ચંડીગઢમાં ઇસરોના સેમીકન્ડક્ટર લેબ અને વિક્રમ સારાભાઇ સ્પેસ સેન્ટર સાથે મળીને આ ચિપ તૈયાર કરવામાં આવી છે. ચિપનું સત્તાવાર નામ Vikram3201 રાખવામાં આવ્યું છે. આ પ્રોસેસર મોબાઇલ, કમ્પ્યુટર, રાઉટર, કાર, સેટેલાઇટ અને અન્ય આધુનિક ડિવાઇસોમાં મગજની ભૂમિકા ભજવે છે.

સેમીકન્ડક્ટર ચિપના પ્રદર્શન સમયે વડાપ્રધાન મોદીએ દેશમાં બનેલા ચિપ-ટેસ્ટ ચિપ્સનું નિરિક્ષણ કર્યું અને જણાવ્યું કે, 18 બિલિયન ડોલરના 10 સેમીકન્ડક્ટર પ્રોજેક્ટ્સ હાલમાં સક્રિય છે અને ભારત સેમીકન્ડક્ટર મિશનના બીજા તબક્કામાં પ્રવેશ કરવા જઇ રહ્યું છે. તેમણે કહ્યું કે મેડ ઇન ઇન્ડિયા ચિપથી વિશ્વમાં પરિવર્તન લાવવાનું સપનું નજીક છે અને આ સિદ્ધિ ભારતની લૉંગ-ટર્મ નીતિ, રિફોર્મ અને ઇન્વેસ્ટમેન્ટ પ્રતિબદ્ધતાનું પરિણામ છે.

વિક્રમ-32 બિટ ચિપનો ઉપયોગ મોબાઇલ, કમ્પ્યુટિંગ, બેસબેન્ડ, પાવર મેનેજમેન્ટ, મેમરી, એપ્લિકેશન પ્રોસેસર, ઓટો, ઇલેક્ટ્રિક વાહન, બેટરી મેનેજમેન્ટ, એડીએએસ સેંસર, ઇન્ફોટેનમેન્ટ, ટેલિકોમ, 5G, આરએફ, સ્વિચ, રાઉટર, ઇન્ડસ્ટ્રીયલ, માઇક્રોકન્ટ્રોલર્સ, મોટર ડ્રાઇવ, સેંસર-નોડ્સ, એરોશ્પેસ, ડિફેન્સ અને સ્પેસ ક્ષેત્રમાં થઈ શકશે.

ચિપ પાતળા સિલિકોન વેફર પર બનેલા લાખો કરોડો ટ્રાન્ઝિસ્ટરોનું જાળ છે, જે કમ્પ્યુટિંગ, મેમરી મેનેજમેન્ટ અને સિગ્નલ પ્રોસેસિંગની ક્ષમતા ધરાવે છે, જેના કારણે ડિવાઇસ વધુ સ્માર્ટ અને કાર્યક્ષમ બને છે.

The post ભારતનો પહેલો 32-બિટ માઇક્રોપ્રોસેસર ચિપ વિક્રમ-32 લોન્ચ appeared first on Gujarat Inside - Latest News Today.

આ મિશન, જે લૂનર પોલર એક્સપ્લોરેશન (LUPEX) તરીકે ઓળખાશે, 2027-28માં લોન્ચ થવાની સંભાવના ધરાવે છે. મિશનમાં જાપાનના H3 રોકેટનો ઉપયોગ કરવામાં આવશે અને તેનું મુખ્ય ઉદ્દેશ્ય ચંદ્રના દક્ષિણ ધ્રુવીય વિસ્તારમાં ઊંડાણપૂર્વક સંશોધન કરવાનું રહેશે.

