પોલીસે બુધવારે પહેલે ત્રણ આતંકીઓને ધરપકડ કરી હતી જેમાં આફતાબ અને સુફિયાનને દિલ્હીમાં ઝડપી પાડ્યું હતું. બંને મુંબઇના નિવાસી હતા અને તેમના પાસેથી હથિયાર અને આઇઈડી બનાવવા માટેની સામગ્રી જપ્ત કરવામાં આવી હતી. ત્રીજો આતંકી, અઝહર દાનિશ, ઝારખંડના રાંચીમાંથી ઝડપાયો હતો. તેના નિવાસસ્થાનમાંથી કેમિકલ અને IED બનાવવાની સામગ્રી મળી હતી.

ઝારખંડની રાજધાની રાંચીના લોજમાંથી પણ એક શંકાસ્પદ ISIS આતંકી ઝડપાયો છે. ATS અને રાંચી પોલીસની ટીમે આ શંકાસ્પદની ધરપકડ કરીને સ્થાનિક નેટવર્કની તપાસ શરૂ કરી છે.

રાંચીના લોઅર બજાર પોલીસ સ્ટેશન વિસ્તારમાં ઇસ્લામ નગરમાંથી પણ એક શંકાસ્પદની ધરપકડ કરવામાં આવી છે, જ્યાં આતંકવાદી સંગઠન સાથે જોડાણના પુરાવા મળ્યા છે. દરોડા દરમિયાન અનેક સંદિગ્ધ દસ્તાવેજો અને સામગ્રી જપ્ત કરવામાં આવી છે.

આશાર દાનિશ નામના શંકાસ્પદ આતંકી બોકારા જિલ્લાના પેટવારનો રહેવાસી છે અને દિલ્હી પોલીસમાં નોંધાયેલા કેસના આધારે ધરપકડ કરવામાં આવ્યો છે. પોલીસે જણાવ્યું કે તેની પૂછપરછ અને નેટવર્ક સાથેના જોડાણોની તપાસ ચાલી રહી છે.

રાંચી શહેર પહેલેથી જ આતંકી નેટવર્ક માટે મહત્વપૂર્ણ કેન્દ્ર છે અને આગામી દિવસોમાં આ કેસમાં વધુ મોટા ખુલાસા થવાની શક્યતા છે. પોલીસ સમગ્ર વિસ્તારમાં ચકાસણીને તેજ કરી રહી છે અને શંકાસ્પદ વ્યક્તિ સાથે બીજું કોઈ જોડાયેલ છે કે કેમ તે પણ તપાસ કરી રહી છે.

The post દિલ્હી-મુંબઈ માર્ગે આતંકી હુમલાનો ષડયંત્ર નાકામ, 5 આતંકીઓની ધરપકડ અને IED સામગ્રી જપ્ત appeared first on Gujarat Inside - Latest News Today.

દરમિયાન, ગણપતિના દર્શન બાદ સલમાન ચપ્પલ વિના જ પોતાની કાર તરફ દોડતા જોવા મળ્યા. તેમની સાથે સુરક્ષા ગાર્ડ્સ પણ દોડ્યા. તેમનો ઉત્સાહ અને ઝડપ જોઈ ચાહકો સોશિયલ મીડિયામાં ખાસ પ્રતિક્રિયા આપી રહ્યા છે. એક યુઝરે લખ્યું, ‘સલમાન બધા ધર્મોને માન આપે છે,’ જ્યારે બીજાએ લખ્યું, ‘સલમાન હિન્દુથી પણ વધારે હિન્દુ છે.’

આશિષ શેલારે પણ તેમના ઇન્સ્ટાગ્રામ એકાઉન્ટ પર સલમાનની તસવીરો શેર કરીને જણાવ્યું કે તેઓ તેના બાંદ્રા વેસ્ટ ગણેશોત્સવ સમિતિના ગણપતિના દર્શન કરવા આવ્યા હતા.

સલમાન ખાનએ તેમના ઘરના ગણપતિ બાપ્પાના વિસર્જનનો વીડિયો પણ સોશિયલ મીડિયા પર શેર કર્યો હતો. ઢોલ-નગારા ના તાલ પર નૃત્ય સાથે સલમાન અને તેમના પરિવારજનોને ઉત્સાહભર્યા વિદાયની ઉજવણી કરતા જોવા મળ્યા.

