પ્રતિભા સેતુ પોર્ટલ તે યુવાનો માટે ડિજિટલ પ્લેટફોર્મ છે, જેમણે સિવિલ સર્વિસિસની તૈયારી કરી છે, પરંતુ ઓછા માર્ક્સના કારણે ફાઇનલ મેરિટ લિસ્ટમાં સ્થાન મેળવ્યું નથી. પોર્ટલ પર દસ હજારથી વધુ પ્રતિભાશાળી ઉમેદવારોની વિગતો એકત્રિત છે.આ પ્રતિભા સેતુ પોર્ટલ પરથી ખાનગી કંપનીઓ આ મહત્ત્વાકાંક્ષી વિદ્યાર્થીઓની વિગતો મેળવી તેમની ભરતી કરી શકે છે.  આ પ્રયાસના પરીણામો પણ આવી રહ્યા છે. ઘણા ઉમેદવારોને પોર્ટલની મદદથી તુરંત નોકરી મળી છે.

પીએમ મોદીએ તહેવારના પ્રસંગે લોકોને ગિફ્ટ, કપડાં, સજાવટ સહિત તમામ વસ્તુઓ સ્વદેશી ખરીદવાની અપીલ કરી. તેમણે જણાવ્યું કે, એક જ મંત્ર હોવો જોઈએ ‘વોકલ ફોર લોકલ’, એક જ માર્ગ હોવો જોઈએ ‘આત્મનિર્ભર ભારત’ અને એક જ લક્ષ્ય ‘વિકસિત ભારત’.

The post પીએમ મોદીએ મન કી બાતમાં સ્વદેશી અપનાવવાની અપીલ કરી, પ્રતિભા સેતુ પોર્ટલનો પણ ઉલ્લેખ appeared first on Gujarat Inside - Latest News Today.

પીએમ મોદીએ અપીલ કરતા કહ્યું કે દેશના દરેક નાગરિક, દુકાનદાર અને ગ્રાહકે આ સંકલ્પ લેવો જોઈએ કે તેઓ ફક્ત ભારતમાં બનેલી વસ્તુઓ જ ખરીદશે, જે ભારતીય પરસેવાથી બનેલી હોય. વૈશ્વિક અસ્થિરતાના યુગમાં ભારતને ત્રીજું સૌથી મોટું અર્થતંત્ર બનાવવાની જવાબદારી માત્ર સરકારની નથી, પરંતુ દરેક ભારતીયની છે.

પ્રધાનમંત્રીએ જણાવ્યું કે આજે દુનિયાનું અર્થતંત્ર અનેક ચિંતાઓમાંથી પસાર થઈ રહ્યું છે અને દેશોએ પોતાના હિત પર ધ્યાન કેન્દ્રિત કરવાનું શરૂ કર્યું છે. આવી સ્થિતિમાં ભારતે પણ પોતાના આર્થિક હિતો પર ધ્યાન કેન્દ્રિત કરવું પડશે અને ખેડૂતો, નાના ઉદ્યોગો, યુવાનો અને રોજગાર જેવા મુદ્દાઓને પ્રાથમિકતા આપવી પડશે.

પીએમ મોદીએ આગળ જણાવ્યું કે, “સરકાર આ દિશામાં અનેક પ્રયાસ કરી રહી છે, પરંતુ નાગરિક તરીકે આપણી પણ જવાબદારી છે. માત્ર મોદી નહીં, પરંતુ ભારતનો દરેક નાગરિક દેશના હિતમાં સ્વદેશી અપનાવવાનું સંકલ્પ લે. જે લોકો દેશને ત્રીજું સૌથી મોટું અર્થતંત્ર બનાવવા માંગે છે, તેઓએ દરેક ક્ષણે આ ભાવના પ્રસરાવવી પડશે.”

તેમણે સ્પષ્ટ કર્યું કે ‘વોકલ ફોર લોકલ’ અને ‘મેક ઇન ઇન્ડિયા’ હવે માત્ર સૂત્રો નહીં, પરંતુ વ્યવહારિક જીવનનો ભાગ બનવા જોઈએ.

The post ટ્રમ્પના ‘ડેડ ઈકોનોમી’ નિવેદન પર PM મોદીનો પ્રત્યુત્તર: ‘ભારત બનશે દુનિયાનું ત્રીજું સૌથી મોટું અર્થતંત્ર’ appeared first on Gujarat Inside - Latest News Today.