વડાપ્રધાન મોદીએ જણાવ્યું કે, મિશનમાં બંને દેશની સક્રિય ભાગીદારી પૃથ્વીની સીમાઓને પાર કરીને માનવજાતિની પ્રગતિ માટે પ્રતીકરૂપ બની શકે છે. બંને દેશોએ આગામી દસ વર્ષ માટે સહયોગનો-roadmap તૈયાર કર્યો છે, જે ભારત-જાપાનના અવકાશ સહયોગમાં નવા સુવર્ણ અધ્યાયનું પાયો રહેશે.

LUPEX મિશનની સૌથી મહત્વપૂર્ણ લક્ષ્ય ચંદ્રના દક્ષિણ ધ્રુવીય ક્ષેત્રમાં સંભવિત પાણીની બરફ શોધ અને તેનું વિશ્લેષણ કરવું છે. વૈજ્ઞાનિકો માટે આ ક્ષેત્ર મહત્વપૂર્ણ છે, કારણ કે અહીં પાણી માનવ મિશન માટે ભવિષ્યમાં એક મહત્વનો સ્ત્રોત બની શકે છે. મિશનમાં JAXA દ્વારા વિકસિત રોવર અને ISRO દ્વારા બનાવાયેલ લેન્ડર સામેલ રહેશે, જે મળીને ચંદ્રની સપાટીનું ઊંડાણપૂર્વક અભ્યાસ કરશે.

The post ભારત અને જાપાન સંયુક્ત રીતે ચંદ્રયાન-5 મિશન પર કામ કરશે: LUPEX માટે 10 વર્ષનો-roadmap તૈયાર appeared first on Gujarat Inside - Latest News Today.

ગગનયાન મિશન શું છે?
ગગનયાન મિશન ભારતનું પહેલું માનવ અંતરિક્ષ મિશન છે, જેમાં ચાર અંતરિક્ષયાત્રીઓને નીચા પૃથ્વી ભ્રમણકક્ષામાં (400 કિમી) મોકલવામાં આવશે અને ત્રણ દિવસ બાદ સુરક્ષિત રીતે પાછા લાવવામાં આવશે. મિશનની શરૂઆત માનવરહિત ઉડાનથી થશે, જેમાં માનવ-રોબોટ ‘વ્યોમમિત્ર’ અંતરિક્ષમાં મોકલાશે.

તાજેતરમાં સર્વિસ મોડ્યુલ પ્રોપલ્શન સિસ્ટમ (SMPS) નું કામ પણ પૂર્ણ થયું છે. આ સિસ્ટમ રૉકેટને યોગ્ય ભ્રમણકક્ષામાં લઈ જવા, ઉડાન દરમિયાન દિશા નિયંત્રણ, ગતિ નિયંત્રણ તેમજ આપાતકાલીન પરિસ્થિતિમાં મિશન રદ્દ કરીને અંતરિક્ષયાત્રીઓને સુરક્ષિત પાછા લાવવાનું કામ કરે છે.

ભવિષ્યની યોજનાઓ:
ઈસરોની યોજનાઓ મુજબ, વર્ષના અંત સુધીમાં ગગનયાન-1 મિશન લોન્ચ થશે. 2027માં ભારત પોતાની પહેલી માનવયુક્ત અંતરિક્ષ ઉડાન કરશે. તે પછી 2028માં ચંદ્રયાન-4, શુક્ર મિશન અને 2035 સુધીમાં ભારતીય અંતરિક્ષ સ્ટેશનની સ્થાપના થશે. 2040 સુધીમાં ભારત ચંદ્ર પર અંતરિક્ષયાત્રીઓને મોકલવાનું લક્ષ્ય ધરાવે છે.

The post ગગનયાન મિશનની તૈયારીઓ તેજ, ISROએ કર્યું પહેલું સફળ એર ડ્રોપ ટેસ્ટ appeared first on Gujarat Inside - Latest News Today.

