વરસાદ દરમિયાન બોપલ, સરખેજ, વેજલપુર, પ્રહલાદનગર, મકરબા, થલતેજ, સેટેલાઈટ, પાકવાન ચાર રસ્તા અને ઘુમા સહિત SG હાઈવેના વિસ્તારોમાં પાણી ભરાઈ જતાં અનેક જગ્યાએ ટ્રાફિકની સમસ્યા સર્જાઈ હતી. નીચાણવાળા વિસ્તારોમાં પણ પાણી ભરાવાના દ્રશ્યો જોવા મળ્યા.
અમદાવાદમાં આ વર્ષે અત્યાર સુધીમાં સરેરાશ 17 ઈંચ સાથે ચોમાસાના કુલ વરસાદનું 62 ટકા પ્રમાણ પૂરું થયું છે.

શહેરમાં સરેરાશ 21.40 ઈંચ વરસાદ નોંધાયો છે, જે ગયા વર્ષની સરખામણીમાં નોંધપાત્ર વધારો દર્શાવે છે. ગયા વર્ષે આ સમયગાળા સુધીમાં માત્ર 15 ટકા વરસાદ પડ્યો હતો.

The post અમદાવાદમાં ગાજવીજ સાથે વરસાદ: SG હાઈવે પર ટ્રાફિક જામ appeared first on Gujarat Inside - Latest News Today.

મેળાના મુલાકાતીઓએ રોષ વ્યક્ત કર્યો કે રાઈડ્સ વિના મેળાની મજા અધૂરી રહી છે. આ જ સ્થિતિ ગોંડલના લોકમેળામાં પણ જોવા મળી હતી, જ્યાં સતત બીજા દિવસે રાઈડ્સ બંધ રહી હતી. સંચાલકોનો આક્ષેપ છે કે પ્રશાસન દ્વારા આકરી SOP લાગુ કરવામાં આવી છે અને અધિકારીઓની મંજૂરીના અભાવે મુલાકાતીઓને નિરાશ થઈ પરત ફરવું પડી રહ્યું છે.

આ વર્ષે સાતમ આઠમના તહેવાર અંતર્ગત રાજકોટના રેસકોર્સ મેદાનમાં 14થી 18 ઓગસ્ટ સુધી લોકમેળાનું આયોજન કરવામાં આવ્યું છે. જોકે, હવામાન વિભાગે 15થી 21 ઓગસ્ટ દરમિયાન મધ્યમથી ભારે વરસાદની આગાહી કરી છે, જે મેળાની મજામાં વિઘ્ન ઊભું કરી શકે છે. તેમ છતાં મેળાનું આયોજન યથાવત રહેશે.

The post રાજકોટ લોકમેળામાં ફક્ત 11 રાઈડ્સ શરૂ, મંજૂરીના અભાવે 23 રાઈડ્સ બંધ appeared first on Gujarat Inside - Latest News Today.

તપાસ દરમિયાન બાતમીદારોની મદદથી પોલીસએ પ્રકાશ પરમાર નામના એક આરોપીને ઝડપી લીધો છે. પ્રાથમિક પૂછપરછમાં ખુલ્યું છે કે, પ્રકાશ પરમાર સાથે ઝુમા ભદાણી સહિત કુલ પાંચ લોકો સામેલ હતા. પોલીસે ખુલાસો કર્યો કે, આરોપીઓએ મહિલાને ધાબા પર લઈ જઈ તેના પર દુષ્કર્મ કર્યા બાદ મોતને ઘાટ ઉતારી હતી. હાલ ચાર આરોપીઓ ફરાર છે અને તેમની શોધ માટે પોલીસ ચક્રોગતિમાન થઈ છે.

ફરિયાદ બાદ પોલીસે સીસીટીવી ફૂટેજ અને સાક્ષીઓના નિવેદનો આધારિત તપાસ શરૂ કરી છે. અત્યાર સુધીમાં ત્રણ જણા સામે ગુનો દાખલ થયો છે, જેમાંથી એકની ધરપકડ થઈ ગઈ છે.

The post સુરેન્દ્રનગરમાં મહિલાની સાથે સામૂહિક દુષ્કર્મ બાદ હત્યા, એક આરોપી ઝડપાયો, ચાર ફરાર appeared first on Gujarat Inside - Latest News Today.

એસ.ટી નિગમ દ્વારા દર વર્ષે તહેવારો અને મેળાઓ દરમ્યાન નાગરિકોની સુવિધા માટે વિશેષ બસો ચલાવવામાં આવે છે. આ વર્ષે પણ જન્માષ્ટમીને ધ્યાનમાં રાખીને અમદાવાદ, રાજકોટ, સુરત, વડોદરા, મહેસાણા જેવા મોટા શહેરો ઉપરાંત ડાકોર, દેવભૂમિ દ્વારકા, શામળાજી જેવા ધાર્મિક સ્થળોએ બસોના વધારાના ફેરીઓની વ્યવસ્થા કરવામાં આવશે.

