જેફ્રી એપસ્ટીન એક પ્રભાવશાળી ધનવાન ફાઇનાન્સર હતા, જેમણે 2019માં ન્યૂયોર્કની જેલમાં આત્મહત્યા કરી હતી. તેઓ સગીર છોકરીઓના યૌન શોષણ અને ટ્રાફિકિંગ કેસમાં સુનાવણી માટે રાહ જોઈ રહ્યા હતા. આ પત્ર 2003માં એપસ્ટીનના 50મા જન્મદિવસના આલ્બમનો ભાગ હતો.

ટ્રમ્પે સ્પષ્ટ કર્યુ છે કે, “આ મારા શબ્દો નથી, ન તો આ મારી બોલવાની રીત છે. હું આ પ્રકારની તસવીર બનાવતો નથી.” વ્હાઇટ હાઉસના પ્રેસ સચિવ કેરોલિન લેવિટે પણ જણાવ્યું કે ટ્રમ્પે આ પત્ર પર ક્યારેય સહી નહોતી કરી. ડેપ્યુટી ચીફ ઓફ સ્ટાફ ટેલર બુડોવિચે ટ્રમ્પની ભૂતકાળની સહીઓની તસવીરો શેર કરીને સ્પષ્ટતા કરી કે આ તેમની સહી નથી.

આ ખુલાસાથી ટ્રમ્પ અને એપસ્ટીનની જૂની મિત્રતા પર ફરી સવાલો ઊભા થયા છે. ટ્રમ્પએ જણાવ્યું કે તેમણે લગભગ 20 વર્ષ પહેલાં એપસ્ટીન સાથે સંબંધ તોડી નાખ્યો હતો, કારણકે તે માર્એ-એ-લાગો રિસોર્ટમાં કામ કરતી કેટલીક છોકરીઓ સાથે ખોટું વર્તન કરતો હતો, જેમાં વર્જિનિયા ગ્યુફ્રેનો પણ સમાવેશ થાય છે.

The post ટ્રમ્પ પર એપસ્ટીન પત્રની સહીનો આરોપ, પ્રમુખે તમામ દાવા નકારી દીધા appeared first on Gujarat Inside - Latest News Today.