વિડિયો ક્લિપ્સમાં નજરે પડે છે કે મુસાફરોમાં દહેશતનો માહોલ હતો. બાળકો અને મહિલાઓ સહિતના યાત્રીઓ જીવ બચાવવા માટે લાઈફ જેકેટ પહેરીને પાણીમાં કૂદતા જોવા મળ્યા હતા. ક્રૂ મેમ્બર્સ દ્વારા મુસાફરોને life jacket પહેરવામાં સહાય કરવામાં આવી રહી હતી. આગની તીવ્રતા એટલી હતી કે થોડી જ વારમાં આખું જહાજ રાખમાં ફેરવાઈ ગયું હતું.

18 મુસાફરો ઘાયલ, કેટલીક વ્યક્તિઓ ગુમ

સત્તાવાર માહિતી અનુસાર, અત્યાર સુધીમાં ઓછામાં ઓછા 18 મુસાફરો ઘાયલ થયા હોવાનું નિર્ધારિત થયું છે. તેમજ કેટલાક લોકો હજુ પણ ગુમ હોવાનું કહેવામાં આવી રહ્યું છે. અકસ્માત પછીના દ્રશ્યોમાં ફેરીનું ઉપરનું માળખું સંપૂર્ણપણે બળી ગયું હોવાનું જોઈ શકાય છે.

રાહત અને બચાવ કામગીરી સતત ચાલુ

દરિયાઈ દુર્ઘટના બાદ KM Barcelona III, KM Venecian, અને KM Cantika Lestari 9F સહિતના મોટા જહાજોને તાત્કાલિક ઘટનાસ્થળે મોકલવામાં આવ્યા છે. સાથે જ સ્થાનિક માછીમારોએ પણ પોતાની નાની બોટ સાથે બચાવ કામગીરીમાં સહભાગીતા આપી. બચાવ પામેલા એક મુસાફરે કહ્યુ કે, “આગ જોઈને હું સ્તબ્ધ થઈ ગયો હતો, એ સંઘર્ષ ક્યારેય ભૂલાઈ શકશે નહીં.”

આ દુર્ઘટનાના કેટલાક વિડિયો હાલમાં સોશિયલ મીડિયા પર વાઈરલ થઈ રહ્યા છે, જેમાં લોકોના રોકકળ અને ડરેલા અવાજ અને જીવ બચાવવાના પ્રયાસો જોવા મળે છે.

The post ઇન્ડોનેશિયામાં દરિયા વચ્ચે જહાજમાં લાગી ભીષણ આગ; 5નાં મોત,280થી વધુ મુસાફરો જીવ બચાવવા સમુદ્રમાં કૂદ્યા appeared first on Gujarat Inside - Latest News Today.