મલેશિયાએ મેચની શરૂઆત તેજીથી કરી અને રમતની બીજી મિનિટમાં લીડ મેળવી, જેમાં શફીક હસે ભારતીય ડિફેન્ડરોને ડિજાયને ગોલ કર્યો. ભારતીય ટીમે પહેલા ક્વાર્ટરમાં બરાબરી કરવાનો પ્રયાસ કર્યો અને પછી બીજા ક્વાર્ટરમાં મનપ્રીત સિંહે પેનલ્ટી કોર્નર પર ગોલ કરીને ટીમને બરાબરી આપી, ત્યારબાદ સુખજીત સિંહ અને શિલાનંદ લાકરા પણ ગોલ કર્યો. બીજા ક્વાર્ટરમાં જ વિવેક સાગર પ્રસાદે ગોલ કરીને સ્કોર 4-1 કરી દેશને જીત અપાવી.

હરમનપ્રીત સિંહની આગેવાની હેઠળ ભારતીય ટીમ ગ્રુપ સ્ટેજમાં અજેય રહી હતી. તે ચીન, જાપાન અને કઝાકિસ્તાન સામે જિત મેળવી પૂર્ણ પોઈન્ટ્સ સાથે સુપર-4માં પહોંચી. સુપર-ફોર સ્ટેજમાં દક્ષિણ કોરિયા સાથે પહેલો મેચ 2-2થી ડ્રો રહ્યો. એશિયા કપ 2025માં ફાઇનલ સુધી પહોંચેલી ટીમ હોકી વર્લ્ડ કપમાં ભાગ લેવા માટે લાયક થશે.

ભારતીય હોકી ટીમના મુખ્ય ખેલાડી:

• ગોલકીપર્સ: કૃષ્ણ બહાદુર પાઠક, સૂરજ કરકેરા
• ડિફેન્ડર્સ: સુમિત, જર્મનપ્રીત સિંહ, સંજય, હરમનપ્રીત સિંહ (કેપ્ટન), અમિત રોહિદાસ, જુગરાજ સિંહ
• મિડફિલ્ડર્સ: રાજિન્દર સિંહ, રાજકુમાર પાલ, હાર્દિક સિંહ, મનપ્રીત સિંહ, વિવેક સાગર પ્રસાદ
• ફોરવર્ડ: મનદીપ સિંહ, શિલાનંદ લાકરા, અભિષેક નૈન, સુખજીત સિંહ

The post એશિયા કપ 2025માં ભારતીય હોકી ટીમનું દમદાર પ્રદર્શન, મલેશિયાને 4-1થી હરાવ્યું appeared first on Gujarat Inside - Latest News Today.

આ હોકી પુરુષ એશિયા કપમાં કુલ આઠ ટીમો ભાગ લેશે, જેમાં ભારત, જાપાન, ચીન, કઝાકિસ્તાન, મલેશિયા, કોરિયા, બાંગ્લાદેશ અને ચીનની ટીમો સામેલ છે. આ ટૂર્નામેન્ટ 2026માં નેધરલેન્ડ અને બેલ્જિયમમાં થનાર વિશ્વકપ ક્વોલિફાયરની તૈયારી માટે મહત્વપૂર્ણ છે. ભારતને પૂલ Aમાં જાપાન અને ચીન સાથે મુકવામાં આવ્યું છે. ભારતની પ્રથમ મેચ 29 ઓગસ્ટે ચીન સામે, 31 ઓગસ્ટે જાપાન સામે અને 1 સપ્ટેમ્બરે કઝાકિસ્તાન સામે થશે.

ભારત, જે ઓલિમ્પિક બ્રોન્ઝ મેડલ વિજેતા છે અને એશિયાની નંબર એક ટીમ તરીકે ઓળખાય છે, છેલ્લી વાર 2017માં ઢાકામાં એશિયા કપ જીત્યું હતું, જેમાં ફાઇનલમાં મલેશિયાને 2-1થી હરાજી આપી હતી. ભારતીય ટીમે 2022માં જકાર્તામાં યોજાયેલ એશિયા કપમાં દક્ષિણ કોરિયા અને મલેશિયાને 2-1થી હરાવ્યા બાદ ત્રીજા નંબરે સ્થાન મેળવ્યું હતું.

એશિયા કપ 2025 ટ્રોફીનું અનાવરણ રમતગમત મંત્રી મનસુખ માંડવિયાએ કર્યું હતું. ટ્રોફી અનાવરણ પ્રસંગે ત્રણ વખતના ઓલિમ્પિક પદક વિજેતા હરબિંદર સિંહ અને પૂર્વ ખેલાડી અશોક ધ્યાનચંદ ઉપસ્થિત રહ્યા. ટૂર્નામેન્ટની તૈયારીઓ આ પ્રસંગે શરુ થઈ ગઈ છે.

The post ફેન્સ માટે ખુશખબર: એશિયા કપ 2025માં દર્શકોને મળશે મફત એન્ટ્રી appeared first on Gujarat Inside - Latest News Today.

ગોલકીપિંગની જવાબદારી કૃષ્ણ બી પાઠક અને સૂરજ કરકેરા પર રહેશે, જ્યારે ડિફેન્સ લાઇનમાં હરમનપ્રીત સિંહ સાથે અમિત રોહિદાસ, જરમનપ્રીત સિંહ, સુમિત, સંજય અને જુગરાજ સિંહ સામેલ છે. મિડફિલ્ડમાં મનપ્રીત સિંહ, હાર્દિક સિંહ, વિવેક સાગર પ્રસાદ, રાજકુમાર પાલ અને રાજિન્દર સિંહ ટીમને મજબૂત આધાર આપશે. આક્રમણ વિભાગમાં મનદીપ સિંહ, અભિષેક, સુખજીત સિંહ, શિલાનંદ લાકડા અને દિલપ્રીત સિંહ મહત્વની ભૂમિકા ભજવશે. નીલમ સંજીવ જેસ અને સેલ્વમ કાર્થી વૈકલ્પિક ખેલાડીઓ તરીકે પસંદ થયા છે.

ટીમના કોચ ક્રેગ ફુલ્ટને જણાવ્યું કે આ ટીમ દબાણ હેઠળ પણ શાનદાર પ્રદર્શન કરી શકે છે. તેમણે કહ્યું કે એશિયા કપ ખૂબ જ મહત્વપૂર્ણ છે, કારણ કે વર્લ્ડ કપ માટે ક્વોલિફિકેશનનું દાવ પર છે. “અમારી ટીમમાં દરેક લાઇનમાં અગ્રણી ખેલાડીઓ છે અને ટીમની એકતા અમારી સૌથી મોટી તાકાત છે,” એમ કોચે ઉમેર્યું.

ભારતને પુલ Aમાં સ્થાન મળ્યું છે, જ્યાં તે જાપાન, ચીન અને કઝાકિસ્તાન સામે રમશે. ભારત પોતાની પહેલી મેચ 29 ઓગસ્ટે ચીન સામે રમશે, ત્યારબાદ 31 ઓગસ્ટે જાપાન અને 1 સપ્ટેમ્બરે કઝાકિસ્તાન સામે મેદાને ઉતરશે. એશિયા કપમાં ભારતનું પ્રદર્શન 2026ના વર્લ્ડ કપ ક્વોલિફિકેશન માટે મહત્વપૂર્ણ સાબિત થશે.

The post એશિયા કપ હોકી 2025 માટે ભારતીય ટીમ જાહેર, હરમનપ્રીત સિંહની આગેવાની હેઠળ ઉતરશે મેદાને appeared first on Gujarat Inside - Latest News Today.