પુતિને જણાવ્યું કે, ભારત અને રશિયા વચ્ચેનો સંબંધ રાજકીય નહીં, પરંતુ વિશ્વાસ પર આધારિત છે. આ અનોખા સંબંધ દ્વારા બંને દેશોએ વૈશ્વિક સ્તરે સ્પષ્ટ સંદેશ આપ્યો કે, કોઈ પણ દબાણ હેઠળ ભારત ક્યારેય પોતાના મજબૂત અને ઐતિહાસિક સંબંધોને તોડશે નહીં.

વડાપ્રધાન મોદીએ પુતિનના નિવેદનનું સમર્થન કરતા કહ્યું કે, ભારત-રશિયાના સંબંધો ખરાબ સમયમાં પણ મજબૂત રહ્યા છે. તેમણે પુતિનને ડિસેમ્બરમાં ભારતની યાત્રા માટે આવકાર આપ્યો અને જણાવ્યું કે, 140 કરોડ ભારતીયો તેમની રાહ જોઈ રહ્યા છે.

સાંકેતિક રીતે, બંને નેતાઓએ યુક્રેન સંઘર્ષ અને શાંતિ પ્રયાસો પર ચર્ચા કરી, જેમાં વડાપ્રધાન મોદીએ ભારત શાંતિ માટે તમામ પગલાં સાથે છે તે સ્પષ્ટ કર્યું. બેઠક દરમિયાન અનૌપચારિક વાતચીત અને સ્મિતના પળો બંને દેશો વચ્ચેના ગાઢ સંબંધોની સાબિતી રહ્યા. ઉલ્લેખનીય છે કે, યુએસ પ્રમુખ ડોનાલ્ડ ટ્રમ્પે તાજેતરમાં ભારત પર 50 ટકા ટેરિફ લાગુ કર્યો હતો, જે રશિયા પાસેથી મોટા પ્રમાણમાં ક્રૂડ ઓઇલ ખરીદવા અને તેનો યુક્રેન યુદ્ધમાં ઉપયોગ અંગેનો મુદ્દો છે.

The post ‘ભારત-રશિયા સંબંધ રાજકારણ નહીં, વિશ્વાસ પર આધારિત છે’: PM મોદી સાથે પુતિનની બેઠકમાં મોટું નિવેદન appeared first on Gujarat Inside - Latest News Today.

અમેરિકાના દૂતાવાસે સોશિયલ મીડિયા પર પોસ્ટ કરીને જણાવ્યું કે, યુનાઇટેડ સ્ટેટ્સ અને ભારત વચ્ચેની ભાગીદારી સતત નવી ઊંચાઈ પર પહોંચી રહી છે. આ 21મી સદીમાં મહત્વપૂર્ણ સંબંધ છે, જેમાં ઈનોવેશન, ઉદ્યોગ, સંરક્ષણ અને દ્વિપક્ષીય સંબંધોને મજબૂત બનાવવામાં આવી રહી છે. પોસ્ટમાં અમેરિકાના વિદેશ મંત્રી માર્કો રૂબિયોના નિવેદનનો પણ ઉલ્લેખ હતો, જેમણે કહ્યું કે, “ભારત અને અમેરિકાના લોકો વચ્ચેની ગાઢ મિત્રતા અમારા સંબંધોનો આધાર છે.”

SCO સમિટ પૂર્ણ થયા પછી, વડાપ્રધાન મોદીએ રશિયાના પ્રમુખ પુતિન સાથે દ્વિપક્ષીય બેઠક કરી. આ બેઠક દરમિયાન એ વાતનો ઉલ્લેખ થયો કે, અમેરિકાના પ્રમુખ ડોનાલ્ડ ટ્રમ્પ દ્વારા રશિયન ક્રૂડ ખરીદવા અંગે ભારત પર દબાણ છે અને 25 ટકા ટેરિફ લાદવામાં આવ્યો છે, જેને કારણે ભારત હાલ 50 ટકા ટેરિફનો સામનો કરી રહ્યું છે.