ગત વર્ષે જન્માષ્ટમી પર 1000 બસો દોડાવવામાં આવી હતી, જ્યારે આ વર્ષે વધતી જરૂરિયાતને કારણે 1200 બસો ચલાવવાનો નિર્ણય કરવામાં આવ્યો છે. આ પગલાથી નાગરિકોની મુસાફરી આરામદાયક અને સલામત બનશે.

The post જન્માષ્ટમી પર ગુજરાતમાં મુસાફરી સહેલી બનશે: 1200 એક્સ્ટ્રા ST બસો દોડશે appeared first on Gujarat Inside - Latest News Today.

આજવા-વાઘોડિયા રીંગ રોડ પર આવેલી ગાંધી મહેશ પ્રોવિઝન સ્ટોરમાંથી તેલવાળી તુવેરની દાળનો નમૂનો લેવામાં આવ્યો. અકોટા વિસ્તારમાં આવેલી પટેલ ડેરી ફાર્મમાંથી ગાયના દૂધનો નમૂનો અને ગાયત્રી સ્ટોરમાંથી ઘીનો નમૂનો લેવામાં આવ્યો. ઉપરાંત અન્નમબ્રહ્મમમાંથી જીરુંનો નમૂનો લેવામાં આવ્યો હતો. જીઆઇડીસી મકરપુરા વિસ્તારમાં હનુરામ ફુડ પ્રા. લિ.માંથી કેસર કાજુકતરી વિથ સિલ્વર લીફનો નમૂનો લેવામાં આવ્યો.

કમાટીબાગ વિસ્તારમાં ખોડલ કોર્પોરેશન પ્રા. લિ.માંથી પફ, બટાકા પૌવા અને દાલવડાના નમૂના લેવામાં આવ્યા. ખોડીયારનગર વિસ્તારમાં અમૃતસરી કુલચામાં ચેકિંગ કરી હળદર પાવડર અને મટકા બિરયાનીના નમૂના લેવામાં આવ્યા. તેમજ નિઝામપુરા વિસ્તારમાં ગોપાલ ખમણ હાઉસ, છાણી જકાતનાકા નજીક મધુરમ ફૂડ રેસ્ટોરન્ટ અને છાણી વિસ્તારમાં ધનલક્ષ્મી ફોર્ટમાં પણ ફૂડ ઇન્સપેક્શન હાથ ધરવામાં આવ્યું.

The post વડોદરા કોર્પોરેશનની કાર્યવાહી: શહેરમાં ચેકિંગ દરમિયાન ખોરાકના 11 નમૂના તપાસ માટે લેવામાં આવ્યા appeared first on Gujarat Inside - Latest News Today.

માહિતી મુજબ જીગ્નેશ પટેલ પોતાના ફ્લેટ નં. 801, સાતત્ય હાઇટ્સમાં બહારથી જુગારીઓને બોલાવીને નાળ કપાવતો હતો. જુગાર રમવા આવતા લોકોના કારણે સ્થાનિકો ત્રસ્ત થઈ ગયા હતા. અંતે પોલીસને બાતમી મળતાં પીઆઇ વી.જે. ચૌધરીના નેતૃત્વમાં દરોડો પાડવામાં આવ્યો. તપાસમાં જાણવા મળ્યું કે જુગારીઓને ખાણીપીણીની સુવિધા પણ અપાતી હતી.

આ ઉપરાંત નારણપુરા પોલીસે સોલા સાયન્સ સીટી રોડ પર આવેલા મંગલમ નિર્વાણ એપાર્ટમેન્ટના ભાવિન પટેલ વિરુદ્ધ પણ કાર્યવાહી કરી હતી. તેણે માન સરોવર કોમ્પ્લેક્સમાં આવેલી પંચમ એન્ટરપ્રાઇઝ ઓફિસમાં જુગાર રમાડતા 10 શખ્સોને 1.23 લાખની રોકડ સાથે ઝડપી પાડ્યા.

ઝડપાયેલા શખ્સોમાં: જીગ્નેશ પટેલ (સાતત્ય હાઇટ્સ), અમિત દેકીવાડીયા (સેટેલાઇટ), વિશાલ બારોટ (સાબરમતી), પંકજ પટેલ (જજીસ બંગ્લોઝ રોડ), સુભાષ પટેલ, શૈલેષ ઇસોટિયા (જોધપુર), રતિ ટાંક (સોલા), મુનેષ પટેલ (સાઉથ બોપલ), હાર્દિક વાછાણી અને જીગ્નેશ વાછાણી (વસ્ત્રાપુર) સામેલ છે.