પીએમ મોદીએ જણાવ્યું કે ભારતે માત્ર બે વર્ષ પહેલા ચંદ્રના દક્ષિણ ધ્રુવ પર પહોંચીને એક ઇતિહાસ સર્જ્યો હતો અને હવે ભારત સ્પેસમાં ડોકિંગ અને અનડોકિંગ કરવાની ક્ષમતા ધરાવનારા ચોથી દેશ બન્યો છે. તાજેતરમાં તેમણે ISS પર ત્રિરંગો લહેરાવનાર ગ્રુપ કેપ્ટન શુભાંશુ શુક્લાને મળીને ભારતીય યુવાનોની હિંમત અને સપનાઓ જોઈ. આ માટે ભારતના યુવાનોને અંતરિક્ષયાત્રી પૂલમાં જોડાવાની આમંત્રણ આપ્યું, જેથી તેઓ ભારતના સપનાઓને પાંખ આપી શકે.

પીએમ મોદીએ ભવિષ્યના સ્પેસ દ્રષ્ટિકોણ વિશે પણ જણાવ્યું કે ભારત ટૂંક સમયમાં ગગનયાનની ઉડાણ કરશે અને પોતાના અંતરિક્ષ સ્ટેશનનું નિર્માણ કરશે. તેમણે જણાવ્યું કે ભારત ચંદ્ર અને મંગળ પર પહોંચી ચુક્યું છે અને હવે ઊંડા અંતરિક્ષમાં અનેક રહસ્યોને શોધવાનો સમય આવ્યો છે.

The post PM મોદીએ સ્પેસ ડે પર કર્યો મોટું નિવેદન: ભારત પોતાનું અંતરિક્ષ સ્ટેશન બનાવશે appeared first on Gujarat Inside - Latest News Today.

શુભાંશુ શુક્લા શનિવારે (16 ઓગસ્ટે) નાસાના Axiom-4 મિશન પૂર્ણ કરીને ભારત પરત ફર્યા હતા. તેમની વાપસી પર દિલ્હીના IGI એરપોર્ટ પર ભવ્ય સ્વાગત કરવામાં આવ્યું હતું, જેમાં કેન્દ્રીય સાયન્સ અને ટેક્નોલોજી રાજ્યમંત્રી ડૉ. જિતેન્દ્ર સિંહ અને દિલ્હીના મુખ્યમંત્રી રેખા ગુપ્તા ઉપસ્થિત રહ્યા હતા. તેમના પત્ની કામના શુક્લા અને પુત્ર પણ આ ક્ષણે સાથે હતા.

આ મિશન શુભાંશુ માટે ઐતિહાસિક રહ્યું, કારણ કે તેઓ અંતરિક્ષમાં પહોંચનારા ભારતના બીજા નાગરિક બન્યા છે. તેમના પહેલાં, 1984માં વિંગ કમાન્ડર રાકેશ શર્મા અંતરિક્ષમાં ગયા હતા. શુભાંશુનું મિશન 25 જૂન, 2025ના રોજ અમેરિકાના ફ્લોરિડામાં આવેલા નાસાના કેનેડી સ્પેસ સેન્ટરથી લૉન્ચ થયું હતું અને તેઓ 26 જૂને ISS પહોંચ્યા હતા. 15 જુલાઈએ પૃથ્વી પર પાછા ફર્યા પછી હવે તેમની વતન વાપસી થઈ છે.

શુભાંશુએ અમેરિકામાં એક વર્ષ સુધી સખત તાલીમ લીધા બાદ આ મિશન માટે તૈયારી કરી હતી. મિશન દરમિયાન તેમણે ભારત માટે મહત્વપૂર્ણ સાત વૈજ્ઞાનિક પ્રયોગો કર્યા, જેમાં અંતરિક્ષમાં ચણા અને મેથીના બીજ ઉગાડવા, અંતરિક્ષની શરીર પર થતી અસરોનું અભ્યાસ, માંસપેશીઓની નબળાઈ અને બ્રેઈન-કમ્પ્યુટર ઈન્ટરફેસ જેવા ક્ષેત્રોમાં સંશોધનનો સમાવેશ થાય છે. આ પ્રયોગો ભવિષ્યમાં અંતરિક્ષ ખેતી, માનવ સ્વાસ્થ્ય અને ટેકનોલોજી વિકાસમાં મહત્વપૂર્ણ યોગદાન આપશે.

