ભક્તોએ દ્વારકાધીશજીના ખુલ્લા મંચ પર સ્નાન અભિષેકના દર્શન કર્યા. મંદિર ટ્રસ્ટ અને પોલીસ વિભાગે ભક્તોની સુવિધા માટે વિશેષ વ્યવસ્થા કરી છે. સવારે 6 વાગ્યે મંગળા આરતી બાદ ખુલ્લા પડદે સ્નાન અભિષેક કરવામાં આવ્યો હતો.

ડાકોર: અહીં ભગવાન રણછોડરાયજીને મોગલ સામ્રાજ્યનો હીરાજડિત મુગટ અને વડોદરાથી લાવવામાં આવેલા કેવડાના ફૂલનો વિશેષ શણગાર કરવામાં આવ્યો છે. મંદિરને 2500થી વધુ રંગબેરંગી ફુગ્ગાઓથી શોભાયમાન બનાવાયું છે. રાત્રે મધ્યરાત્રિએ જન્મોત્સવ મનાવવામાં આવશે અને બીજા દિવસે નંદ મહોત્સવ યોજાશે.

શામળાજી: અરવલ્લીના પ્રસિદ્ધ શામળાજી મંદિરમાં કાળિયા ઠાકરને 4 કરોડના મુગટ સહિત 15 કિલો સોનાના આભૂષણોથી શણગારવામાં આવ્યા છે. અહીં શોભાયાત્રા, ભજન સંધ્યા અને મટકીફોડ જેવા કાર્યક્રમો પણ યોજાયા છે, જેમાં 108 મટકીઓ ફોડવામાં આવશે.

The post ગુજરાતમાં ભવ્ય જન્માષ્ટમી ઉત્સવ: દ્વારકા, ડાકોર અને શામળાજીમાં લાખો ભક્તોની ભીડ appeared first on Gujarat Inside - Latest News Today.