ગોરેએ કહ્યું કે, “ક્વાડ બેઠક અંગે ચર્ચા થઈ રહી છે. ચોક્કસ તારીખ આપ્યા વગર હું કહી શકું છું કે પ્રમુખ ટ્રમ્પ ક્વાડના સશક્તિકરણ માટે સંપૂર્ણપણે પ્રતિબદ્ધ છે.” ક્વાડમાં ભારત, અમેરિકા, જાપાન અને ઓસ્ટ્રેલિયા સામેલ છે.

ગયા વર્ષે ક્વાડ સમિટ અમેરિકા ખાતે યોજાઈ હતી કારણ કે પૂર્વ પ્રમુખ જો બાઈડેન ભારત આવી શક્યા નહોતા. આ વર્ષે સમિટનું આયોજન અલગ પ્રકારનું રહેશે, કારણ કે અમેરિકા અને જાપાનમાં નવા નેતૃત્વકાર સત્તા પર આવ્યા છે.

સર્જિયો ગોરેએ જણાવ્યું કે ટ્રમ્પે આ વર્ષે જાપાનની મુલાકાત લીધી હતી અને વડા પ્રધાન સાથે મુલાકાત કરી હતી. તેમણે જણાવ્યું કે ભારત-અમેરિકા સંબંધો લાંબા ગાળાના વિશ્વાસ પર આધારિત છે અને તાજેતરમાં અલાસ્કામાં બંને દેશોના 500 સૈનિકો વચ્ચે સંયુક્ત લશ્કરી કવાયત યોજાઈ હતી. ગોરેએ સંકેત આપ્યો કે યુએસ ભારત સાથેના સંબંધોને વધુ મજબૂત કરવા માગે છે જેથી ભારત ચીનથી દૂર રહે.

The post ટેરિફ વિવાદ વચ્ચે ટ્રમ્પ ભારત મુલાકાતે આવી શકે, ક્વાડ સમિટમાં હાજરીની સંભાવના appeared first on Gujarat Inside - Latest News Today.