રાહુલ ગાંધીએ પોતાના વોટ્સએપ ચેનલ પર પોસ્ટમાં કહ્યું, “મધ્યપ્રદેશની સૌથી મોટી સરકારી હોસ્પિટલમાં ઉંદરના કરડાથી બે નવજાત બાળકોના મોત થયાં. આ કોઈ દુર્ઘટના નથી, હત્યા છે. ઘટના એટલી ભયાનક, અમાનવીય અને અસંવેદનશીલ છે કે સાંભળીને રૂંવાડા ઊભા થઈ જાય છે.” તેમણે સરકારની બેદરકારીને પણ કડક શબ્દોમાં નિશાન બનાવ્યું અને કહ્યું કે ગરીબો માટે સરકારી હોસ્પિટલો હવે જીવનદાતા ન રહી, પરંતુ મોતના અડ્ડા બની ગઈ છે.

રાહુલ ગાંધીએ મધ્યપ્રદેશ સરકાર પર આક્ષેપ કરતાં જણાવ્યું, “જ્યારે તમે નવજાત બાળકોની સુરક્ષા પણ કરી શકતા નથી, ત્યારે સરકાર ચલાવવાનો શું અધિકાર છે? દોષિતોને સજા ન આપી તંત્ર દર વખતની જેમ જવાબદારીમાંથી છટકી જાય છે. વડાપ્રધાન મોદી અને મુખ્યમંત્રી યાદવને શરમથી માથું ઝુકાવવું જોઈએ.”

પરિવારજનોએ હોસ્પિટલની બેદરકારીને કારણે બાળકોના મૃત્યુનો આરોપ લગાવ્યો છે. આ મામલે રાજ્ય સરકાર અને માનવાધિકાર પંચે નોંધ લીધેલી છે અને દોષિતોને કડક સજા આપવાની ખાતરી આપી છે. ઘટના અંગે આરોગ્ય વ્યવસ્થાની ગંભીર ખામીઓને લઈને લોકોમાં ભારે નારાજગી ફેલાઈ છે.

The post MPમાં નવજાત બાળકોના મૃત્યુ મામલે રાહુલ ગાંધી ભડક્યા, હોસ્પિટલની બેદરકારી પર પ્રહાર appeared first on Gujarat Inside - Latest News Today.

રાહુલ ગાંધીએ સોશિયલ મીડિયા પ્લેટફોર્મ એક્સ પર પોસ્ટ કરીને કહ્યું, ‘સત્ય અને અહિંસા સામે અસત્ય અને હિંસા ટકી શકતા નથી. જેટલું મારવું-તોડવું હોય એટલું મારો અને તોડો, અમે સત્ય અને બંધારણનું રક્ષણ કરતા રહીશું. સત્યમેવ જયતે.’ વાસ્તવમાં, ‘વોટ અધિકાર યાત્રા’ દરમિયાન પીએમ મોદીના સ્વર્ગસ્થ માતા અંગે કથિત અભદ્ર ભાષાનો ઉપયોગ થયા બાદ ભાજપે પટણા માર્ચ કાઢી, જે દરમિયાન બંને પક્ષના કાર્યકરો વચ્ચે મારામારી થઈ.

મીડિયા એજન્સી દ્વારા પ્રકાશિત વીડિયો પ્રમાણે, બંને પક્ષના કાર્યકરો ઝપાઝપી કરતા અને એકબીજા પર હુમલો કરતા જોવા મળ્યા. કાર્યાલયમાં પાર્ક કરેલી ગાડીઓના કાચ તૂટી ગયા અને પથ્થરમારો થયો. કેટલીક ઘટના દરમ્યાન કોંગ્રેસના કાર્યકરો ઈજાગ્રસ્ત થયા, જેમાં એક કાર્યકરનું માથું ફાટી ગયું. પોલીસ પરિસ્થિતિને અંકુશમાં લેવા બળનો ઉપયોગ કરી રહી છે.

દરભંગામાં બુધવારે રાહુલ ગાંધી અને તેજસ્વી યાદવની વોટર અધિકાર રેલી દરમિયાન અમુક લોકોએ મંચ પરથી વડાપ્રધાન અને તેમની માતા વિરુદ્ધ અભદ્ર ટિપ્પણી કરી, જેના વિવાદ બાદ વિરુદ્ધ પક્ષે વિરોધ નોંધાવ્યો. પોલીસને આરોપી રિઝવી ઉર્ફ રાજાની ધરપકડ કરી છે. BJPના ધારાસભ્ય નીતિન નાબીએ કહ્યું કે બિહારમાં માતાનું અપમાન કરવા બદલ કોંગ્રેસને જવાબદારી લેવી જોઈએ.

The post બિહારમાં ભાજપ-કોંગ્રેસ કાર્યકરો વચ્ચે મારામારી, રાહુલ ગાંધીનો નિવેદન: ‘સત્ય અને બંધારણની રક્ષા કરશું’ appeared first on Gujarat Inside - Latest News Today.