The post જોધપુર સાતત્ય હાઇટ્સમાં જુગારખાનું પકડાયું: 10 જુગારીઓ રોકડ અને લક્ઝરી કાર સાથે ઝડપાયા appeared first on Gujarat Inside - Latest News Today.

ચૂંટણી પંચે બૂથવાર યાદી તૈયાર કરવાની સાથે EPIC સર્ચ સુવિધા ઉપલબ્ધ કરાવવા કહ્યું છે. જેથી મતદાર પોતાનો EPIC નંબર દાખલ કરીને યાદીમાં નામ ચકાસી શકે. યાદીમાં નામ ન હોવાનું કારણ સ્પષ્ટ દર્શાવવામાં આવશે. ઉપરાંત, આધાર કાર્ડની નકલ જોડીને દાવો કરવાની સુવિધા પણ મળશે.

આ માહિતી માત્ર જિલ્લા સ્તરની વેબસાઇટ પર જ નહીં પરંતુ સ્થાનિક મીડિયા અને સત્તાવાર સોશિયલ મીડિયા પ્લેટફોર્મ પર પણ જાહેર કરવામાં આવશે. બૂથ લેવલ ઓફિસર પંચાયત ભવન અને બ્લોક ઓફિસમાં પણ ગુમ થયેલા નામોની યાદી મૂકશે, સાથે હટાવવાના કારણો પણ દર્શાવશે.

રાજ્યના મુખ્ય ચૂંટણી કમિશનરની વેબસાઇટ પર જિલ્લાવાર યાદી અપલોડ કરવામાં આવશે. દરેક બૂથ અને જિલ્લા સ્તરના અધિકારીઓ અનુપાલન અહેવાલ રજૂ કરશે, જેના આધારે સુપ્રીમ કોર્ટને માહિતી આપવામાં આવશે. આ મામલે આગામી સુનાવણી 22 ઓગસ્ટે થશે.

The post બિહાર SIR કેસ: સુપ્રીમ કોર્ટનો આદેશ, 65 લાખ છૂટી ગયેલા મતદારોની યાદી ઓનલાઈન જાહેર થશે appeared first on Gujarat Inside - Latest News Today.

હકીકતમાં, સુરત પાલિકાએ વર્ષ 2018માં જ આ નામ બદલવાનો ઠરાવ કર્યો હતો, પરંતુ તેનો અમલ હવે કરવામાં આવ્યો છે. સ્થાનિક ધારાસભ્ય પૂર્ણેશ મોદીના હાજરીમાં હિન્દુસ્તાની મહોલ્લાની તખ્તીનું અનાવરણ થયું, જેના કારણે રહેવાસીઓમાં ઉત્સાહ છવાયો.

ભારત-પાકિસ્તાન વચ્ચેના બગડતા સંબંધોને ધ્યાનમાં રાખીને આ નામકરણને મહત્ત્વપૂર્ણ ગણવામાં આવે છે. અગાઉ લોકો પાકિસ્તાની મહોલ્લા નામને કારણે નારાજગી વ્યક્ત કરતા હતા. અંતે લાંબા સમય બાદ નામ બદલાતા રહેવાસીઓએ ખુશી વ્યક્ત કરી અને આશા વ્યક્ત કરી કે હવે આધાર કાર્ડ સહિતના દસ્તાવેજોમાં પણ હિન્દુસ્તાની મહોલ્લો લખાશે.

ધારાસભ્ય પૂર્ણેશ મોદીએ જણાવ્યું કે ભારતના ભાગલા પહેલા સિંધ પ્રદેશમાં રહેતા હિન્દુઓ પર અત્યાચાર થયા બાદ તેઓ સુરત સહિત દેશના વિવિધ વિસ્તારોમાં વસ્યા હતા. તેમાંથી જ આ મહોલ્લા બન્યો હતો, જેને ત્યારે પાકિસ્તાની મહોલ્લો તરીકે ઓળખવામાં આવતો હતો. વર્ષ 2015થી ચર્ચા પછી 2018માં ઠરાવ થઈને નામકરણ થયું, પરંતુ અમલ હવે થયો છે. આ સાથે રહેવાસીઓ માટે સેવા સેતુ કાર્યક્રમમાં દસ્તાવેજોમાં નામ સુધારવા માટે સુવિધા આપવામાં આવશે.

The post સુરતમાં પાકિસ્તાની મહોલ્લાનું નામ બદલીને હિન્દુસ્તાની મહોલ્લો, સ્થાનિકોમાં ખુશીના ભાવ appeared first on Gujarat Inside - Latest News Today.