અભિનેતા હવે ટૂંક સમયમાં ‘બૅટલ ઓફ ગલવાન’ ફિલ્મમાં જોવા મળશે, જે 2020ના ગલવાન ઘાટીના યુદ્ધ પર આધારિત છે. આમાં સલમાન કર્નલ બી. સંતોષ બાબુની ભૂમિકા ભજવશે. ઉપરાંત, સલમાન ‘બીગ બોસ 19’ ને પણ હોસ્ટ કરી રહ્યા છે.

The post સલમાન ખાન પહોંચ્યા આસીષ શેલારના ઘરે ગણપતિ બાપ્પાના દર્શન કરવા, ભારે સુરક્ષામાં દોડતા દેખાયા appeared first on Gujarat Inside - Latest News Today.

‘રામાયણ’માં લક્ષ્મણનું પાત્ર ભજવનાર સુનીલ લહેરીએ સોશિયલ મીડિયા પર દુઃખ વ્યક્ત કરતા લખ્યું કે, “આ દુઃખદ સમાચાર શેર કરતાં અત્યંત દુઃખ થયું છે. ભગવાન તેમની આત્માને શાંતિ આપે અને પરિવારને આ દુઃખ સહન કરવાની શક્તિ આપે.”

પ્રેમ સાગર એક પ્રતિભાશાળી ફિલ્મમેકર અને સિનેમેટોગ્રાફર હતા. તેમણે 1968માં FTII માંથી ગ્રેજ્યુએશન કર્યા પછી ‘અલિફ લૈલા’, ‘ચરસ’ જેવી ફિલ્મો બનાવ્યા હતા. 1985માં તેમણે લોકપ્રિય ટીવી શો ‘વિક્રમ ઔર બેતાલ’નું નિર્દેશન અને નિર્માણ પણ કર્યું હતું.

તેઓ રામાનંદ સાગર ફાઉન્ડેશનમાં પણ ખૂબ સક્રિય રહ્યા, જે શિક્ષણ અને કલ્યાણ માટે કામ કરતી એક નોન-પ્રોફિટ સંસ્થા છે. હવે આ સંસ્થા અને વારસો તેમના પુત્ર શિવ સાગર આગળ વધારશે.

The post રામાનંદ સાગરના પુત્ર પ્રેમ સાગરનું 81 વર્ષની વયે નિધન, ટીવી-ફિલ્મ ઉદ્યોગમાં શોક appeared first on Gujarat Inside - Latest News Today.

જાણવામાં આવ્યું કે આ બાળક સુરતના અમરોલી વિસ્તારમાં રહેતા પરિવારનો હતો અને તેને 21મી ઓગસ્ટે અપહરણ કરવામાં આવ્યું હતું.

પ્રાથમિક તપાસમાં જાણવા મળ્યું છે કે બાળકની હત્યા ગળા પર ધારદાર હથિયારથી હુમલો કરી કરવામાં આવી હતી. સૌથી ચોંકાવનારી બાબત એ છે કે આ અપહરણ અને હત્યામાં બાળનું માસીના દીકરાનો સંપર્ક હતો. પોલીસે કિડનેપિંગ અને મર્ડર બંને મામલામાં તપાસ શરૂ કરી છે.

મુસાફરોને શૌચાલયની કચરાપેટીમાં મૃતદેહ જોવા મળતા ટ્રેનમાં હડકંપ મચી ગયો હતો. લોકો ભયભીત થયા અને તરત જ પોલીસ અને રેલવે સ્ટાફને સૂચના આપી. પોલીસે કેટલાક મુસાફરોને પૂછપરછ માટે રોકી રાખ્યા હતા, જેથી ઘટના અંગે વધુ માહિતી મેળવી શકાય.

The post સુરતના 3 વર્ષના બાળકનું મૃતદેહ ટ્રેનના શૌચાલયમાંથી મળ્યું, માસીના દીકરાએ અપહરણ કરેલું હતું appeared first on Gujarat Inside - Latest News Today.

મહારાષ્ટ્ર મોટર વાહન કર અધિનિયમ, 1958ની જોગવાઈ હેઠળ આ નિર્ણય લેવામાં આવ્યો છે અને તે 31 જાન્યુઆરીના અગાઉના જાહેરનામામાં કરવામાં આવેલા સુધારા સાથે સંબંધિત છે. ટોલ મુક્તિનો મુખ્ય હેતુ કાર્બન ઉત્સર્જન ઘટાડવું, હાનિકારક પ્રદૂષણને નિયંત્રિત કરવું અને સ્વચ્છ પરિવહનને પ્રોત્સાહન આપવું છે. પહેલા 21.8 કિમી લાંબા સમુદ્રી પૂલ પર દરેક વાહનને ટોલ ભરવો પડતો હતો.

