અમરેલી જિલ્લાના બાબરા તાલુકામાં શિક્ષણ જગતને કલંકિત કરતો એક ગંભીર કિસ્સો બહાર આવ્યો છે. કોટડા પીઠા ગામની રિદ્ધિ સિદ્ધિ સ્કૂલના સંચાલક શૈલેષ શંભુભાઈ ખુટ (ઉંમર 39 વર્ષ) સામે ધોરણ 7ના વિદ્યાર્થી સાથે અડપલાં કરવાનો આક્ષેપ થયો છે. આ મામલે પોક્સો (POCSO) એક્ટ હેઠળ પોલીસમાં ફરિયાદ નોંધાઈ છે.

માહિતી મુજબ, સંચાલક પર વિદ્યાર્થી સાથે ચારથી પાંચ વખત અડપલાં કરવાનો ગંભીર આરોપ છે. આ ઘટનાની જાણ થતાં જ વાલીઓ તથા સ્થાનિકોમાં ભારે રોષ ફાટી નીકળ્યો હતો.

ફરિયાદ નોંધાયા બાદ બાબરા પોલીસે તાત્કાલિક કાર્યવાહી હાથ ધરી આરોપીને ઝડપ્યો હતો. બાદમાં તેને કોર્ટમાં રજૂ કરવામાં આવ્યો હતો, જ્યાંથી તેને જેલ હવાલે કરવાનો આદેશ આપવામાં આવ્યો છે. શૈક્ષણિક સંસ્થાઓમાં બાળકોની સુરક્ષા અંગે ગંભીર સવાલો ઊભા કર્યા છે.