છેલ્લા ત્રણ દિવસથી ઘરોમાં પાણી ફરી વળતાં રહીશો ઘરમાં જ બંધાયા છે. પાણી ભરાવા સાથે મચ્છરજન્ય રોગચાળાનો ભય પણ વધ્યો છે. રહીશોના કહેવા મુજબ, ચૂંટણી સમયે પ્રશ્નો સાંભળીને ઉકેલ આપવાની ખાતરી આપવામાં આવે છે, પરંતુ પછી બજેટ મંજૂર ન થવાના બહાનાથી તંત્ર દ્વારા ઉડાઉ જવાબ આપવામાં આવે છે.

વિશેષ વાત એ છે કે તરૂણનગર સોસાયટી નીચાણવાળી ન હોવા છતાં પાણી ભરાય છે, જ્યારે આસપાસની સોસાયટીઓમાં પાણી ભરાતું નથી. દુર્ગંધયુક્ત ગટરનું પાણી પણ બેક મારતા રહીશો ત્રસ્ત છે. વયોવૃદ્ધોને તાત્કાલિક સારવાર માટે હોસ્પિટલ લઈ જવામાં તેમજ વેપારી-કર્મચારીઓને દૈનિક કાર્યો માટે જવામાં ગંભીર અવરોધો ઉભા થાય છે.

સ્થાનિક રહીશો વારંવાર કોર્પોરેટરોને રજૂઆત કરતા આવ્યા છે. છતાં, માત્ર એક મહિલા કોર્પોરેટર ક્યારેક મદદરૂપ બને છે, જ્યારે પાલિકાના અન્ય જવાબદારોએ કોઈ અસરકારક પગલાં લીધા નથી. બે દિવસ પહેલાં પણ તંત્રને રજૂઆત કરવામાં આવી હતી, પરંતુ “સ્ટાફ રજા પર છે, બાદમાં કામ થશે” એવો જવાબ મળ્યો હતો.

રહીશો હવે તંત્રને તાત્કાલિક કાર્યવાહી કરવા અપીલ કરી રહ્યા છે જેથી દર વર્ષની જેમ ફરી આ સમસ્યા ન સર્જાય અને તાત્કાલિક આરોગ્ય તથા દૈનિક જીવન માટેની મુશ્કેલીઓ દૂર થાય.

The post વડોદરાની તરૂણનગર સોસાયટી વરસાદી પાણીથી બેટમાં ફેરવાઈ, રહીશો પરેશાન appeared first on Gujarat Inside - Latest News Today.

યોજનામાં બે ભાગમાં ફાળવણી કરવામાં આવી છે, જેમાંથી રૂ. 13,000 કરોડ શહેરી સુધારાઓ માટે અને રૂ. 5,000 કરોડ ઇઝ ઓફ ડુઇંગ બિઝનેસ માટે રાખવામાં આવ્યા છે. વડોદરા કોર્પોરેશનને એન્જિનિયરિંગ વિભાગમાં પબ્લિક હેલ્થ, મિકેનિકલ, સિવિલ અને ઇલેક્ટ્રિકલ વિભાગમાં ભરતી કરવાની રહેશે, જેમાંથી 50% ભરતી કોન્ટ્રાક્ટ આધારિત થશે. સાથે જ એન્વાયરમેન્ટલ એન્જિનિયર અને હાઇડ્રોલોજિસ્ટની નિમણૂક પણ કરવી પડશે.

યોજનાના ભાગરૂપે પાણી, સુવેઝ અને સ્ટોર્મ ડ્રેનેજ નેટવર્ક માટે જીઆઇએસ આધારિત યુટીલીટી મેપિંગ કરાવવું ફરજિયાત છે, જે સપ્ટેમ્બર 2025 સુધી પૂર્ણ કરવાનું રહેશે. ઓગસ્ટના અંત સુધી ડિજિટલ ટ્વીન મોડેલિંગ શરૂ કરવાની સાથે, ઇન્ટિગ્રેટેડ પ્રોપર્ટી ટેક્સ પોર્ટલ યુનિક આઇડી સાથે લોન્ચ કરવાનું રહેશે. આવકમાં 10% વધારો લાવવા માટે પ્રોપર્ટી ટેક્સ અને અન્ય સ્ત્રોતોમાં વધારો કરવાની કામગીરી હાથ ધરાશે અને તેનો વિગતવાર અહેવાલ રાજ્ય સરકારને આપવો રહેશે.

રાજ્ય સરકારે પાલિકાને ઐતિહાસિક સ્થળો પુનર્જીવિત કરવાના પ્રોજેક્ટ, જેમ કે સુરસાગર તળાવ વિસ્તારનું રીડેવલપમેન્ટ, રજૂ કરવા જણાવ્યું છે. થીમ આધારિત ગ્રીનફિલ્ડ શહેરો, નેબરહુડ સુધારા, સ્પોન્જ શહેરો અને શહેરી જંગલો જેવા પ્રોજેક્ટ માટે એક્શન પ્લાન તૈયાર કરીને રાજ્ય સરકારને રજૂ કરવાનું રહેશે. ઉપરાંત, શહેરમાં ગ્રીન સ્પેસ વિકસાવવા માટે પાંચથી વધુ જગ્યાઓ પસંદ કરીને 50 એકર વિસ્તારના ઉદ્યાનોની યોજના રજૂ કરવી પડશે. હાલના કુવાઓને જીવંત બનાવવા માટે વોટર બોડી રીવાઈટલાઈઝેશન પ્રોજેક્ટ અંતર્ગત કામગીરી કરાશે.

The post વડોદરા કોર્પોરેશનને વિશેષ ગ્રાન્ટ માટે યુટીલીટી મેપિંગ રિપોર્ટ સપ્ટેમ્બર સુધી રજૂ કરવો પડશે appeared first on Gujarat Inside - Latest News Today.