વિનય કુમારે એક ઇન્ટરવ્યુમાં જણાવ્યું કે ભારત 1.4 અબજ નાગરિકોના હિતોને પ્રથમ પ્રાથમિકતા આપે છે. અમેરિકા દ્વારા લાદવામાં આવેલા ટેરિફને તેઓ “અન્યાયી, ગેરવાજબી અને ખોટો નિર્ણય” ગણાવીને કહ્યું કે ભારત સરકાર ક્યારેય રાષ્ટ્રીય હિત અને સુરક્ષાના મુદ્દે સમાધાન કરશે નહીં. તેમણે ઉમેર્યું કે વૈશ્વિક ક્રૂડ બજારમાં સ્થિરતા લાવવા માટે ભારત રશિયા સહિતના અનેક દેશો સાથે મળીને સહકાર આપતું રહેશે.

રાજદૂત વિનય કુમારે વધુમાં જણાવ્યું કે દુનિયામાં કોઈપણ વેપાર સારા સોદા અને આર્થિક પરિસ્થિતિઓ પર આધારિત હોય છે. એટલા માટે, ભારત તે જ જગ્યાએથી ક્રૂડ ઓઈલ ખરીદશે જ્યાંથી તેને શ્રેષ્ઠ અને યોગ્ય સોદો મળશે. તેમના જણાવ્યા મુજબ, ભારત અને રશિયા વચ્ચેનો વેપાર માત્ર બજાર આધારિત જ નથી પરંતુ બંને દેશોની પરસ્પર સમજણ અને લોકહિત સાથે પણ જોડાયેલો છે.

થોડા દિવસો પહેલા ભારતીય વિદેશ મંત્રી એસ. જયશંકરે પણ સ્પષ્ટ કર્યું હતું કે ભારત પોતાની વેપાર નીતિ, ખેડૂતોના હિતો અને રાષ્ટ્રીય સાર્વભૌમત્ત્વ પર કોઈ સમાધાન સ્વીકારશે નહીં. તેમણે કહ્યું કે સરકાર હંમેશા આ હિતોને સુરક્ષિત કરવા માટે જરૂરી દરેક પગલું ભરશે. આ રીતે, ભારતે વિશ્વને સાફ સંદેશો આપ્યો છે કે તેની ઊર્જા નીતિ રાષ્ટ્રીય હિતને ધ્યાનમાં રાખીને જ નક્કી કરવામાં આવશે.

The post ભારતનો દ્રઢ અવાજ: ‘જ્યાંથી સસ્તું ઓઈલ મળશે ત્યાંથી જ ખરીદીશું’, રાજદૂત વિનય કુમારનું નિવેદન appeared first on Gujarat Inside - Latest News Today.

નેવર્રોએ જણાવ્યુ કે, યુક્રેન યુદ્ધ પહેલાં ભારત તેની જરૂરીયાત માટે રશિયન ક્રૂડનો મોટો ભાગ ખરીદતું હતું, પરંતુ હવે તે તેની તેલની જરૂરિયાતનો ૩૦-૩૫ ટકા રશિયાથી મેળવે છે. તેમણે વધુમાં કહ્યું કે, ભારત રશિયન તેલને ડિસ્કાઉન્ટ સાથે ખરીદીને તેને રીફાઇન કરી અન્ય દેશોમાં વેચે છે.

અમેરિકાની ભારત સાથેની વેપાર તુલા પર ચર્ચા કરતાં નેવર્રોએ જણાવ્યું કે, તેને કારણે અમેરિકાના કામદારો અને સામાન્ય જનતાને નુકસાન થાય છે. તેથી, અમેરિકાએ ભારત પર આશરે ૫૦ ટકા ટેરિફ લગાવ્યો છે, જેને તેઓ ‘મહારાજા-ટેરિફ’ કહી રહ્યાં છે.

આ ઉપરાંત, તેમણે ઉલ્લેખ કર્યો કે ભારત હવે ચીન સાથે પણ સમજૂતી કરી રહ્યું છે, જે અંતે ક્રેમ્લિન માટે ફાયદાકારક બની શકે છે. પીટર નેવર્રોએ ફરી એકવાર કહ્યું, ‘હું ભારતને પસંદ કરું છું, પરંતુ તેના પર ભારે ટેરિફની અસર અંતે અમેરિકાને જ થશે.’

The post વ્હાઇટ હાઉસ ટ્રેડ એડવાઇઝર પીટર નેવર્રો: ‘શાંતિનો માર્ગ નવી દિલ્હીથી પસાર થાય છે’ appeared first on Gujarat Inside - Latest News Today.