મહારાષ્ટ્ર ઇલેક્ટ્રિક વાહન નીતિ (EV Policy) હેઠળ પ્રાઇવેટ ઇલેક્ટ્રિક કાર, રાજ્ય અને શહેરી ઇલેક્ટ્રિક બસો ટોલ મુક્તિનો લાભ મળશે. જોકે ઇલેક્ટ્રિક માલવાહક વાહનો આ છૂટમાંથી બહાર રહેશે.

હાલમાં મુંબઈમાં કુલ 22,400 રજિસ્ટર્ડ ઇલેક્ટ્રિક વાહનો છે, જેમાં 18,400 હલકા ફોર-વ્હિલર, 2,500 મુસાફર વાહન, 1,200 ભારે વાહન અને 300 ટુ-વ્હિલર સામેલ છે. અટલ સેતુ પર દરરોજ લગભગ 60,000 વાહનો પસાર થાય છે, જેમાં 34,000-40,000 વાહનો ખાસ આ પૂલનો ઉપયોગ કરે છે. આ નિર્ણય ઇલેક્ટ્રિક વાહનોની સંખ્યામાં વધારો અને ઈંધણ પર નિર્ભરતા ઘટાડવામાં મદદ કરશે.

The post મુંબઈના અટલ સેતુ પર ઇલેક્ટ્રિક વાહનો માટે ટોલ મુક્તિ, સરકારની જાહેરાત appeared first on Gujarat Inside - Latest News Today.

મીરા ભાયંદરમાં એક જાહેર સભામાં રાજ ઠાકરેએ દાવો કર્યો કે ગુજરાતી વેપારીઓ અને નેતાઓ દાયકાઓથી મુંબઈને મહારાષ્ટ્રથી અલગ કરવાનો ષડયંત્ર ઘડી રહ્યા છે. તેમણે આચાર્ય અત્રેના પુસ્તકનો ઉલ્લેખ કરીને કહ્યું કે,

“મને આઘાત લાગ્યો જ્યારે મેં વાંચ્યું કે સરદાર વલ્લભભાઈ પટેલે મુંબઈ મહારાષ્ટ્રને ન આપવાની તરફેણમાં પ્રથમ માંગણી કરી હતી.”

આ દાવા પછી રાજ્યમાં રાજકીય ગરમાવો વધી ગયો છે અને પાટીદાર નેતાઓ દ્વારા કડક પ્રતિક્રિયા આપવામાં આવી રહી છે.

મોરારજી દેસાઈ સામે પણ વિવાદિત આરોપ

રાજ ઠાકરેએ વિવાદ આગળ વધારતાં જણાવ્યું કે મોરારજી દેસાઈએ મહારાષ્ટ્રના આંદોલનો દરમિયાન મરાઠી લોકો પર ગોળીબાર કરાવ્યો હતો, જેનાથી અનેક લોકોના મોત નિપજ્યા હતા.

ઉદ્ધવ ઠાકરેએ કહ્યું- મુંબઈને અલગ કરશે તેના ટુકડા કરી નાંખીશું

બીજી તરફ રાજ ઠાકરેના ભાઈ ઉદ્ધવ ઠાકરેએ પણ દાવો કર્યો છે કે મુંબઈ દેશનું આર્થિક પાટનગર છે એ વાત લોકોને આંખના કણાની જેમ ખૂંચે છે. તેથી મહારાષ્ટ્રના ઉદ્યોગો ગુજરાત લઈ જવાયા. મુંબઈ આર્થિક પાટનગર તરીકે વિકસી રહ્યું છે તેથી અમદાવાદ માટે બુલેટ ટ્રેન શરૂ થઈ રહી છે.

અગાઉ પણ ગુજરાત વિરુદ્ધ નિવેદનો

આ પહેલા પણ રાજ ઠાકરે વરલીની સભામાં ગુજરાતીઓ સામે આક્રોશ વ્યક્ત કરતાં કહ્યું હતું કે, “તમારી પાસે વિધાનસભાની સત્તા હશે, પણ અમારી સત્તા રસ્તા પર છે.” તેમણે જણાવ્યું હતું કે, “મીરા રોડ પર એક વ્યક્તિએ ગુજરાતી વ્યક્તિને થપ્પડ મારી, પરંતુ શું તેની પર લખેલું હતું કે તે ગુજરાતી છે?” રાજ ઠાકરેએ ચેતવણી આપી કે જો કોઇ નાટક કરશે તો “કાનની નીચે બજાવવી પડશે”.

