સર્વે બાદ વડાપ્રધાને પીડિત પરિવારો સાથે મુલાકાત કરી તેમની પીડા પ્રત્યે સંવેદના વ્યક્ત કરી હતી તેમજ દરેક પ્રકારની મદદ કરવાનો આશ્વાસન આપ્યો હતો. તેમણે એનડીઆરએફ, એસડીઆરએફ અને સ્વયંસેવકોની બચાવ કામગીરીની પ્રશંસા પણ કરી. કાંગડાના ગગ્ગલ એરપોર્ટ પર પીએમ મોદીએ 11 માસની નીતિકાના પરિવાર સાથે મુલાકાત કરી હતી, જેમણે આફતમાં પોતાના માતા-પિતા અને બાને ગુમાવ્યા હતા.

પીએમ મોદીએ પોતાના X એકાઉન્ટ પર લખ્યું કે હિમાચલમાં પૂર અને ભૂસ્ખલનથી થયેલા નુકસાન મનને હચમચાવી નાખે છે. સરકાર દરેક પીડિત સુધી સહાય પહોંચાડવા માટે પ્રતિબદ્ધ છે.

આફતથી અત્યાર સુધીમાં 366 લોકોના મોત, 41 લોકો ગુમ અને 426 લોકો ઈજાગ્રસ્ત થયા હોવાનું હિમાચલ આપત્તિ નિવારણ વિભાગે જાહેર કર્યું છે. ઉપરાંત 6301 મકાનો ધરાશાયી થયા, 1991 પશુધન તથા 26,955 કુકડીઓ તણાઈ ગઈ. અંદાજે રૂ. 4080 કરોડથી વધુનું નુકસાન થયું છે.

ઉલ્લેખનીય છે કે છેલ્લા ત્રણ વર્ષમાં હિમાચલ પ્રદેશે ચોમાસાની સીઝનમાં લગભગ 17 હજાર કરોડનું નુકસાન સહન કરવું પડ્યું છે.

The post હિમાચલ પ્રદેશમાં પૂર આફત: પીએમ મોદીએ હવાઈ સર્વે કરીને 1500 કરોડની સહાયની કરી જાહેરાત appeared first on Gujarat Inside - Latest News Today.

સતત વરસતા વરસાદને કારણે જમ્મુ અને કાશ્મીર ખીણમાં ભારે નુકસાન થયું છે. અચાનક પૂર અને ભૂસ્ખલનને કારણે વૈષ્ણો દેવી મંદિરની યાત્રા તાત્કાલિક સ્થગિત કરી દેવામાં આવી છે. અનેક પુલ તૂટી પડ્યા છે, જ્યારે મોબાઇલ ટાવર અને વીજળીના થાંભલાઓ ધરાશાયી થતાં ઇન્ફ્રાસ્ટ્રક્ચરને ગંભીર નુકસાન થયું છે.

અધિકારીઓના જણાવ્યા અનુસાર જમ્મુ-કાશ્મીરના મોટા ભાગના વિસ્તારોમાં ટેલિકોમ સેવાઓ ઠપ થઇ જતાં લોકો ફોન કૉલ અને ઇન્ટરનેટ ઉપયોગ માટે પરેશાન થઈ રહ્યા છે. મંગળવારે અનેક નદીઓ છલકાઇ ગઇ હતી અને પાણીના શક્તિશાળી પ્રવાહમાં રસ્તાઓ પરના અવરોધો વહેતા થયા હતા.

જમ્મુ-કાશ્મીર અને કિશ્તવાડ-ડોડા નેશનલ હાઇવે બંધ કરી દેવામાં આવ્યો છે, કારણ કે ભૂસ્ખલન અને પૂરના કારણે પર્વતીય માર્ગો અવરોધિત થયા છે. અનેક ટ્રેનો રદ કરવામાં આવી છે. ત્રિકુટા પર્વત પર બપોરે 3 વાગ્યે થયેલા ભૂસ્ખલનમાં ઓછામાં ઓછા 6 લોકોનાં મોત થયા છે અને 14 લોકો ઘાયલ છે. મૃતકોની સંખ્યા વધવાની શક્યતા વ્યક્ત કરવામાં આવી રહી છે.

ડોડા જિલ્લામાં વરસાદ આધારિત ઘટનાઓમાં અન્ય 4 લોકોનાં મોત થયાં છે. મુખ્યપ્રધાન ઓમર અબ્દુલ્લાહે પરિસ્થિતિને ગંભીર ગણાવી છે અને તરાના, ઉજ્હ, તવી અને ચિનાબ નદીઓ ખતરનાક સ્તરે વહેતા હોવાથી પોલીસે આસપાસના વિસ્તારોમાં લોકોને સુરક્ષિત સ્થળે ખસવાની અપીલ કરી છે.

ભારે વરસાદને કારણે ઓપ્ટિકલ ફાઇબરને નુકસાન થતાં ટેલિકોમ સર્વિસ ઠપ થઇ ગઇ છે. બીજી તરફ, હિમાચલ પ્રદેશમાં પણ ભારે વરસાદથી પૂરની પરિસ્થિતિ સર્જાઇ છે. દુકાનો પાણીમાં ગરકાવ થઇ ગઇ છે, બિલ્ડિંગો ધરાશાયી થયા છે અને રાજ્યમાં 690 રોડ બંધ કરી દેવામાં આવ્યા છે.

The post જમ્મુ-કાશ્મીરમાં વાદળ ફાટવાના કારણે પૂરનો હાહાકાર : 10ના મોત, વૈષ્ણો દેવી યાત્રા સ્થગિત appeared first on Gujarat Inside - Latest News Today.