અક્ષય કુમારે પોતાના ઇન્સ્ટાગ્રામ પર એક BTS વીડિયો શેર કર્યો છે, જેમાં તે, સૈફ અને દિગ્દર્શક પ્રિયદર્શન સાથે ચર્ચા કરતા નજરે પડે છે. વીડિયો સાથે અક્ષયે કેપ્શનમાં લખ્યું કે, “હમ સબ હી હૈ, થોડે સે શૈતાન, કોઇ ઉપર સે સંત હૈ ઔર કોઈ અંદર સે હૈવાન.” તેણે ઉમેર્યું કે આજે તે પ્રિયદર્શન સાથે **‘હેવાન’**ની શૂટિંગ શરૂ કરી રહ્યો છે અને 18 વર્ષ બાદ સૈફ સાથે કામ કરવાનો મોકો મળ્યો છે.

જણાવી દઈએ કે અક્ષય અને સૈફ છેલ્લીવાર **2008માં ફિલ્મ ‘ટશન’**માં સાથે દેખાયા હતા. જોકે આ ફિલ્મ બોક્સ ઑફિસ પર ખાસ કમાલ કરી શકી નહોતી. તે સમયે યશ રાજ ફિલ્મ્સ બેનર હેઠળ આવેલી આ ફિલ્મમાં કરીના કપૂર ખાન અને અનિલ કપૂર પણ મુખ્ય ભૂમિકામાં હતા.

અક્ષય કુમારના વર્કફ્રન્ટની વાત કરીએ તો તેની ફિલ્મ ‘જોલી એલએલબી 3’ ટૂંક સમયમાં રિલીઝ થવા જઈ રહી છે. મેકર્સે તેનો ટીઝર પણ રિલીઝ કરી દીધો છે, જેમાં અક્ષય કુમાર સાથે અરશદ વારસી અને સૌરભ શુક્લાની કોમિક ટાઈમિંગ દર્શાવવામાં આવી છે. સુભાષ કપૂર દિગ્દર્શિત આ ફિલ્મ 19 સપ્ટેમ્બરના રોજ સિનેમાઘરોમાં રિલીઝ થશે અને તેનું નિર્માણ સ્ટાર સ્ટૂડિયોઝ, કાંગડા ટૉકીઝ અને કેપ ઑફ ગુડ ફિલ્મ્સ દ્વારા કરવામાં આવ્યું છે.

The post 18 વર્ષ પછી અક્ષય કુમાર અને સૈફ અલી ખાન ફરી એક સાથે, ‘હેવાન’ની શૂટિંગ શરૂ appeared first on Gujarat Inside - Latest News Today.

22 ઓગસ્ટે જન્મદિવસ મનાવાનાં હતા એવા અચ્યુત પોતદારનો જન્મ 1934માં મધ્ય પ્રદેશના જબલપુરમાં થયો હતો. તેમનું બાળપણ ઈન્દોરમાં વિત્યું હતું અને તેમણે અર્થશાસ્ત્રમાં ગ્રેજ્યુએશન કર્યું હતું. તેમણે ફિલ્મી દુનિયામાં પગ મૂકતા પહેલાં ભારતીય સશસ્ત્ર દળો અને ઈન્ડિયન ઓઈલ કંપનીમાં પણ સેવા આપી હતી. મહત્વનું એ છે કે તેમણે પોતાની એક્ટિંગ કારકિર્દીની શરૂઆત 45 વર્ષની ઉંમરે કરી હતી.

તેમણે પોતાના કારકિર્દી દરમ્યાન 125થી વધુ હિન્દી અને મરાઠી ફિલ્મોમાં, 95થી વધુ ટીવી શો, 26 નાટકો અને 45થી વધુ જાહેરાતોમાં કામ કર્યું છે. ‘આક્રોશ’, ‘લગે રહો મુન્ના ભાઈ’, ‘દબંગ 2’, ‘અર્ધ સત્ય’, ‘વાસ્તવ’, ‘હમ સાથ સાથ હૈં’, ‘પરીણીતા’ જેવી અનેક ફિલ્મોમાં તેમના અભિનયની પ્રશંસા થઈ છે.

ફિલ્મ ‘3 ઈડિયટ્સ’માં તેઓનું સંવાદ “અરે, કહેના ક્યા ચાહતે હો?” ઘણું લોકપ્રિય બન્યું હતું અને આ સંવાદ પર અનેક મીમ્સ પણ બની ચૂક્યા છે. લોકો આજે પણ આ ડાયલોગને સોશિયલ મીડિયામાં ખુબ માણે છે. બોલિવૂડ અને ટેલિવિઝન દુનિયા માટે અચ્યુત પોતદારનું અવસાન એક મોટી ખોટ છે. તેઓ સતત યાદ રાખાશે તેમના સાદા પરંતુ અસરકારક અભિનય માટે.

The post 3 ઈડિયટ્સના પ્રોફેસરની અંતિમ વિદાય: દિગ્ગજ એક્ટર અચ્યુત પોતદારનું 91 વર્ષની ઉંમરે નિધન appeared first on Gujarat Inside - Latest News Today.