ઝેલેન્સ્કીએ જણાવ્યું કે ખાર્કિવમાં ડ્રોન હુમલામાં સાત લોકોના મોત થયા છે, જેમાં દોઢ વર્ષની બાળકી પણ સામેલ છે. જાપોરિજ્જિયામાં મિસાઈલ હુમલામાં ત્રણના મોત અને 20 લોકો ઘાયલ થયા છે. ઓડેસામાં અઝરબૈજાનની કંપનીના એનર્જી સેન્ટર પર પણ હુમલો થયો છે. યુક્રેનના પ્રમુખે સ્પષ્ટ આરોપ મૂક્યો કે રશિયા ખાસ કરીને નાગરિકોને અને બાળકોને ટાર્ગેટ કરી રહ્યું છે જેથી રાજકીય દબાણ વધારી શકાય. તેમણે વિશ્વ સમુદાયને મદદ માટે આહ્વાન કર્યું અને કહ્યું કે રશિયાને યુદ્ધ માટે પુરસ્કૃત ન કરવો જોઈએ.

વ્હાઇટ હાઉસમાં 18 ઑગસ્ટે બપોરે 12 વાગ્યે યુરોપિયન યુનિયનના નેતાઓ ટ્રમ્પ સાથે મુલાકાત કરશે. 1 વાગ્યે ટ્રમ્પ ઝેલેન્સ્કીનું સ્વાગત કરશે અને 1.15 વાગ્યે ઓવલ ઑફિસમાં દ્વિપક્ષીય બેઠક યોજાશે. આ બેઠકમાં યુક્રેન, બ્રિટન, ફ્રાન્સ, જર્મની, ઈટલી, ફિનલૅન્ડ, ઈયુ અને નાટોના નેતાઓ સામેલ થશે.

The post વ્હાઇટ હાઉસ બેઠક પહેલા રશિયાનો યુક્રેન પર ઘાતક હુમલો, ઝેલેન્સ્કીનો કડક આરોપ appeared first on Gujarat Inside - Latest News Today.