હવામાનની અસરને પગલે અત્યાર સુધીમાં 3,500થી વધુ લોકોને સુરક્ષિત સ્થળોએ ખસેડવામાં આવ્યા છે. કટરાથી ડોડા સુધી અનેક પુલ, વીજળીના થાંભલા અને મોબાઇલ ટાવર્સને નુકસાન પહોંચ્યું છે. ગુરુવારે જમ્મુ-કાશ્મીરની તમામ સ્કૂલ-કોલેજો બંધ રાખવામાં આવી હતી.

ભારતીય વાયુસેનાએ બચાવ કામગીરી માટે છ હેલિકોપ્ટર તૈનાત કર્યા છે, જેમાં પાંચ Mi-17 અને એક ચિનૂક હેલિકોપ્ટરનો સમાવેશ થાય છે. ગુરદાસપુરના ડેરા બાબા નાનકથી 38 સેનાના જવાન અને 10 બીએસએફ જવાનોને સુરક્ષિત બહાર કાઢવામાં આવ્યા. પઠાણકોટથી 46 નાગરિકોને હેલિકોપ્ટર મારફતે બચાવવામાં આવ્યા, જ્યારે 750 કિલો રાહત સામગ્રી હવાઈ માર્ગે પહોંચાડવામાં આવી.

જમ્મુના અખનૂર, આરએસપુરા, સાંબા, નગરોટા, કોટ ભલવાલ, બિશ્નાહ, વિજયપુર, પુર્મંડલ, કઠુઆ, રિયાસી, રામબન, ડોડા, બિલાવર, કટરા, રામનગર, હીરાનગર, ગુલ અને બનિહાલ સહિતના વિસ્તારોમાં ભારે વરસાદ અને તોફાની પવનની શક્યતા છે. ખાસ કરીને જમ્મુમાં છેલ્લા 24 કલાકમાં 296.0 મિમી વરસાદ નોંધાયો છે, જે 1973ના રેકોર્ડને તોડ્યો છે, જ્યારે ઉધમપુરમાં 629.4 મિમી વરસાદ નોંધાયો છે, જે 2019ના રેકોર્ડની સરખામણીમાં લગભગ બમણો છે.

NDRF, સ્થાનિક પોલીસ અને વસઈ-વિરાર મ્યુનિસિપલ કોર્પોરેશનની ટીમો દિવસ-રાત બચાવ કામગીરીમાં તત્પર છે. ભારતીય વાયુસેનાના C-130 ટ્રાન્સપોર્ટ એરક્રાફ્ટ દ્વારા ફસાયેલા વિસ્તારોમાં પીવાનું પાણી અને ભોજનના પેકેટ પહોંચાડવામાં આવી રહ્યા છે.

The post જમ્મુ-કાશ્મીરમાં ભારે વરસાદ અને ભૂસ્ખલન: 36ના મોત, 3,500થી વધુને ખસેડાયા appeared first on Gujarat Inside - Latest News Today.

ગગનયાન મિશન શું છે?
ગગનયાન મિશન ભારતનું પહેલું માનવ અંતરિક્ષ મિશન છે, જેમાં ચાર અંતરિક્ષયાત્રીઓને નીચા પૃથ્વી ભ્રમણકક્ષામાં (400 કિમી) મોકલવામાં આવશે અને ત્રણ દિવસ બાદ સુરક્ષિત રીતે પાછા લાવવામાં આવશે. મિશનની શરૂઆત માનવરહિત ઉડાનથી થશે, જેમાં માનવ-રોબોટ ‘વ્યોમમિત્ર’ અંતરિક્ષમાં મોકલાશે.

તાજેતરમાં સર્વિસ મોડ્યુલ પ્રોપલ્શન સિસ્ટમ (SMPS) નું કામ પણ પૂર્ણ થયું છે. આ સિસ્ટમ રૉકેટને યોગ્ય ભ્રમણકક્ષામાં લઈ જવા, ઉડાન દરમિયાન દિશા નિયંત્રણ, ગતિ નિયંત્રણ તેમજ આપાતકાલીન પરિસ્થિતિમાં મિશન રદ્દ કરીને અંતરિક્ષયાત્રીઓને સુરક્ષિત પાછા લાવવાનું કામ કરે છે.

ભવિષ્યની યોજનાઓ:
ઈસરોની યોજનાઓ મુજબ, વર્ષના અંત સુધીમાં ગગનયાન-1 મિશન લોન્ચ થશે. 2027માં ભારત પોતાની પહેલી માનવયુક્ત અંતરિક્ષ ઉડાન કરશે. તે પછી 2028માં ચંદ્રયાન-4, શુક્ર મિશન અને 2035 સુધીમાં ભારતીય અંતરિક્ષ સ્ટેશનની સ્થાપના થશે. 2040 સુધીમાં ભારત ચંદ્ર પર અંતરિક્ષયાત્રીઓને મોકલવાનું લક્ષ્ય ધરાવે છે.

