આ ઘટના રવિવારે પૂર્ણિયામાં બની હતી, જ્યાં રાહુલ ગાંધી બુલેટ પર સવાર હતા અને બિહાર કોંગ્રેસ પ્રમુખ રાજેશ રામ તેમની પાછળ બેઠા હતા. રેલી દરમિયાન એક યુવક તેમની બાઇક પાસે પહોંચ્યો અને અચાનક કિસ કરવાની કોશિશ કરી. સુરક્ષા ગાર્ડે તરત જ તેને રોકી લીધો અને થપ્પડ મારીને દૂર હટાવી દીધો.

રાહુલ ગાંધી હાલમાં આરજેડી નેતા તેજસ્વી યાદવ સાથે સંયુક્ત નેતૃત્વમાં બિહારમાં મતદાર અધિકાર યાત્રામાં ભાગ લઈ રહ્યા છે. આ યાત્રાને લઈને કોંગ્રેસ કાર્યકરોમાં ઉત્સાહનું વાતાવરણ છે. પૂર્ણિયામાં રાહુલ ગાંધીને બાઇક પર જોઈને સ્થાનિક કોંગ્રેસ સમર્થકોમાં ભારે ઉત્સાહ જોવા મળ્યો.

યાત્રા દરમિયાન રાહુલ ગાંધી સતત કેન્દ્ર સરકાર અને ભાજપ પર મત ચોરી કરવાનો આરોપ લગાવી રહ્યા છે. તેમણે કહ્યું કે ભાજપે ગરીબ વર્ગો માટે તકોના દરવાજા બંધ કરી દીધા છે અને હવે તે બિહારમાં મત ચોરી કરવાનો પ્રયાસ કરી રહી છે. રાહુલે ભારપૂર્વક કહ્યું કે ભાજપ અને આરએસએસ એ વિચારોના વિરોધી છે, જે બાબાસાહેબ આંબેડકરના સંવિધાનમાં દર્શાવવામાં આવ્યા છે.

The post રાહુલ ગાંધીની બાઇક રેલી દરમિયાન સુરક્ષામાં મોટી ચૂક: યુવકે કરી કિસ, કમાન્ડોએ માથે થપ્પડ માર્યો appeared first on Gujarat Inside - Latest News Today.