The post શુભાંશુ શુક્લાએ PM મોદી સાથે મુલાકાત કરી, અંતરિક્ષથી ખેંચેલી ધરતીની તસવીર આપી ભેટ appeared first on Gujarat Inside - Latest News Today.

શુભાંશુ શુક્લા ભારતીય વાયુસેનાના ગ્રુપ કેપ્ટન છે અને છેલ્લા એક વર્ષથી અમેરિકા સ્થિત હતા. તેમણે Axiom-4 મિશન માટે તાલીમ લીધી હતી અને 25 જૂન 2025ના રોજ ફ્લોરિડાથી સ્પેસએક્સ ડ્રેગન કેપ્સૂલ દ્વારા લોન્ચ થયા હતા. તેઓ 26 જૂનના રોજ ISS પર પહોંચ્યા અને 15 જુલાઈએ પૃથ્વી પર પાછા ફર્યા. 18 દિવસના આ મિશનમાં શુભાંશુએ 60થી વધુ પ્રયોગો કર્યા અને 20 જાગૃતિ સત્રોમાં ભાગ લીધો. મિશન દરમિયાન તેમના સાથીઓમાં નાસાના પેગી વ્હિટસન (અમેરિકા), સ્લાવોસ ઉઝનાંસ્કી-વિસ્નિવ્સ્કી (પોલેન્ડ) અને ટિબોર કાપુ (હંગેરી) સામેલ હતા.

25 ઑગસ્ટે શુભાંશુ લખનઉ પહોંચશે, જ્યાં એરપોર્ટથી તેમના નિવાસસ્થાન સુધી રોડ શો યોજાશે. શુભાંશુએ સોશિયલ મીડિયા પર પોસ્ટ શેર કરી, જેમાં તેમણે પોતાની લાગણીઓ વ્યક્ત કરી. તેમણે કહ્યું કે મિશન પૂર્ણ થયા પછી સાથીદારોથી વિદાય લેવી મુશ્કેલ હતી, પણ ઘરે પરત ફરવાનો આનંદ અનોખો છે. શુભાંશુએ ફિલ્મ સ્વદેશની પંક્તિઓનો ઉલ્લેખ કરતાં લખ્યું કે, “જીવન ગાડી છે સમય ચક્ર,” અને કહ્યું કે અવકાશમાં શીખેલું એક મહત્ત્વનું પાઠ એ છે કે જીવનમાં બદલાવ કાયમી છે.

ભારત પરત આવ્યા પછી શુભાંશુ વડાપ્રધાન નરેન્દ્ર મોદીને મળશે અને 22-23 ઑગસ્ટે નવી દિલ્હીમાં યોજાનારા રાષ્ટ્રીય અંતરિક્ષ દિવસ સમારોહમાં ભાગ લેશે. લખનઉમાં તેમના પરિવાર અને જનતા તેમની ભવ્ય આવક માટે આતુર છે.

The post ભારત પરત ફર્યા એસ્ટ્રોનોટ શુભાંશુ શુક્લા, PM મોદીને મળશે અને લખનઉમાં કરશે ભવ્ય રોડ શો appeared first on Gujarat Inside - Latest News Today.

ડ્રેગન કેપ્સ્યુલ પૃથ્વીના વાયુમંડળમાં 27,000 કિમી પ્રતિ કલાકની ઝડપે પ્રવેશ્યું હતું. વજનદાર ઘર્ષણ અને ઉંચા તાપમાનના કારણે તેનું તાપમાન લગભગ 1600 ડિગ્રી સેલ્સિયસ સુધી પહોંચ્યું હતું. આ તીવ્ર તાપમાન દરમિયાન થોડી ક્ષણો માટે મિશન કંટ્રોલ સાથે સંપર્ક તૂટી ગયો હતો. પરંતુ એન્ટ્રી બાદ પેરાશૂટ સિસ્ટમના સહારે કેપ્સ્યુલને ધીમે ધીમે મહાસાગરમાં ઉતારવામાં આવ્યું હતું. રિકવરી ટીમ હોડી અને હેલિકોપ્ટર સાથે તરત જ સ્થળ પર પહોંચી ગઈ અને યાત્રીઓનું મેડિકલ મૂલ્યાંકન માટે સ્થળાંતર કર્યું.

