5 સપ્ટેમ્બરે નવસારી, ડાંગ, વલસાડ, દમણ અને દાદરા-નગર હવેલીમાં રેડ એલર્ટ જાહેર કરાયું છે. સુરત, તાપી, નર્મદા, ભરૂચ, છોટા ઉદેપુર, ભાવનગર, અમરેલી અને બોટાદમાં ઓરેન્જ એલર્ટ અને 18 જિલ્લાઓમાં યલો એલર્ટ રહેશે.

6 સપ્ટેમ્બરે સુરેન્દ્રનગર, સાબરકાંઠા, અરવલ્લી અને મહીસાગરમાં રેડ એલર્ટ અને 9 જિલ્લાઓમાં ઓરેન્જ એલર્ટ, બાકીના 21 જિલ્લાઓમાં યલો એલર્ટ રહેશે.

7 સપ્ટેમ્બરે માત્ર કચ્છ જિલ્લામાં રેડ એલર્ટ અને 9 જિલ્લાઓમાં ઓરેન્જ એલર્ટ, 11 જિલ્લાઓમાં યલો એલર્ટ જાહેર કરવામાં આવ્યું છે.

8 સપ્ટેમ્બરે વરસાદની સ્થિતિ શાંત રહેશે, માત્ર કચ્છ, બનાસકાંઠા અને પાટણમાં યલો એલર્ટ જ રહેશે. હવામાન વિભાગે સૌને જરૂરી સાવચેતી રાખવા માટે આગાહી આપી છે અને પાણી ભરાવાના જોખમવાળા વિસ્તારોમાં સચેત રહેવાની સલાહ આપી છે.

ગુજરાતના મુખ્ય શહેરો અને ગ્રામ્ય વિસ્તારોમાં આગામી દિવસોમાં ભારે વરસાદની આગાહીને ધ્યાને લેતા વહીવટી તંત્ર અને સેવાસંસ્થાઓ દ્વારા રક્ષણાત્મક પગલાં લેવામાં આવ્યા છે.

The post ગુજરાતમાં સતત 4 દિવસ ભારે વરસાદ માટે રેડ-ઓરેન્જ એલર્ટ, કચ્છમાં પણ પ્રચંડ વરસાદની આગાહી appeared first on Gujarat Inside - Latest News Today.

ભારે વરસાદથી એક બાજુ લોકોને ગરમીથી રાહત મળી છે, પરંતુ બીજી બાજુ વાહનવ્યવહાર ખોરવાઈ ગયો છે. શહેરના અનેક વિસ્તારોમાં રસ્તાઓ પર ચાર ફૂટ સુધી પાણી ભરાઈ જતાં લોકોના મુસાફરીમાં અતિશય વિલંબ થયો. સામાન્ય રીતે અડધા કલાકમાં પૂર્ણ થતી મુસાફરી માટે લોકોને ત્રણથી ચાર કલાકનો સમય લાગ્યો. દિલ્હીથી ગુરુગ્રામ જતા રસ્તાઓ પર પણ લાંબો જામ રહ્યો.

સ્થિતિ ગંભીર બનતાં વહીવટીતંત્રે શાળા અને કોર્પોરેટ ઓફિસોને ઓનલાઈન વ્યવસ્થા અપનાવવા સલાહ આપી છે. ગુરુગ્રામના ડેપ્યુટી કમિશનર અને જિલ્લા આપત્તિ વ્યવસ્થાપન સત્તામંડળના અધ્યક્ષ અજય કુમારે જણાવ્યું કે વરસાદને કારણે પરિસ્થિતિ નાજુક છે, તેથી ટ્રાફિકમાં રાહત લાવવા આ પગલું જરૂરી છે.

હવામાન વિભાગના જણાવ્યા મુજબ, સોમવારે બપોરે 3 થી સાંજે 7 વાગ્યા સુધીમાં 100 મીમીથી વધુ વરસાદ નોંધાયો હતો. મંગળવાર માટે ભારેથી અતિભારે વરસાદની સંભાવનાને ધ્યાનમાં રાખીને ઓરેન્જ એલર્ટ જાહેર કરવામાં આવ્યું છે.

રાજકીય સ્તરે પણ આ મુદ્દે હલચલ થઈ. કોંગ્રેસના નેતા રણદીપ સુરજેવાલાએ સોશ્યલ મીડિયા પર ટ્રાફિક જામનો વીડિયો શેર કરીને ભાજપ સરકાર પર પ્રહાર કર્યો હતો. તેમણે લખ્યું, “માત્ર બે કલાકના વરસાદે ગુરુગ્રામમાં 20 કિમીનો ટ્રાફિક જામ સર્જી દીધો. મુખ્યમંત્રી નાયબ સિંહ સૈની હેલિકોપ્ટરમાં મુસાફરી કરે છે, રાજ્યના રસ્તાઓ પર નહીં. આ જ છે ભાજપનું ટ્રિપલ એન્જિન મોડેલ.”

The post વરસાદ બાદ ગુરુગ્રામમાં ટ્રાફિકનો કહેર: લાંબો ટ્રાફિક જામ, શાળા અને ઓફિસ બંધ રાખવા નિર્દેશ appeared first on Gujarat Inside - Latest News Today.