બુધવારે કેનેડી સેન્ટરમાં પત્રકારોના પ્રશ્નોના જવાબ આપતાં ટ્રમ્પે જણાવ્યું હતું કે, “જો રશિયા યુદ્ધ રોકવા માટે તૈયાર નહીં થાય, તો તેની સામે પગલાં લેવાશે. આ પગલાંમાં આર્થિક પ્રતિબંધો અને ટેરિફ જેવી પગલીઓ પણ સામેલ હોઈ શકે છે.”

https://twitter.com/i/status/1954942148631302562

અલાસ્કામાં યોજાનારી બેઠક પૂર્વે સખત સંદેશો

ડોનાલ્ડ ટ્રમ્પ 15 ઓગસ્ટે અલાસ્કામાં રશિયન રાષ્ટ્રપતિ વ્લાદિમીર પુતિન સાથે બેઠક કરવા જઈ રહ્યા છે. આ બેઠક પહેલાં જ ટ્રમ્પે રશિયાને મજબૂત સંદેશ આપ્યો છે. તેમણે જણાવ્યું કે, જો આ બેઠક સફળ રહી, તો ટૂંક સમયમાં બીજી બેઠક પણ યોજાશે જેમાં યુક્રેનના રાષ્ટ્રપતિ વોલોદિમીર ઝેલેન્સ્કી પણ સામેલ થશે.

ટ્રમ્પે કહ્યું, “હું તાત્કાલિક બીજી બેઠક માટે તૈયાર છું. જો પુતિન અને ઝેલેન્સ્કી પણ તૈયાર હોય, તો અમે એ બેઠક પણ જલ્દી યોજીશું.”

આ પ્રકારના નિવેદનોથી સ્પષ્ટ થાય છે કે ટ્રમ્પની આગેવાનીમાં અમેરિકાએ ફરીથી પોતાની વૈશ્વિક દબદબાની છાપ છોડી છે. હવે જોવાનું એ રહેશે કે પુતિન ટ્રમ્પની ચેતવણી પછી શું નિર્ણય લે છે.

The post યુદ્ધ નહીં અટકાવ્યું તો ‘ભારે પરિણામ’ ભોગવવા પડશે: પુતિન સાથે બેઠક પહેલા ટ્રમ્પની ચેતવણી appeared first on Gujarat Inside - Latest News Today.