માહિતી અનુસાર, કાર્યક્રમ દરમિયાન રેમ્પ પર ચઢવાનો પ્રયાસ કરતા કાર્યકર્તા શરથકુમારને વિજયના બાઉન્સરોએ બળજબરીથી ધક્કો માર્યો હતો. આ ઘટનામાં શરથકુમાર પડી ગયા અને તેમની છાતીમાં ગંભીર ઈજા પહોંચી હતી. ફરિયાદ બાદ શરથકુમાર પેરામ્બલુર જિલ્લા પોલીસ અધિક્ષક કાર્યાલયમાં પહોંચ્યા અને વિગતવાર ફરિયાદ નોંધાવી. તેમણે જણાવ્યું કે, “વિજયના બાઉન્સરોએ અમારી સાથે મારપીટ કરી, ત્યારબાદ છાતીમાં દુઃખાવો થવા લાગ્યો.”

આ ઘટનાને લઈને કુન્નમ પોલીસે વિજય અને તેના સુરક્ષા સ્ટાફ વિરુદ્ધ ગુનો નોંધ્યો છે. આ કાર્યક્રમમાં 1.5 લાખથી વધુ લોકો માટે બેસવાની વ્યવસ્થા કરવામાં આવી હતી, જ્યારે વિજયને જોવા માટે વહેલી સવારે જ ભારે ભીડ ઉમટી હતી.

તે ઉપરાંત, સોશિયલ મીડિયા પર વાયરલ થયેલા બીજા એક વીડિયોમાં જોવા મળે છે કે એક ચાહક વિજયનું ધ્યાન ખેંચવા રેલિંગ પર લટકી રહ્યો હતો. પોલીસે અને સુરક્ષા કર્મચારીઓએ તેને સમજાવવાનો પ્રયત્ન કર્યો, ત્યારબાદ વિજય પોતે આગળ વધી ચાહકને શાંતિપૂર્વક નીચે ઉતાર્યો અને મામલો ઠંડો પાડ્યો.

The post સાઉથના સુપરસ્ટાર વિજય વિવાદમાં, બાઉન્સરોના હુમલાના આરોપે મામલો ગરમાયો appeared first on Gujarat Inside - Latest News Today.