એક દિવસ પહેલાં, વડાપ્રધાન મોદીએ ચીનના પ્રમુખ શી જિનપિંગ સાથે દ્વિપક્ષીય બેઠક કરી હતી, જે લગભગ એક કલાક સુધી ચાલી. આ બેઠકમાં પીએમ મોદીએ જણાવ્યું કે ભારત સંબંધોને વિશ્વાસ અને સન્માન સાથે આગળ વધારવા માટે પ્રતિબદ્ધ છે. ચીનના પ્રમુખે કહ્યું કે, “ડ્રેગન અને એલિફન્ટ સાથે મળીને સહયોગ વધારશે. ભારત અને ચીન વિકાસના ભાગીદાર છે, હરીફ નથી અને મતભેદોને વિવાદોમાં ફેરવવું જોઈએ નહીં.” પીએમ મોદીએ શી જિનપિંગને 2026માં ભારતમાં યોજાનારી બ્રિક્સ સમિટમાં ભાગ લેવા આમંત્રણ આપ્યું.

The post PM મોદી, પુતિન અને શી જિનપિંગની મુલાકાત બાદ અમેરિકા જાગ્યું, ભારત-અમેરિકા સંબંધો અંગે આપ્યો સંકેત appeared first on Gujarat Inside - Latest News Today.

યુક્રેનના સ્વતંત્રતા દિવસની પૂર્વસંધ્યાએ દિલ્હીના કુતુબ મિનારને યુક્રેનના ધ્વજના રંગોથી પ્રકાશિત કરવામાં આવ્યો હતો. યુક્રેનના રાજદૂત ઓલેક્ઝાન્ડર પોલિશચુકે જણાવ્યું કે ભારત અને યુક્રેન વચ્ચે વ્યૂહાત્મક ભાગીદારી ઝડપથી આગળ વધી રહી છે. વડાપ્રધાન નરેન્દ્ર મોદીએ ઝેલેન્સ્કીને ભારત આવવાનું આમંત્રણ આપ્યું છે અને બંને પક્ષો હાલમાં મુલાકાતની તારીખ નક્કી કરવા પર ચર્ચા કરી રહ્યા છે.

બીજી તરફ, પુતિનની ભારત મુલાકાત અંગે પણ ચર્ચા ગરમ છે. રાષ્ટ્રીય સુરક્ષા સલાહકાર અજિત ડોભાલે પુષ્ટિ કરી હતી કે પુતિન 2025ના અંત સુધી ભારત આવશે. આ મુલાકાત એવા સમયે થવાની છે જ્યારે અમેરિકાના રાષ્ટ્રપતિ ડોનાલ્ડ ટ્રમ્પે રશિયા પાસેથી ક્રૂડ ઓઇલ ખરીદી પર નારાજગી વ્યક્ત કરી છે અને ભારત પર ટેરિફમાં 50% વધારો કર્યો છે. ભારતે આ નિર્ણયને ‘અતાર્કિક’ ગણાવ્યો છે અને સ્પષ્ટ કર્યું છે કે તે પીછેહઠ નહીં કરે.

વિદેશ મંત્રી એસ. જયશંકરે કહ્યું કે, ભારત-અમેરિકા વેપાર કરારની વાટાઘાટોમાં ભારત તેના હિતોથી પાછું નહીં હટે. તેમણે કહ્યું કે ખેડૂતો અને નાના ઉત્પાદકોના હિતોને નુકસાન પહોંચાડે તેવો કોઈ કરાર ભારત કરશે નહીં. તેમણે ઉમેર્યું કે હાલ ભારત-અમેરિકા સંબંધો સામે ત્રણ પડકાર છે: વેપાર અને ટેરિફનો મુદ્દો, રશિયા પાસેથી ક્રૂડ ઓઇલ ખરીદી અને પાકિસ્તાન અંગે અમેરિકાનો હસ્તક્ષેપ.

જયશંકરે આ પણ કહ્યું કે ટ્રમ્પની વિદેશ નીતિ અગાઉના પ્રમુખોથી સંપૂર્ણપણે જુદી છે અને દુનિયાએ આવા અમેરિકન પ્રમુખને ક્યારેય નથી જોયા જે આટલી ખુલ્લેઆમ નીતિ સંચાલન કરે છે.

The post પુતિન પછી ઝેલેન્સ્કી પણ ભારત આવશે, બંને દેશોના પ્રમુખોની મુલાકાતથી વધશે વ્યૂહાત્મક ભાગીદારી appeared first on Gujarat Inside - Latest News Today.

જેયશંકરે કહ્યું કે રશિયા-યુક્રેન યુદ્ધ પછી ઘણા દેશોએ રશિયાથી આયાતમાં વધારો કર્યો છે, તેમ છતાં માત્ર ભારતને નિશાન બનાવવામાં આવ્યું છે. તેમણે તાકિદ કરી કે ભારતે રશિયાથી ક્રૂડ ખરીદીનો નિર્ણય ઊર્જા બજારમાં સ્થિરતા લાવવા માટે લીધો હતો, જે પોતે અમેરિકાએ પણ સમર્થન કર્યું હતું. ઉપરાંત ભારતે અમેરિકાથી પણ ક્રૂડ ખરીદીમાં વધારો કર્યો છે, છતાં અમેરિકાનું વર્તન દુખદ અને વિચિત્ર છે.