ઉદ્ધવ ઠાકરેએ કહ્યું – “હા, અમે ગુંડા જ છીએ”

ફડણવીસના ગુંડાગીરી સંબંધિત નિવેદન પર જવાબ આપતાં ઉદ્ધવ ઠાકરેએ કહ્યું, “જો પોતાની ભાષા માટે લડવું એ ગુંડાગીરી હોય તો હા, અમે ગુંડા છીએ.” તેમણે જણાવ્યું કે ગુજરાતમાં પટેલોને ભડકાવી અને તેમના સત્તા લાભ માટે હાંસિયે ધકેલી દેવામાં આવ્યા છે.

નિકર્ષ

રાજ ઠાકરે અને ઉદ્ધવ ઠાકરેના તાજેતરના નિવેદનો ફરી એકવાર મહારાષ્ટ્ર અને ગુજરાત વચ્ચેની રાજકીય તણાવભરી ભાષા અને અભિવ્યક્તિ પર પ્રશ્નચિહ્ન ઉભા કરે છે. સરદાર પટેલ જેવા રાષ્ટ્રીય નેતા અંગેના વિવાદિત ટિપ્પણીઓ માત્ર ઇતિહાસના ભ્રમિત વિવેચન પૂરતાં સીમિત નથી રહી, પરંતુ તેના કારણે સામાજિક અને રાજકીય તોફાન ઊભું થવાની શક્યતા છે.

The post રાજ ઠાકરેએ સરદાર પટેલ અને ગુજરાતીઓ પર કરેલા વિવાદિત નિવેદનોથી રોષ appeared first on Gujarat Inside - Latest News Today.

શું છે આખો મામલો?

માહિતી મુજબ, થોડા દિવસ પહેલાં વિરાર રેલવે સ્ટેશન નજીક એક રિક્ષાચાલક અને ટૂ-વ્હીલર સવાર વચ્ચે મરાઠી ભાષાને લઈને બોલાચાલી થઈ હતી. વીડિયોમાં દેખાય છે કે રિક્ષા ચાલકે યુવકને હિન્દી અને ભોજપુરીમાં બોલવાની ફરજ પાડીને મરાઠી ભાષા વિશે અપમાનજનક ટિપ્પણી કરી હતી.

આ વિવાદનો એક જુનો વીડિયો સોશિયલ મીડિયા પર વાયરલ થતાં રાજકીય તાપમાન વધી ગયું અને સ્થાનિક સંગઠનોમાં રોષની લાગણી ફેલાઈ હતી.

જાહેરમાં માફી મગવાઈ

શનિવારે, શિવસેના (UBT) અને મમસેના કાર્યકરોની ટોળકીએ રિક્ષા ડ્રાઈવરને જાહેરમાં ઘેરી લીધો અને મહિલાઓની હાજરીમાં તેને થપ્પડ મારી. ત્યારબાદ ડ્રાઈવરને જાહેરમાં એક પુરુષ અને તેની બહેન સામે માફી માંગવા પણ મજબૂર કરવામાં આવ્યો. ડ્રાઈવરે મહારાષ્ટ્રની સંસ્કૃતિ અને મરાઠી ભાષાનું અપમાન કર્યાનો આરોપ લગાવીને માફી મગવવામાં આવી હતી.

શિવસેના (UBT)એ કહ્યું – “આ છે અમારી શૈલી”

વિરાર શહેર શિવસેના (UBT)ના પ્રમુખ ઉદય જાધવે ઘટનાની પુષ્ટિ કરતા જણાવ્યું,

“જો કોઈ મરાઠી ભાષા, મહારાષ્ટ્ર કે મરાઠી લોકોના ઘમંડને પડકારશે, તો તેને શિવસેનાની શૈલીમાં જવાબ મળશે.”
તેમણે વધુમાં ઉમેર્યું કે, “અસંસ્કારી ટિપ્પણી કરનારને પાઠ શીખવવામાં આવ્યો છે અને આવી ઘટનાઓ ફરી ના બને તે માટે શીખ આપવી જરૂરી છે.”

The post વિરારમાં રિક્ષાચાલકને મરાઠી ન બોલવા મામલે ટોળાએ ઢોર માર માર્યો કહ્યું, “આ છે શિવસેના સ્ટાઇલ” appeared first on Gujarat Inside - Latest News Today.