The post ગગનયાન મિશનની તૈયારીઓ તેજ, ISROએ કર્યું પહેલું સફળ એર ડ્રોપ ટેસ્ટ appeared first on Gujarat Inside - Latest News Today.

શુભાંશુ શુક્લા શનિવારે (16 ઓગસ્ટે) નાસાના Axiom-4 મિશન પૂર્ણ કરીને ભારત પરત ફર્યા હતા. તેમની વાપસી પર દિલ્હીના IGI એરપોર્ટ પર ભવ્ય સ્વાગત કરવામાં આવ્યું હતું, જેમાં કેન્દ્રીય સાયન્સ અને ટેક્નોલોજી રાજ્યમંત્રી ડૉ. જિતેન્દ્ર સિંહ અને દિલ્હીના મુખ્યમંત્રી રેખા ગુપ્તા ઉપસ્થિત રહ્યા હતા. તેમના પત્ની કામના શુક્લા અને પુત્ર પણ આ ક્ષણે સાથે હતા.

આ મિશન શુભાંશુ માટે ઐતિહાસિક રહ્યું, કારણ કે તેઓ અંતરિક્ષમાં પહોંચનારા ભારતના બીજા નાગરિક બન્યા છે. તેમના પહેલાં, 1984માં વિંગ કમાન્ડર રાકેશ શર્મા અંતરિક્ષમાં ગયા હતા. શુભાંશુનું મિશન 25 જૂન, 2025ના રોજ અમેરિકાના ફ્લોરિડામાં આવેલા નાસાના કેનેડી સ્પેસ સેન્ટરથી લૉન્ચ થયું હતું અને તેઓ 26 જૂને ISS પહોંચ્યા હતા. 15 જુલાઈએ પૃથ્વી પર પાછા ફર્યા પછી હવે તેમની વતન વાપસી થઈ છે.

શુભાંશુએ અમેરિકામાં એક વર્ષ સુધી સખત તાલીમ લીધા બાદ આ મિશન માટે તૈયારી કરી હતી. મિશન દરમિયાન તેમણે ભારત માટે મહત્વપૂર્ણ સાત વૈજ્ઞાનિક પ્રયોગો કર્યા, જેમાં અંતરિક્ષમાં ચણા અને મેથીના બીજ ઉગાડવા, અંતરિક્ષની શરીર પર થતી અસરોનું અભ્યાસ, માંસપેશીઓની નબળાઈ અને બ્રેઈન-કમ્પ્યુટર ઈન્ટરફેસ જેવા ક્ષેત્રોમાં સંશોધનનો સમાવેશ થાય છે. આ પ્રયોગો ભવિષ્યમાં અંતરિક્ષ ખેતી, માનવ સ્વાસ્થ્ય અને ટેકનોલોજી વિકાસમાં મહત્વપૂર્ણ યોગદાન આપશે.

The post શુભાંશુ શુક્લાએ PM મોદી સાથે મુલાકાત કરી, અંતરિક્ષથી ખેંચેલી ધરતીની તસવીર આપી ભેટ appeared first on Gujarat Inside - Latest News Today.

વિંગ કમાન્ડર અભિમન્યુ સિંહને શૌર્ય ચક્રથી સન્માનિત કરાયા છે, જ્યારે ગ્રુપ કેપ્ટન આર.એસ. સિદ્ધૂ અને મનીષ અરોરા સહિત 9 સૈનિકોને વીર ચક્રથી નવાજવામાં આવ્યા છે. આ ઉપરાંત, BSF ના જવાનોને પાકિસ્તાન અને આતંકવાદ સામેના ઓપરેશન સિંદૂર દરમ્યાન બહાદુરી દર્શાવવા બદલ પુરસ્કાર મળ્યા છે. તેમણે દુશ્મન સર્વેલન્સ કેમેરાનો નાશ કર્યો અને ડ્રોન હુમલાઓને નિષ્ક્રિય કરીને દેશની સુરક્ષા સુનિશ્ચિત કરી.

અર્ધલશ્કરી દળોએ પશ્ચિમ સરહદ પર નિયંત્રણ રેખા (LoC) અને 2,290 કિલોમીટર લાંબી આંતરરાષ્ટ્રીય સરહદ (IB) પર દૃઢ સંકલ્પ સાથે ફરજ બજાવી. આ સ્વતંત્રતા દિવસે 16 બહાદુર સીમા પ્રહારીઓને તેમના અસાધારણ સાહસ માટે સન્માનિત કરવાનું દેશ માટે ગૌરવની વાત છે.

The post ઓપરેશન સિંદૂરમાં શૌર્ય ચક્રથી વિંગ કમાન્ડર અભિમન્યુ સિંહ સન્માનિત, 52 જવાનોને વીરતા પુરસ્કાર appeared first on Gujarat Inside - Latest News Today.