આ કેસમાં 14 મહિના પહેલા મૈસુરના કેઆર નગરની એક મહિલા કાર્યકરે ફરિયાદ નોંધાવી હતી કે પ્રજ્વલ રેવન્નાએ તેના પર દુષ્કર્મ આચર્યું અને વીડિયો બનાવ્યો હતો. સીઆઈડીની સ્પેશિયલ ઈન્વેસ્ટિગેશન ટીમે તપાસ હાથ ધરી અને 2000 પાનાની ચાર્જશીટ સાથે 123 પુરાવા કોર્ટમાં રજૂ કર્યા, જે આરોપો સાબિત કરતા હતા. ટ્રાયલ 31 ડિસેમ્બર, 2024થી શરૂ થઈ હતી અને 23 સાક્ષીઓએ કોર્ટમાં સાક્ષી આપી હતી.

પીડિતાએ જણાવ્યું કે રેવન્નાએ હાસન જિલ્લાના ફાર્મહાઉસમાં તેમજ બાસવનગુડીના નિવાસસ્થાને ઘણી વાર દુષ્કર્મ કર્યું હતું. મોબાઈલમાં શૂટ કરાયેલા વીડિયો આ કેસમાં મહત્વના પુરાવા સાબિત થયા, જે ફોરેન્સિક લેબોરેટરીમાં ચકાસણી બાદ સાચા નીવડ્યા હતા.

આ મામલો ત્યારે સામે આવ્યો જ્યારે 26 એપ્રિલ, 2024ના લોકસભા મતદાન પછી પ્રજ્વલના અશ્લીલ વીડિયો વાયરલ થયા. ત્યારબાદ પ્રજ્વલ જર્મની ભાગી ગયો હતો. બાદમાં JDSએ તેને પાર્ટીમાંથી સસ્પેન્ડ કર્યો. એસઆઈટીએ તેને કેમ્પેગોડા ઈન્ટરનેશનલ એરપોર્ટથી ધરપકડ કરી હતી. આ કેસના ભાગરૂપે તેના પિતા અને પૂર્વ મંત્રી એચ.ડી. રેવન્નાની પણ ધરપકડ થઈ હતી, પરંતુ તેઓ જામીન પર છૂટ્યા હતા.

The post પ્રજ્વલ રેવન્નાને દુષ્કર્મ કેસમાં આજીવન કેદ અને 10 લાખ રૂપિયાનો દંડ appeared first on Gujarat Inside - Latest News Today.