સુરતના લોકો તહેવારની ઉજવણીમાં હંમેશા અગ્રેસર રહે છે, અને જન્માષ્ટમીમાં પણ કોઈ કસર બાકી રાખતા નથી. તાજેતરના સમયમાં ઘરે બનાવેલા ડિઝાઈનર વાઘાની માંગ ખૂબ વધી છે. અનેક મહિલાઓ ઘરમાં બેઠા વાઘા બનાવી રહી છે, જેથી ભક્તિ સાથે રોજગાર પણ મળે છે.

કતારગામમાં રહેતી ભક્તિ વઘાસીયાએ જણાવ્યું કે, શરૂઆતમાં તેમણે પોતાના ઘરના ભગવાન માટે વાઘા બનાવ્યા, પછી સગાંઓ અને પડોશીઓએ ઓર્ડર આપવાનું શરૂ કર્યું. હવે તેઓ અન્ય મહિલાઓને સાથે રાખીને વાઘા બનાવે છે. બીજી બાજુ, ગીતા મોણપરા જેવા અનેક મહિલાઓએ સાડીમાં સ્ટોન લગાવવાના કામમાંથી બદલીને વાઘા બનાવવાના કામમાં પ્રવેશ કર્યો છે, જેના કારણે તેમના માટે રોજગારીનો નવો માર્ગ ખુલ્યો છે.

હાલ વાઘાના બિઝનેસમાં ભારે સ્પર્ધા છે, તેથી મહિલાઓ નવા અને ડિઝાઈનર વાઘા બનાવવા માટે રો મટીરીયલ્સ દિલ્હી અને કોલકત્તાથી મંગાવે છે, કારણ કે ત્યાંથી સસ્તા અને યુનિક ડિઝાઈન મળે છે. આ વર્ષે 16 ઓગસ્ટે જન્માષ્ટમી હોવાથી તિરંગા થીમ વાળા વાઘાની ખાસ માંગ છે, કારણ કે તહેવાર સ્વાતંત્ર્ય દિવસ પછી આવી રહ્યો છે. સુરતના બજારમાં તિરંગા રંગના વાઘાનું વેચાણ જોર શોરથી થઈ રહ્યું છે.

The post સુરતમાં જન્માષ્ટમીના તહેવારે ખોલ્યા રોજગારીના દ્વાર, સૌરાષ્ટ્રની મહિલાઓએ વાઘા બનાવી કમાણીનો સાધન બનાવ્યો appeared first on Gujarat Inside - Latest News Today.

શિક્ષણ વિભાગના જણાવ્યા મુજબ, રાજ્યમાં ઘટતો જન્મ દર એડમિશનમાં ઘટાડાનું મુખ્ય કારણ છે. આંકડાઓ દર્શાવે છે કે તમિલનાડુનો કુલ પ્રજનન દર 2011 થી 2015 દરમિયાન 1.68 ટકા હતો, જે 2021-2025માં ઘટીને 1.54 ટકા થયો છે. જન્મદર ઘટવાના કારણે બાળકોની સંખ્યા પણ ઓછી થઈ છે. 2011માં આશરે 10.7 લાખ બાળકોનો જન્મ થયો હતો, જ્યારે 2023માં 9.02 લાખ અને 2024માં માત્ર 8.46 લાખ જન્મ નોંધાયા છે.

રાજ્યના ઘણા વિસ્તારોમાં માતાપિતા પોતાના બાળકોને સારી શિક્ષણ માટે શહેર લઈ જતા હોવાથી પણ આ સમસ્યા વધી છે. ખાસ કરીને 1204 શાળાઓમાં કોઈ એડમિશન નથી, જેમાંથી 208 સરકારી શાળાઓ છે અને મોટાભાગે દૂરના વિસ્તારોમાં આવેલી છે. ઘણા પરિવારો પોતાના બાળકોને ખાનગી શાળામાં દાખલ કરવાનું પસંદ કરે છે.

હાલમાં તમિલનાડુમાં કુલ 37,595 સરકારી શાળાઓ છે, જેમાં 42.5 લાખથી વધુ વિદ્યાર્થીઓ અભ્યાસ કરી રહ્યા છે. આ વર્ષે ધોરણ 1માં આશરે 4,07,379 વિદ્યાર્થીઓનું એડમિશન થયું છે. સરકારી આંકડા મુજબ 2024-25માં સરકારી શાળાઓમાં ખાનગી શાળાઓ કરતાં લગભગ 1.75 લાખ વધુ વિદ્યાર્થીઓ છે. શિક્ષણ વિભાગે જણાવ્યું છે કે આગામી વર્ષોમાં સરકારી શાળાઓમાં એડમિશન વધારવા માટે પ્રયાસ કરવામાં આવશે.

The post તમિલનાડુમાં બાળકોના અભાવે 1000થી વધુ શાળાઓ બંધ થવાના આરે, ઘટતો જન્મ દર મુખ્ય કારણ appeared first on Gujarat Inside - Latest News Today.