રશિયા સાથેના સંબંધો અંગે જેયશંકરે ઉમેર્યું હતું કે, ભારત અને રશિયા દુનિયાના સૌથી સ્થિર દ્વિપક્ષીય સંબંધ ધરાવતા દેશોમાંથી એક છે. બંને દેશોએ એનર્જી, ડિફેન્સ, ટેક્નોલોજી અને રોકાણ ક્ષેત્રે સહયોગ મજબૂત બનાવ્યો છે. રશિયાએ ભારતના “મેક ઈન ઈન્ડિયા” પ્રયાસોને પણ સહકાર આપ્યો છે.

તેમણે વ્યાપારના મુદ્દે જણાવ્યું કે કૃષિ, ફાર્મા અને ટેક્સટાઈલ સેક્ટરમાં નિકાસ વધારવાની સાથે ભારત રશિયા સાથેના વેપાર સંતુલન સુધારવા માટે પ્રતિબદ્ધ છે. રશિયા હાલમાં ભારતનો બીજો સૌથી મોટો ક્રૂડ સપ્લાયર છે, પરંતુ આ બાબત પર અમેરિકાએ જે રીતે વિવાદ ઊભો કર્યો છે, તે મૌલિક ન્યાયની વિરુદ્ધ છે.

The post જયશંકરનો ટ્રમ્પને મોસ્કોમાંથી જવાબ: “ભારત નહીં, ચીન રશિયાનું સૌથી વધારે ક્રૂડ ખરીદે છે” appeared first on Gujarat Inside - Latest News Today.

બાબુશ્કિને ભારત સાથે વ્યાપક ટ્રેડ કોરિડોરની રજૂઆત પણ કરી છે અને તેને સમયની માંગ ગણાવી છે. તેમણે સ્પષ્ટ કર્યો કે રશિયા ભારત સાથે ઊર્જા અને સુરક્ષા બંને ક્ષેત્રોમાં સહયોગ વધુ મજબૂત બનાવવા તૈયાર છે. બીજી તરફ વ્હાઇટ હાઉસની સચિવ કેરોલિન લેવિટે જણાવ્યું કે રશિયા-યુક્રેન યુદ્ધમાં ભારતની ઓઈલ ખરીદી પુતિનને નાણાંકીય સહારો આપી રહી છે, જેના જવાબમાં ટ્રમ્પે ભારત પર 50% ટેરિફ લગાવ્યા છે – જેમાંથી 25% અમલમાં આવી ચૂક્યા છે અને બાકીના 25% 27 ઓગસ્ટથી લાગુ પડશે.

રશિયાએ એમ પણ જણાવ્યું છે કે તેઓ પાસે એવી વ્યવસ્થા છે કે જેથી અમેરિકન ટેરિફ ભારતના વેપાર પર કોઈ અસર નહીં કરે. તેમણે કહ્યું કે ભારતે અમેરિકન પ્રતિબંધોની ચિંતા કરવાની જરૂર નથી. ભારતના ઉત્પાદકો માટે રશિયન માર્કેટ ઓપન છે અને તેઓએ ભારતના ઉત્પાદનોનું સ્વાગત કરવા તૈયાર છે.

બાબુશ્કિનું વધુમાં કહેવું છે કે ભારત અને રશિયા વચ્ચેના સંબંધો વિશ્વાસભર્યા છે અને સમય સાથે વધુ મજબૂત બન્યા છે. તેમણે સ્પષ્ટ જણાવ્યું કે બંને દેશો પોતાની દ્વિપક્ષીય વેપાર મૂલ્ય 2030 સુધીમાં 100 અબજ ડોલર સુધી લઇ જવા માટે પ્રતિબદ્ધ છે. બ્રિક્સના મહત્વ પર વાત કરતાં બાબુશ્કિણે જણાવ્યું કે આજના અસ્થિર યુગમાં BRICS એક વિશાળ સ્થિરતા અને શક્તિનો કેન્દ્ર બની ગયું છે. BRICS અર્થતંત્ર આજે 77 લાખ કરોડ ડોલર છે, જ્યારે G7 દેશોનો કુલ અર્થતંત્ર 57 લાખ કરોડ ડોલર છે.

