ટેસ્ટ ક્રિકેટના ઈતિહાસમાં પહેલીવાર આવી ઘટના, ત્રણ ઈનિંગમાં રન બને એ પહેલા જ વિકેટ પડી

Historic Day in Test Cricket: ટેસ્ટ ક્રિકેટ માટે આજે (22મી નવેમ્બર) ઐતિહાસિક દિવસ છે. આના એક નહીં, પરંતુ બે કારણો છે. પ્રથમ ટેસ્ટ ક્રિકેટના ઈતિહાસમાં પહેલીવાર, લંચ પહેલાં ટી બ્રેક લેવામાં આવશે. વધુમાં ટેસ્ટ ક્રિકેટના ઇતિહાસમાં પહેલીવાર, એક ગજબનો સંયોગ જોવા મળ્યો છે, ત્રણ ઈનિંગ્સ રનથી નહીં, પરંતુ વિકેટથી શરૂ થઈ છે.

એક દિવસીય ટેસ્ટમાં ટી બ્રેક

ભારત અને દક્ષિણ આફ્રિકા વચ્ચે બે મેચની ટેસ્ટ સીરિઝની બીજી મેચ ગુવાહાટીમાં રમાઈ રહી છે. આમાં દરરોજ મેચના પહેલા સત્ર પછી, લંચને બદલે ટી બ્રેક હશે, જે સામાન્ય રીતે ટેસ્ટ ક્રિકેટમાં જોવા મળતો નથી. પરંપરાગત ટેસ્ટ ક્રિકેટમાં પહેલી વાર, એક દિવસીય ટેસ્ટમાં ટી બ્રેક પહેલા સત્ર પછી અને લંચ બીજા સત્ર પછી હશે. આવું એટલા માટે કરવામાં આવી રહ્યું છે કારણ કે ઉત્તર-પૂર્વ ભારતમાં સૂર્યોદય અને સૂર્યાસ્ત વહેલા થાય છે. આવી સ્થિતિમાં, બેડ લાઈટના કારણે સાંજે રમત બંધ થઈ શકે છે. જેને ટાળવા માટે આ કરવામાં આવશે.

હવે વાત કરીએ ટેસ્ટ ક્રિકેટના ઈતિહાસમાં પહેલી વાર બનેલા બીજા સંયોગની. તે એ છે કે ઓસ્ટ્રેલિયા અને ઈંગ્લેન્ડ વચ્ચે પર્થમાં રમાઈ રહેલી પહેલી ટેસ્ટ મેચની પહેલી ત્રણ ઈનિંગ્સમાં કોઈ પણ ટીમે કોઈ રન બનાવ્યા ન હતા અને વિકેટ પહેલા પડી હતી. ઈગ્લેન્ડની પ્રથમ ઈનિંગ્સમાં, મિશેલ સ્ટાર્કે જેક ક્રાઉલીને આઉટ કર્યો હતો, ત્યાં સુધી ઇંગ્લેન્ડનું ખાતું ખુલ્યું ન હતું. ઓસ્ટ્રેલિયાની પ્રથમ ઇનિંગ્સમાં, જોફ્રા આર્ચરે જેક વેધરલ્ડને આઉટ કર્યો હતો. ઓસ્ટ્રેલિયાનું ખાતું પણ ખુલ્યું ન હતું. મેચની બીજી ઇનિંગ્સમાં અને ઇંગ્લેન્ડની બીજી ઇનિંગ્સમાં પણ, મિશેલ સ્ટાર્કે જેક ક્રાઉલીને શૂન્ય પર આઉટ કર્યો હતો. આ રીતે ત્રણેય ઇનિંગ્સમાં રનનું ખાતું ખુલતા પહેલા વિકેટ પડી હતી. આ રીતે, આ એક ઐતિહાસિક દિવસ હતો.