મોદીએ સ્પષ્ટ કર્યું કે, તેમની માતાનો રાજકારણ સાથે કોઈ સંબંધ નહોતો, તેમ છતાં તેમની નિંદા કરવામાં આવી છે. પીએમ મોદીએ જણાવ્યું કે આ માત્ર તેમની માતાનો નહીં, પરંતુ દેશની દરેક માતા અને બહેનોનો અપમાન છે. તેમણે કહ્યું, “હું માફ કરી દઈશ, પરંતુ ભારતની ધરતી ક્યારેય આ અપમાન માફ નહીં કરે.”

કાર્યક્રમ દરમિયાન પીએમ મોદીએ રાજ્ય જીવિકા નિધિ સાખ સહકારી સંઘ લિમિટેડના લોન્ચિંગની જાહેરાત પણ કરી, જે મહિલા ઉદ્યોગ સાહસિકોને ફંડ પ્રદાન કરવા માટે રચાયેલ છે. તેમણે મહિલાઓને સંબોધતાં કહ્યું કે, “મારી માતા હીરાબેન મોદીએ અમને ગરીબીમાંથી બહાર લાવવા અવિરત મહેનત કરી હતી. દેશની કરોડો માતાઓ પોતાના સંતાનો માટે જીવન સમર્પિત કરે છે. તે દેવીના સ્વરૂપ છે, અને જે લોકો માતાનો અપમાન કરે છે તે મહિલા વિરોધી માનસિકતાનો પરિચય આપે છે.”

મોદીએ આગ્રહ કર્યો કે, આરજેડી અને કોંગ્રેસે છઠ્ઠી મૈયા પાસે માફી માંગવી જોઈએ. તેમણે ચેતવણી આપી કે આવી માનસિકતા ધરાવતા લોકોને સત્તા મળે તો મહિલાઓને મુશ્કેલીઓનો સામનો કરવો પડશે.

The post RJD-કોંગ્રેસના મંચ પરથી મારી સ્વર્ગવાસી માતાને ગાળો અપાઈ, ભારત માફ નહીં કરે: PM મોદી appeared first on Gujarat Inside - Latest News Today.

કોર્ટના નિર્ણય અનુસાર, ટ્રાયલ કોર્ટનો ચુકાદો રદ કરવામાં આવ્યો છે અને એમપી-એમએલએ કોર્ટ દ્વારા ફટકારેલી બે વર્ષની સજાનો પણ અંત આવ્યો છે. અબ્બાસે 2022ની વિધાનસભા ચૂંટણી દરમ્યાન ધમકી આપતાં કહ્યું હતું કે જો સમાજવાદી પાર્ટી સત્તામાં આવશે તો રાજ્યના અધિકારીઓને પરિણામો ભોગવવા પડશે. આ ભાષણને આધારે તેના વિરુદ્ધ કેસ દાખલ થયો હતો અને તેને બે વર્ષની સજા તેમજ બે હજારનો દંડ ફટકારાયો હતો.

આ કેસમાં મંચ પર અબ્બાસ સાથે હાજર ચૂંટણી એજન્ટ મંસૂર અંસારીને પણ છ મહિનાની સજા આપવામાં આવી હતી. અબ્બાસે અગાઉ સજા સ્થગિત કરવાની અરજી કરી હતી જે ફગાવવામાં આવી હતી, જેના વિરુદ્ધ તેણે હાઈકોર્ટમાં રિવિઝન અરજી દાખલ કરી હતી. અંતે, હાઈકોર્ટએ તેને રાહત આપી અને ચુકાદો રદ કર્યો છે.

The post ભડકાઉ ભાષણ કેસમાં અબ્બાસ અંસારીને રાહત, હાઈકોર્ટએ બે વર્ષની સજા રદ કરી appeared first on Gujarat Inside - Latest News Today.

લોકસભામાં વિપક્ષના નેતા રાહુલ ગાંધીએ કહ્યું કે, સરકારે ઓપરેશન સિંદૂર ચાલુ હોવાનો દાવો કર્યો છે, જ્યારે ટ્રમ્પ કહે છે કે તેમણે ભારત-પાકિસ્તાન વચ્ચે સીઝફાયર કરાવ્યું છે. ટ્રમ્પે આ વાત લગભગ 25 વખત જાહેરપણે કહી છે, છતાં પીએમ મોદીએ આ મુદ્દે મૌન ધર્યું છે. રાહુલના મતે, જ્યારે કોઈ દેશે ભારતને આ મામલે ખુલ્લો સાથ આપ્યો નથી ત્યારે પીએમનું મૌન ઘણા સવાલો ઊભા કરે છે.