આ તમામ દાવાઓના માધ્યમથી રશિયાએ સ્પષ્ટ સંદેશ આપ્યો છે કે ભારત તેના માટે માત્ર એક વેપારસાથી નહીં, પણ ઊર્જા, સુરક્ષા અને ભવિષ્યની વ્યૂહરચના માટે અગત્યનો ભાગીદાર છે. ટ્રમ્પ સરકારના પ્રતિબંધો છતાં, ભારત-રશિયા સંબંધો નવી ઊંચાઈએ પહોંચી શકે છે.

The post ટ્રમ્પના ટેરિફ પછી રશિયાનો ભારતને ખુલ્લો ટેકો: ‘અમેરિકા નહીં ખરીદે તો અમે ખરીદશું’ appeared first on Gujarat Inside - Latest News Today.

The post પુતિન અને PM મોદીની ટેલિફોનિક ચર્ચા: અલાસ્કામાં ટ્રમ્પ સાથેની બેઠક અંગે ચર્ચા appeared first on Gujarat Inside - Latest News Today.

ત્રમ્પે વધુમાં કહ્યું કે રશિયાની આર્થિક સ્થિતિ પહેલેથી જ નબળી છે અને અમેરિકા દ્વારા લીધેલા આ પગલાંએ તેને વધુ દબાણમાં મુકી દીધો છે. ટ્રમ્પે અગાઉ ભારત પર 25% ટેરિફ લગાવ્યો હતો અને પછી રશિયાથી તેલ આયાત કરવા માટે વધુ 25% ટેરિફ ઉમેર્યો હતો, જેથી કુલ ટેરિફ દર 50% થયો હતો. ભારતે આ પગલાનો વિસ્ફોટક વિરોધ કર્યો હતો અને તેને અનુચિત તથા અસ્વીકાર્ય ગણાવ્યો હતો.

ત્રમ્પે પત્રકાર પરિષદમાં ફરી એકવાર ભારત-પાકિસ્તાન યુદ્ધને લઈને પણ પોતાનું શ્રેય લેવાનો પ્રયાસ કર્યો. તેમનો દાવો છે કે તેમના કાર્યકાળ દરમિયાન તેઓએ પાંચ યુદ્ધ અટકાવ્યા હતા, જેમાં ભારત-પાકિસ્તાનનો વિવાદ પણ સમાવેશ પામે છે. જો કે, ભારત આ દાવાને ફરી નકારી ચૂક્યું છે. વિદેશ મંત્રાલયે અગાઉ સ્પષ્ટ રીતે કહ્યું હતું કે પાકિસ્તાનના DGMOએ સંઘર્ષ વિરામ માટે વિનંતી કરી હતી અને ત્યારબાદ ભારતે જવાબી કાર્યવાહી રોકી હતી.

The post ટ્રમ્પનું વિવાદાસ્પદ નિવેદન: ‘ભારત પર ટેરિફથી રશિયાની અર્થવ્યવસ્થાને મોટો ઝટકો’ appeared first on Gujarat Inside - Latest News Today.

પીએમ મોદીએ એક્સ (પૂર્વેના ટ્વિટર) પર જણાવ્યું હતું કે રાષ્ટ્રપતિ પુતિન સાથે વિશાળ વિષયો પર વાતચીત થઈ અને યુક્રેનના સંઘર્ષ અંગે અપડેટ મળ્યું. ખાસ વાત એ છે કે એક દિવસ પહેલાં જ પીએમ મોદીએ બ્રાઝિલના રાષ્ટ્રપતિ લુલા દા સિલ્વા સાથે પણ ટેલિફોનિક ચર્ચા કરી હતી.

બીજી તરફ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે ભારત પર 50% ટેરિફ લગાવવાની જાહેરાત કરી છે અને ભારત સામે અનેક તીખા નિવેદનો પણ આપ્યા છે. તેમણે એ પણ આક્ષેપ કર્યો છે કે ભારત રશિયાથી ઓઇલ ખરીદી યુદ્ધને નાણાં આપે છે. જોકે, ભારતે સ્પષ્ટ જવાબ આપ્યો છે કે યુરોપ અને અમેરિકા પોતે પણ રશિયાથી ઓઇલ અને ગેસ ખરીદે છે.

