બેંગ્લુરુ-વારાણસી એર ઇન્ડિયા એક્સપ્રેસ ફ્લાઇટ IX-1086માં સોમવારે એક ભયાનક ઘટના બની, જ્યારે એક મુસાફરે કોકપિટનો દરવાજો ખોલવાનો પ્રયાસ કર્યો.

ઘટનાની જાણ થતા મુસાફરોમાં ભય અને હાહાકાર ફેલાયો, પરંતુ પાયલટ અને ક્રૂના ઝડપી પગલાંઓને કારણે કોકપિટ સુરક્ષિત રહ્યું. યાત્રીને બાદમાં સેન્ટ્રલ ઇન્ડસ્ટ્રીયલ સિક્યુરિટી ફોર્સ (CISF) હવાલે કરવામાં આવ્યા.

એર ઇન્ડિયા એક્સપ્રેસના પ્રવક્તાએ જણાવ્યું કે મુસાફર કોકપિટ સુધી પહોંચવાનો પ્રયાસ ત્યારે કર્યો હતો, જ્યારે તે ટોઇલેટ માટે ઊઠ્યો હતો. ક્રૂના સમયસર હસ્તક્ષેપને કારણે કોઇ યાત્રાની સલામતી પર જોખમ સર્જાયું નહીં.

તપાસ દરમિયાન જાણવા મળ્યું કે આ મુસાફર પહેલીવાર ફ્લાઇટમાં મુસાફરી કરી રહ્યો હતો અને કોકપિટનો પાસવર્ડ ન જાણતા તેણે અંદર પ્રવેશવાનો પ્રયાસ કર્યો નહોતો. ફ્લાઇટની સલામતી માટે તમામ સુરક્ષા પ્રોટોકોલનું કડક પાલન કરવામાં આવ્યું હતું.

CISF દ્વારા મુસાફર અને તેની સાથે મુસાફરી કરતા આઠ અન્ય લોકોને પૂછપરછ માટે લઈ જઈને આગળની તપાસ હાથ ધરી છે. એરલાઇનના અધિકારીઓએ જણાવ્યું કે સમગ્ર ઘટનામાં કોઇ જોખમ સર્જાયું નથી અને સુરક્ષા વ્યવસ્થાઓ યોગ્ય રીતે કાર્યરત રહી.