વિજય બાદ Olympics.com સાથે વાત કરતાં જાસ્મીને કહ્યું, “આ અનુભવ શબ્દોમાં વ્યક્ત કરી શકાય એવો નથી. હું વિશ્વ ચેમ્પિયન બનવા બદલ ખૂબ ખુશ છું. પેરિસ 2024માં મારા શરૂઆતના રાઉન્ડમાંથી બહાર થવાથી પછી મેં છેલ્લા એક વર્ષ દરમિયાન મારી ટેકનિક અને મેન્ટલ સ્ટ્રેન્થ પર ખૂબ કામ કર્યું હતું અને આ તેનો પરિણામ છે.”

જાસ્મીન લેમ્બોરિયાનો જીવનપ્રવાસ
જાસ્મીન હરિયાણાના ભિવાનીમાં 30 ઓગસ્ટ, 2001ના રોજ જન્મેલી છે. તે પોતાના માતા-પિતા જયવીર લેમ્બોરિયા (કોન્ટ્રાક્ટ આધારિત હોમગાર્ડ) અને જોગિન્દર કૌર (ગૃહિણિ) સાથે રહે છે. તેની બે બહેનો છે, જેમાંથી એક ફિઝિયોથેરાપિસ્ટ છે. તાજેતરમાં જ તેણે પોતાનો 24મો જન્મદિવસ ઉજવ્યો હતો.

જાસ્મીન સ્પોર્ટ્સ બૅકગ્રાઉન્ડમાંથી આવે છે. તેના પરદાદા લેજેન્ડરી હવા સિંહ હેવીવેઈટ બોક્સર અને બે વખત એશિયન ગેમ્સ ગોલ્ડ મેડલ વિજેતા હતા. તેના દાદા હૉન. કેપ્ટન ચંદર ભાન લેમ્બોરિયા રેસલર હતા. તેના કાકા સંદીપ સિંહ અને પરવિંદર સિંહ બંને નૅશનલ ચેમ્પિયન્સ હતા જેમણે જાસ્મીને ટ્રેનિંગ આપી.

જાસ્મીનનો બોક્સિંગ પ્રત્યેનો રસ 10મા ધોરણમાં શરૂ થયો હતો. તેણે પોતાની માતાને પોતાની ઈચ્છા જણાવી અને પછી કાકાઓ અને દાદાએ તેને બોક્સિંગ કરવા માટે મંજૂરી આપી. ત્યારબાદ તે એક અકાદમીમાં જોડાઈ અને તેની બોક્સિંગ સફર શરૂ થઈ.

કોમનવેલ્થ ગેમ્સ 2022માં જાસ્મીને લાઇટવેઇટ કેટેગરીમાં બ્રોન્ઝ મેડલ જીત્યો હતો. તેણે બેન્કોકમાં વર્લ્ડ ઓલિમ્પિક બોક્સિંગ ક્વોલિફાયરમાં મલીની મરીન કેમારા ને 5-0થી હરાવીને પેરિસ ઓલિમ્પિક 2024 માટે ક્વોલિફાઈ કર્યું હતું. જોકે ઓલિમ્પિકમાં તે શરૂઆતના રાઉન્ડમાં હારી ગઈ હતી. શરૂઆતમાં તેણે 60 કિગ્રા કેટેગરીમાં ભાગ લીધો હતો પરંતુ પછી તેને 57 કિગ્રા કેટેગરીમાં રિઝર્વ તરીકે મોકો મળ્યો અને તેમાંથી ક્વોલિફાય કરી.

આ જીત સાથે જાસ્મીન લેમ્બોરિયા ભારતની પ્રથમ વર્લ્ડ બોક્સિંગ ચેમ્પિયનશિપ ગોલ્ડ મેડલ વિજેતા બની છે, જે ભારતીય બોક્સિંગ માટે ઐતિહાસિક ક્ષણ છે.

The post જાસ્મીન લેમ્બોરિયા બન્યા ભારતના પ્રથમ વર્લ્ડ બોક્સિંગ ચેમ્પિયનશિપ ગોલ્ડ મેડલ વિજેતા appeared first on Gujarat Inside - Latest News Today.