ટેરીફ ટેન્શન વચ્ચે ભારત અને અમેરિકાએ અલાસ્કામાં અત્યાર સુધીનો સૌથી મોટો યુદ્ધાભ્યાસ શરૂ કર્યો છે. બંને દેશો વચ્ચે યોજાતો આ અભ્યાસ 1 થી 14 સપ્ટેમ્બરના રોજ ફોર્ટ વેનરાઈટ, અલાસ્કામાં યોજાઈ રહ્યો છે. ભારતના સૈનિકો યુએસની 11મી એરબોર્ન ડિવિઝન સાથે હેલિબોર્ન ઓપરેશન્સ, પર્વતીય યુદ્ધ, યુએએસ/કાઉન્ટર-યુએએસ અને સંયુક્ત વ્યૂહાત્મક કવાયતોમાં તાલીમ લઈ રહ્યા છે. આ અભ્યાસ યુએન પીસકીપિંગ ઓપરેશન્સ અને મલ્ટી-ડોમેન તૈયારી માટે મહત્વપૂર્ણ મંચ તરીકે માનવામાં આવે છે.

ભારતીય વિદેશ મંત્રાલયે માહિતી આપી કે યુદ્ધાભ્યાસમાં ભારતીય સેના એક ટુકડી સાથે ભાગ લેશે. અત્યાર સુધી, ભારતમાં અમેરિકા પાસેથી 25 અબજ ડોલરના સંરક્ષણ ડીલ્સ થઈ ચૂક્યા છે.

તાજેતરમાં હિન્દુસ્તાન એરોનોટિક્સ લિમિટેડ (HAL)ને જનરલ ઇલેક્ટ્રિક પાસેથી 99 GE-F404 ટર્બોફેન એન્જિન મળી, જે સ્વદેશી તેજસ માર્ક-1A ફાઇટર એરક્રાફ્ટમાં ઇન્સ્ટોલ થશે. બીજા કરાર હેઠળ 113 વધુ એન્જિન ખરીદવાની તૈયારી પણ ચાલી રહી છે.

ભારતે 3.8 બિલિયન ડોલરમાં 31 MQ-9B ‘પ્રિડેટર’ ડ્રોન ઓર્ડર કર્યા છે, જે 2029-30 દરમિયાન પ્રાપ્ત થશે. દરિયાઈ મોરચે પણ સહયોગ ચાલુ છે. ભારતમાં, અમેરિકામાં, જાપાનમાં અને ઓસ્ટ્રેલિયામાં આવેલા ક્વાડ દેશો પશ્ચિમ પ્રશાંત મહાસાગરમાં ગુઆમ કિનારે નવેમ્બરમાં યોજાનારી માલાબાર નૌકાદળ કવાયત માટે તૈયારી કરી રહ્યા છે. માલાબાર યુદ્ધાભ્યાસ 1992માં શરૂ થયો હતો અને હાલમાં બધા ક્વાડ દેશો તેમાં સામેલ છે.