સંસદમાં બીજો મહત્વપૂર્ણ મુદ્દો “બિહાર વોટર વેરિફિકેશન” રહ્યો. આ મુદ્દે વિપક્ષે ભારે વિરોધ દર્શાવ્યો હતો. વિપક્ષી સાંસદોએ કાળા કપડા પહેરીને અને સૂત્રોચ્ચાર સાથે વેલમાં પહોંચી વિરોધ નોંધાવ્યો હતો. લોકસભા સ્પીકર ઓમ બિરલાએ શાંતિ રાખવાની અપીલ કરી હતી અને સ્પષ્ટ જણાવ્યું કે સંસદમાં રસ્તાની ભાષા નહીં ચાલે. વિરોધના પગલે આજે બંને સદન ગુરુવાર સવારે 11 વાગ્યા સુધી સ્થગિત કરવામાં આવ્યા.

પહલગામમાં 22 એપ્રિલે થયેલા આતંકી હુમલાના જવાબમાં ભારતે 7 મેના રોજ ઓપરેશન સિંદૂર હેઠળ પાકિસ્તાન સ્થિત આતંકી ઠેકાણાઓ પર હુમલો કર્યો હતો. ત્યારબાદ બંને દેશો વચ્ચે તણાવ વધ્યો અને 10 મેના રોજ સીઝફાયરની જાહેરાત ડોનાલ્ડ ટ્રમ્પ દ્વારા કરવામાં આવી હતી. ટ્રમ્પે દાવો કર્યો કે આ સીઝફાયર તેમની મધ્યસ્થીના કારણે શક્ય થયું. ભારત સરકારે તેમના દાવાઓનો ઇનકાર કર્યો હોવા છતાં, ટ્રમ્પ અનેકવાર તેમના જ સૂત્રોને પુનરાવૃત્ત કરતા રહ્યા છે.

The post રાહુલ ગાંધીનો પીએમ મોદી પર આક્ષેપ: “કોઈ દેશે ભારતનો સાથ ન આપ્યો, ટ્રમ્પે 25 વાર સીઝફાયરનો દાવો કર્યો અને મોદી ચૂપ રહ્યા” appeared first on Gujarat Inside - Latest News Today.

આ ઘટના પછી તિબેટથી ભારતના ધારચુલા ખાતેના નાભિધાંગ બેઝ કેમ્પ સુધી તેમને હેલિકોપ્ટર દ્વારા લાવવામાં આવશે અને ત્યારબાદ દહેરાદૂન ખસેડવામાં આવશે. પિથોરાગઢ જિલ્લાનું વહીવટીતંત્ર તેમના રેસ્ક્યૂ માટે જરૂરી તમામ તૈયારીઓ પૂર્ણ કરી ચૂક્યું છે.

કૈલાશ માનસરોવર યાત્રા માટે આ વર્ષે કુલ 750 ભારતીય યાત્રાળુઓની પસંદગી કરવામાં આવી છે. તેમામાંથી 500 યાત્રાળુઓ નાથુલા પાસ (સિક્કિમ) અને 250 યાત્રાળુઓ લિપુલેખ પાસ (ઉત્તરાખંડ) મારફતે યાત્રા પર ગયા છે. મીનાક્ષી લેખી લિપુલેખ પાસથી જતા બીજા જૂથમાં સામેલ હતા. આ જૂથમાં કુલ 48 ભક્તો હતા, જેમાં 34 પુરૂષ અને 14 મહિલાઓનો સમાવેશ થાય છે.

દર વર્ષે યોજાતી આ શ્રદ્ધાયાત્રા ધાર્મિક અને આધ્યાત્મિક મહત્વ ધરાવે છે, પરંતુ તીવ્ર પર્વતીય પરિવેશ અને હવામાનની કઠિનાઈઓને કારણે આરોગ્ય સંબંધિત જોખમો રહે છે. હાલમાં યાત્રાની ત્રીજી બેચ તિબેટમાં છે અને ચોથી તથા પાંચમી બેચ અનુક્રમે 5 અને 9 ઓગસ્ટે ભારત તરફ રવાના થવાની છે.

મીનાક્ષી લેખીનું સ્વાસ્થ્ય સ્થિર છે તેવી માહિતી મળી રહી છે અને હવે દેશભરમાંથી તેમના સ્વસ્થતા માટે શુભેચ્છાઓ વ્યક્ત થઈ રહી છે.

The post કૈલાશ માનસરોવર યાત્રા દરમિયાન મીનાક્ષી લેખી ઘાયલ, કમરમાં ગંભીર ઈજા appeared first on Gujarat Inside - Latest News Today.