ઈન્ડોનેશિયામાં એક હેલિકોપ્ટર, જેમાં ભારતીય નાગરિક સહિત આઠ મુસાફરો સવાર હતાં, ગુમ થઈ ગયો છે. એસ્ટિન્ડો એર કંપનીનો બીકે117 D3 મોડલ હેલિકોપ્ટર સોમવારે બોર્નિયો ટાપુ પરથી ઉડાન ભરી રહ્યો હતો અને મધ્ય કાલિમંતના પાલતાંકરાયા શહેર માટે જઈ રહ્યો હતો. ઉડાનના માત્ર આઠ મિનિટ પછી એર ટ્રાફિક કંટ્રોલ સાથે તેનો સંપર્ક તૂટી ગયો હતો, જેને લઈને શોધખોળ કાર્ય શરૂ કરાયું છે.

હેલિકોપ્ટરમાં ભારતીય નાગરિક સંથા કુમાર પણ સામેલ છે. શોધખોળ કામગીરી માટે એજન્સી દ્વારા બે હેલિકોપ્ટર મુકાયા છે. સાથે જ સ્થાનિક સ્વયંસેવકો અને વિવિધ એજન્સીઓના 140 કર્મચારીઓ પણ અભિયાનમાં જોડાયા છે. ટીમ 27 ચોરસ કિલોમીટરના વિસ્તારમાં જંગલ વિસ્તારમાં ગુમ થયેલા હેલિકોપ્ટરની શોધ કરી રહી છે. એજન્સીના પ્રમુખ આઈ પુતુ સુદયાનાએ જણાવ્યું કે, “અમે તમામ શક્ય સ્રોતો અને સાધનો કામે લગાડ્યા છે જેથી હેલિકોપ્ટર અને મુસાફરોને ઝડપી શકીએ.”

હેલિકોપ્ટરના લાપતા હોવા અંગેની માહિતી મળતાં ભારતીય દૂતાવાસને પણ જાણ કરવામાં આવી છે અને તેમની મદદથી હેલિકોપ્ટરમાં સવાર ભારતીય નાગરિકની સલામતી અંગે તપાસ કરવામાં આવી રહી છે.