અમેરિકાના પ્રમુખ ડોનાલ્ડ ટ્રમ્પે તાજેતરમાં ભારત અને રશિયાના સંબંધોને લઇને મોટું નિવેદન આપ્યું છે. ટ્રમ્પે સોશિયલ મીડિયા પ્લેટફોર્મ ટ્રુથ પર જણાવ્યું કે, “અમે ભારત અને રશિયાને ઊંડા, અંધારા ચીનના હાથોમાં ગુમાવી દીધા છે, અપેક્ષા છે કે તેઓ એકસાથે લાંબું અને સમૃદ્ધ ભવિષ્ય મેળવે.” આ નિવેદનથી ત્રિપુટી – ભારત, રશિયા અને ચીન – વચ્ચેની એકતા ખુલ્લી પડી રહી હોવાનું સંકેત મળ્યો છે.

ત્રણેય દેશોના વડાઓ તિઆનજિન, ચીનમાં આયોજિત શાંઘાઈ સહયોગ સંગઠન (SCO) શિખર સંમેલનમાં એકત્રિત થયા હતા, જ્યાં વડાપ્રધાન નરેન્દ્ર મોદી, ચીનના પ્રમુખ શી જિનપિંગ અને રશિયાના પ્રમુખ વ્લાદિમીર પુતિન હાજર રહ્યા. સંમેલનમાં તેમણે ટ્રમ્પની ટેરિફ નીતિની કડક ટીકા કરી અને એશિયાના આત્રિક અને વેપાર સંબંધોને વધુ મજબૂત બનાવવાનો સંકલ્પ વ્યક્ત કર્યો.

SCO સમિટ પછી ટ્રમ્પના નિવેદનથી સ્પષ્ટ થાય છે કે અમેરિકા, ભારતીય-રશિયન સંબંધોમાં થોડી નબળી સ્થિતિ દેખાઈ રહી છે અને ચીનની અસર વધતી જાય તે અંગે ચિંતિત છે. આ નિવેદન આંતરરાષ્ટ્રીય રાજકારણમાં ત્રિપુટી દેશોની એકતા અને અમેરિકા-એશિયા સંબંધો પર નવી ચર્ચાઓ શરૂ કરી શકે છે.