આઇસોલેશન માટે 10 દિવસનો સમયગાળો

અંતરિક્ષ યાત્રા બાદ તબીબી નિરીક્ષણ અનિવાર્ય હોવાથી શુભાંશુ અને તેમની ટીમ હવે 10 દિવસ માટે આઇસોલેશનમાં રહેશે. આ સમયગાળા દરમિયાન તેમના સ્વાસ્થ્યની તપાસ થશે અને અંતરિક્ષ યાત્રાના શારીરિક-માનસિક પરિણામોને ધ્યાનમાં રાખીને પૃથ્વી પરના વાતાવરણ માટે તેમને અનુરૂપ બનાવાશે.

શુભાંશુ શુક્લાની સફળ યાત્રા અને તેમના પૃથ્વી પરના સુરક્ષિત પરતફેર ભારત માટે નવી ઊંચાઈઓના દરવાજા ખોલતી ગૌરવભરેલી ઘટના બની છે.

The post 18 દિવસ અંતરિક્ષમાં વિતાવ્યા બાદ શુભાંશુ શુક્લાની પૃથ્વી પર ભવ્ય વાપસી, કેલિફોર્નિયામાં સફળ ઉતરાણ appeared first on Gujarat Inside - Latest News Today.

શું અવકાશમાં દવાઓ છે?

ક્રૂ મેમ્બર્સને મૂળભૂત તાલીમ મળે છે

આ ઉપરાંત, દરેક ક્રૂ મેમ્બરને CPR જેવી મૂળભૂત તાલીમ આપ્યા પછી મોકલવામાં આવે છે, જેથી જરૂર પડ્યે તેઓ તેમના સાથીદારોને મદદ કરી શકે. ટીમમાં એક વ્યક્તિ એવો પણ હોય છે જે અવકાશના તબીબી અધિકારી જેવો હોય છે. તેની પાસે અન્ય કરતા વધુ તાલીમ હોય છે અને જો કોઈ મોટી કટોકટી ન હોય, તો તે સરળતાથી તેનો સામનો કરી શકે છે. આ ઉપરાંત, પૃથ્વી પરથી તેમનું નિરીક્ષણ કરવામાં આવે છે અને અહીં હાજર ડોકટરોની ટીમ તેમને માર્ગદર્શન આપે છે.

The post અવકાશયાત્રી સ્પેસમાં બીમાર પડે છે તો શું પૃથ્વી પર કરવી પડે છે ઇમરજન્સી લેન્ડિંગ? કેવી રીતે કરવામાં આવે છે સારવાર appeared first on Gujarat Inside - Latest News Today.

Axiom-4: ભારતીય વાયુસેનાના ગ્રુપ કેપ્ટન શુભાંશુ શુક્લાએ અવકાશથી પૃથ્વી પર પહેલો સંદેશ મોકલ્યો છે. સ્પેસએક્સના ડ્રેગન અવકાશયાનથી મોકલેલા સંદેશમાં તેમણે કહ્યું- અવકાશમાંથી આપ સૌને નમસ્તે. હું અહીં બાળકની જેમ શીખી રહ્યો છું. હું અવકાશયાત્રી 634 છું. અહીં આવવું મારા માટે એક સૌભાગ્યની વાત છે.

The post ગ્રુપ કેપ્ટન શુભાંશુ શુક્લાએ અવકાશથી પૃથ્વી પર પહેલો સંદેશ મોકલ્યો, મળ્યો છે આ ખાસ નંબર appeared first on Gujarat Inside - Latest News Today.