સરકારનું કહેવું છે કે રાજ્ય વિધાનસભામાં પસાર થયેલા બિલ પર પગલાં લેવા માટે રાજ્યપાલ અથવા રાષ્ટ્રપતિ પર નિશ્ચિત સમયમર્યાદા લાદવી એટલે બંધારણમાં ન આપેલી સત્તાનો ઉપયોગ કરવો, જેનાથી “બંધારણીય અરાજકતા” ઊભી થઈ શકે છે.

સુપ્રીમ કોર્ટમાં સુનાવણી પહેલાં કેન્દ્રની દલીલ:
મંગળવારે મુખ્ય ન્યાયાધીશ બી.આર. ગવઈની અધ્યક્ષતાવાળી પાંચ જજોની બેન્ચ સમક્ષ સુનાવણી થવાની છે. તે પહેલાં કેન્દ્રએ દલીલ કરી છે કે રાષ્ટ્રપતિ દ્વારા દરેક આરક્ષિત બિલને સુપ્રીમ કોર્ટમાં મોકલવાની ફરજ પાડવી બંધારણીય વ્યવસ્થાના વિરુદ્ધ છે.

કેન્દ્રના ત્રણ મુખ્ય તર્ક:

1. બંધારણીય સંતુલન ભંગ થશે:
   સોલિસિટર જનરલ તુષાર મહેતાએ કહ્યું કે સુપ્રીમ કોર્ટ દ્વારા નક્કી કરાયેલી સમયમર્યાદા બંધારણીય સંતુલન બગાડશે. ભૂલોના ઉકેલ માટે ચૂંટણી, કાયદાકીય દેખરેખ અને કાર્યપાલિકા જવાબદારી જેવી પ્રક્રિયાઓ છે. અનુચ્છેદ 142 સુપ્રીમ કોર્ટને નવા નિયમો ઘડવાની સત્તા આપતું નથી.
2. મુદ્દાનો ઉકેલ રાજકીય હોવો જોઈએ:
   રાજ્યપાલ અને રાષ્ટ્રપતિ રાજકીય પદો છે, તેથી તેમના નિર્ણય સાથે જોડાયેલા વિવાદનો ઉકેલ રાજકીય અને બંધારણીય રીતે થવો જોઈએ, ન્યાયિક હસ્તક્ષેપથી નહીં.
3. અનુચ્છેદ 200 અને 201નો ઉલ્લેખ:
   આ અનુચ્છેદોમાં કોઈ સમયમર્યાદા નક્કી કરવામાં આવી નથી, જેનો અર્થ એ છે કે શક્તિનો ઉપયોગ લવચીકતા સાથે થવો જોઈએ. ન્યાયાલય સમયમર્યાદા નક્કી કરે તે બંધારણમાં સુધારા સમાન છે.

કેન્દ્રએ વધુમાં કહ્યું કે રાજ્યપાલ અને રાષ્ટ્રપતિની મંજૂરી આપવાની સત્તા વિશિષ્ટ અધિકાર છે, જે કાયદાકીય પ્રકૃતિ ધરાવે છે. બંધારણના નિયંત્રણ અને સંતુલન હોવા છતાં, આ ક્ષેત્ર પર કોઈ પણ અંગનો અતિક્રમણ શક્ય નથી.

The post રાષ્ટ્રપતિ ક્યારે સુપ્રીમ કોર્ટની સલાહ લે તે નક્કી કરવાની સત્તા માત્ર રાષ્ટ્રપતિને : કેન્દ્રની સ્પષ્ટતા appeared first on Gujarat Inside - Latest News Today.

રાષ્ટ્રપતિ દ્રૌપદી મુર્મુને લખેલા પત્રમાં ધનખડે જણાવ્યું હતું કે:

“આરોગ્ય સંભાળને પ્રાથમિકતા આપવા અને તબીબી સલાહનું પાલન કરવા માટે, હું બંધારણની કલમ 67 (A) મુજબ તાત્કાલિક અસરથી ભારતના ઉપરાષ્ટ્રપતિ પદ પરથી રાજીનામું આપું છું.”

તેમણે રાષ્ટ્રપતિનો આભાર માનતા કહ્યું કે રાષ્ટ્રપતિ સાથે તેમનો સુમેળભર્યો અને અદ્ભુત કાર્યકાળ રહ્યો. વડાપ્રધાન નરેન્દ્ર મોદીના માર્ગદર્શન તથા મંત્રીમંડળના સહયોગ બદલ પણ તેમણે દિલથી આભાર વ્યક્ત કર્યો.

રાજકીય કારકિર્દી અને પ્રષ્ઠભૂમિ

જગદીપ ધનખડ વર્ષ 2022માં ભારતના 14મા ઉપરાષ્ટ્રપતિ બન્યા હતા. તે પહેલાં તેમણે પશ્ચિમ બંગાળના રાજ્યપાલ (2019-2022) તરીકે સેવા આપી હતી. વર્ષ 1990માં ચંદ્રશેખર સરકારે તેમને સંસદીય બાબતોના રાજ્યમંત્રી બનાવ્યા હતા. તેઓ લોકસભા અને રાજસ્થાન વિધાનસભાના સભ્ય તરીકે પણ રહી ચૂક્યા છે. પોતાની રાજકીય કારકિર્દી દરમિયાન તેમણે ભાજપ, કોંગ્રેસ અને જનતા દળ જેવી વિવિધ પાર્ટીઓ સાથે કામ કર્યું છે.

વ્યક્તિગત જીવન અને શિક્ષણ

જગદીપ ધનખડનો જન્મ 18 મે 1951ના રોજ રાજસ્થાનના ઝુનઝુનુ જિલ્લાના કિથાણા ગામમાં થયો હતો. તેમણે ચિત્તોડગઢની સૈનિક સ્કૂલમાંથી શાળાકીય શિક્ષણ પૂર્ણ કર્યું. તેમણે રાજસ્થાન યુનિવર્સિટી, જયપુરમાંથી બી.એસસી અને એલએલબીની ડિગ્રી મેળવી હતી.

The post સંવિધાનના અનુચ્છેદ 67(A) મુજબ ઉપરાષ્ટ્રપતિ જગદીપ ધનખડે આપ્યું તાત્કાલિક રાજીનામું, સ્વાસ્થ્યને બનાવ્યું કારણ appeared first on Gujarat Inside - Latest News Today.