ભારતીય રાષ્ટ્રીય સુરક્ષા સલાહકાર અજિત ડોભાલે પહેલાથી જ સંકેત આપ્યો હતો કે પુતિન ટૂંક સમયમાં ભારતની મુલાકાત લેશે, જો કે તે સમયે ચોક્કસ તારીખ નક્કી કરવામાં આવી નહોતી. ડોભાલે જણાવ્યું કે ભારત-રશિયા વચ્ચેની લાંબા સમયથી ચાલતી અને વિશેષ સંબંધોને બંને દેશો મહત્વ આપે છે.

આ જાહેરાત એ સમયે આવી છે જ્યારે અમેરિકાએ ભારત પર રશિયન તેલની ખરીદી માટે વધારાનો 25% ટેરિફ લગાવ્યો છે. અમેરિકાના રાષ્ટ્રપ્રમુખ ડોનાલ્ડ ટ્રમ્પનો દાવો છે કે ભારત રશિયન તેલ સસ્તી કિંમતે ખરીદી અને ખુલ્લા બજારમાં ઉંચા ભાવે વેચી લാഭકમાઈ કરી રહ્યું છે. ટ્રમ્પએ આ મામલે લખ્યું હતું કે “યુક્રેનમાં રશિયન મશીનરી દ્વારા કેટલા લોકો માર્યા જઈ રહ્યા છે તેની ભારતને ચિંતા નથી.”

The post રશિયા-ભારત સંબંધ: રાષ્ટ્રપ્રમુખ પુતિન ડિસેમ્બરમાં ભારતની મુલાકાતે, ટ્રમ્પનો તેલ આયાત પર કડક વલણ appeared first on Gujarat Inside - Latest News Today.

અમેરિકા સતત ભારત પર રશિયા સાથે વેપાર બંધ કરવા દબાણ કરી રહ્યું છે. તાજેતરમાં તેણે ભારત પરથી આયાત થતા કેટલાક ઉત્પાદનો પર 25 ટકાનો વધારાનો ટેરિફ લાદ્યો છે અને વધુ પ્રતિબંધોની ધમકી પણ આપી છે. આવી સ્થિતિમાં, ભારત અને રશિયા વચ્ચે વ્યાપાર અને ટેક્નોલોજી ક્ષેત્રે નવી વ્યૂહરચનાઓ ઘડાઈ શકે છે.

એક મિડિયા રિપોર્ટ અનુસાર, બંને દેશોએ તાંબા, લિથિયમ, નિકલ અને કોબાલ્ટ જેવા દુર્લભ ખનિજોની શોધ અને ઉત્પાદન માટે ભાગીદારી કરવાનો નિર્ણય લીધો છે. આ ખનિજો ઇલેક્ટ્રિક વાહન, હાઈડ્રોજન એનર્જી અને બેટરી સ્ટોરેજ જેવી ટેક્નોલોજીમાં મહત્વપૂર્ણ ભૂમિકા ભજવે છે. ભારત-રશિયા વચ્ચેનો આ સહકાર ક્લિન એનર્જી અને ટેક્નોલોજીમાં આત્મનિર્ભરતા તરફ એક મોટો પગથિયો સાબિત થઈ શકે છે.

ટ્રમ્પના તાજેતરના આદેશ પછી, ભારતમાં બનાવતા કપડાં, ચામડાં અને એન્જિનિયરિંગ ઉત્પાદનો પર 50 ટકા સુધીનો ટેરિફ વસૂલાઈ રહ્યો છે, જે નિકાસ પર નકારાત્મક અસર કરે તેવી શક્યતા છે.

વિશ્લેષકો માને છે કે ભારતની ઝડપથી વિકસતી અર્થવ્યવસ્થા અને તેના ટેક્નોલોજી ક્ષેત્રના ભવિષ્યના યોજનાઓથી અમેરિકા હેરાન છે. ભારતના આત્મનિર્ભરતા તરફના પગલાં અને વૈશ્વિક સ્તરે તેની સ્પર્ધાત્મકતાને કારણે અમેરિકા હવે દબાણ બનાવવાનું પ્રયત્ન કરી રહ્યું છે, અને એટલા માટે જ તે ટેરિફના માર્ગે આગળ વધ્યું છે.

અંતે, પુતિનની યાત્રા માત્ર વ્યાપારિક નહીં, પણ રાજકીય રીતે પણ એક મોટો સંકેત બની શકે છે કે ભારત હવે એક વૈશ્વિક મંચ પર પોતાની વ્યૂહાત્મક સ્થિતિને મજબૂત બનાવી રહ્યું છે.

The post ભારત-અમેરિકા ટેરિફ વિવાદ વચ્ચે પુતિનની ભારત યાત્રા બની શકે છે મોટો રાજકીય સંકેત appeared first on Gujarat Inside - Latest News Today.

અમેરિકાનો આક્ષેપ: ભારતનો રશિયા અને ચીન સાથે વધતો વેપાર

ટ્રમ્પે પોતાના સોશિયલ મીડિયા પ્લેટફોર્મ ટ્રુથ સોશિયલ પર એક પોસ્ટમાં જણાવ્યું કે ભારત સૈન્ય ઉપકરણોની ખરીદીમાં રશિયા પર ભારે નિર્ભર છે. ઉપરાંત, ભારત ચીન સાથે સાથે રશિયાથી ઊર્જા અને શસ્ત્રોનો સૌથી મોટો ભાગીદાર છે. ટ્રમ્પે જણાવ્યું કે જ્યારે સમગ્ર વિશ્વ રશિયાને યુક્રેનમાં હિંસા બંધ કરવા કહે છે, ત્યારે ભારતનો આ વ્યાપાર ચિંતાજનક છે.

1 ઓગસ્ટથી ટેરિફ સાથે વધારાની પેનલ્ટી પણ લાગુ

ટ્રમ્પે ચેતવણી આપી છે કે 1 ઓગસ્ટથી માત્ર 25% ટેરિફ જ નહીં, પરંતુ એક વધારાની પેનલ્ટી પણ ભારતને ચૂકવવી પડશે. આ નિયમના અમલ પછી ભારત-અમેરિકા વેપાર સંબંધો પર મોટો પ્રભાવ પડશે. ટ્રમ્પે અંતે પોતાના સંદેશમાં જણાવ્યું, “મેક અમેરિકા ગ્રેટ અગેઇન.”

ભારત-અમેરિકા વેપાર પર અસર

આ નિર્ણયથી બંને દેશો વચ્ચેનો વેપાર વધુ પડકારજનક બની શકે છે. નિષ્ણાતોના મતે, વધતા ટેરિફ અને પેનલ્ટી ભારતના નિકાસ ઉદ્યોગ પર સીધી અસર કરશે, ખાસ કરીને તે સેક્ટરો પર જે અમેરિકાના બજારમાં ભારે પ્રમાણમાં આધાર રાખે છે. આ સાથે જ રાજકીય તણાવ પણ વધવાની શક્યતા છે.

The post ટ્રમ્પની મોટી જાહેરાત: ભારત પર 25% ટેરિફ, 1 ઓગસ્ટથી લાગુ appeared first on Gujarat Inside - Latest News Today.