જયસ્વાલે પાકિસ્તાનને ચેતવણી આપતા કહ્યું કે, ઈસ્લામાબાદે તેના વાણી અને વર્તનમાં સંયમ રાખવો જોઈએ, કારણ કે કોઈપણ પ્રકારનો દુઃસાહસ તેના માટે ગંભીર પરિણામ લાવશે. તેમણે ઉમેર્યું કે તાજેતરમાં જ પાકિસ્તાને તેના કાર્યોના પરિણામો જોઈ લીધા છે. ઉલ્લેખનીય છે કે પાકિસ્તાનના આર્મી ચીફ આસીમ મુનીરે અમેરિકાની ધરતી પરથી ભારતને પરમાણુ હુમલાની ધમકી આપી હતી અને સિંધુ નદી પર ભારતે બંધ બાંધવાની યોજના પર બોમ્બથી ઉડાવી દેવાની ચેતવણી આપી હતી.

ભારત-અમેરિકા સંબંધોને લઈને જયસ્વાલે કહ્યું કે, બંને દેશોની ભાગીદારીને અનેક પડકારોનો સામનો કરવો પડ્યો છે, છતાં ભારત હંમેશા પરસ્પર આદર અને સહિયારા હિતોના આધારે આગળ વધવા પ્રતિબદ્ધ છે. નવી દિલ્હી માટે અમેરિકા સાથેની ભાગીદારી એક મહત્વપૂર્ણ એજન્ડા તરીકે રહેતી આવી છે.

The post પાકિસ્તાન પોતાની નિષ્ફળતા છુપાવવા ભારત વિરોધી નિવેદનો આપે છે: રણધીર જયસ્વાલ appeared first on Gujarat Inside - Latest News Today.