ટ્રમ્પના આ નિવેદનો વચ્ચે ભારતે સ્પષ્ટ સંદેશો આપ્યો છે કે તે કોઈ દબાણ હેઠળ નિર્ણય નહીં કરે. NSA અજિત ડોભાલ રશિયામાં પુતિન સાથે મળ્યા હતા અને વડાપ્રધાન મોદી આ જ મહિને ચીનની મુલાકાતે જવાનો કાર્યક્રમ ધરાવે છે.

ડોનાલ્ડ ટ્રમ્પે વધુમાં કહ્યું છે કે જો સુધી ટેરિફ મુદ્દે સમાધાન નહીં થાય, ત્યા સુધી ભારત સાથે કોઈ પણ વેપાર ચર્ચા નહીં કરવામાં આવે. 27 ઓગસ્ટથી વધારેલી ટેરિફ અમલમાં આવશે.

ટ્રમ્પ અગાઉ પણ ભારતને લઈને ઝેરી ટિપ્પણીઓ કરતા રહ્યાં છે — તેમણે ભારતના અર્થતંત્રને “મૃત” ગણાવ્યું છે અને કહ્યું છે કે “મને ફરક નથી પડતો કે ભારત અને રશિયા પોતાના અર્થતંત્રને તળિયે લઈ જાય.”

The post પીએમ મોદીએ પુતિન સાથે કરી ટેલિફોનિક ચર્ચા appeared first on Gujarat Inside - Latest News Today.

વ્યૂહાત્મક ભાગીદારી અને સંરક્ષણ કરારો પર ચર્ચા

મોસ્કોની મુલાકાત દરમિયાન દોવલ રશિયાના વરિષ્ઠ અધિકારીઓ સાથે મુલાકાત કરીને ભારત-રશિયા વ્યૂહાત્મક ભાગીદારી મજબૂત કરવા અને નવા સંરક્ષણ કરારો કરવા અંગે ચર્ચા કરશે. રશિયન સમાચાર એજન્સી તાસ મુજબ, ચર્ચામાં તેલ ખરીદી સહિત વિવિધ આર્થિક અને સુરક્ષા મુદ્દાઓનો સમાવેશ થશે.

આ મુલાકાત પૂર્વ આયોજન મુજબ નહોતી, પરંતુ તાજેતરના તણાવને ધ્યાનમાં રાખીને તેને અત્યંત મહત્વપૂર્ણ પગલું માનવામાં આવી રહ્યું છે.

રાજદ્વારી બેઠકઓ અને પરંપરાગત સંબંધોની પુનરાવર્તન

દોવલની મોસ્કો આવતાં પહેલાં, રશિયામાં ભારતના રાજદૂત વિજયકુમારએ રશિયાના નાયબ સંરક્ષણ મંત્રી કર્નલ જનરલ એલેકઝાંડર ફોમિન સાથે મુલાકાત કરી હતી. બેઠક દરમિયાન બંને દેશોના પરંપરાગત અને મજબૂત સંબંધોને યાદ કરવામાં આવ્યા અને ચર્ચાઓ મિત્રતા ભરેલા વાતાવરણમાં યોજાઈ.

અમેરિકાની ધમકી વચ્ચે ભારતનો મક્કમ વલણ

ગત સપ્તાહે અમેરિકાના રાષ્ટ્રપતિ ડોનાલ્ડ ટ્રમ્પે ભારત પર 25% વધારાનો ટેરિફ લાદવાની જાહેરાત કરી હતી અને આરોપ લગાવ્યો હતો કે ભારત રશિયા પાસેથી ઓછી કિંમતે તેલ ખરીદીને વૈશ્વિક બજારમાં વેચીને નફો કમાઈ રહ્યું છે, તેમજ આ રીતે રશિયાને યુક્રેન યુદ્ધમાં આડકતરી સહાય કરી રહ્યું છે.

ભારતે આ તમામ આક્ષેપોને નકારી કાઢ્યા છે અને સ્પષ્ટ કર્યું છે કે તેની ઊર્જા નીતિ બજારના પરિબળો અને 1.4 અબજ લોકોની ઊર્જા સુરક્ષા સુનિશ્ચિત કરવા માટે આધારિત છે. દોવલની આ મુલાકાત ભારતની સ્વતંત્ર વિદેશ નીતિ અને રાષ્ટ્રીય હિતોની રક્ષા માટેના દૃઢ સંદેશ તરીકે જોવામાં આવી રહી છે.

The post અમેરિકા અને ભારત વચ્ચે વધતા વેપારી તણાવ વચ્ચે એન.એસ.એ. અજિત દોવલ મોસ્કોની મુલાકાતે appeared first on Gujarat Inside - Latest News Today.