ચીનમાં યોજાઈ રહેલા શાંઘાઈ કોઓપરેશન ઓર્ગેનાઈઝેશન (SCO) શિખર સંમેલનમાં એક રસપ્રદ દ્રશ્ય સામે આવ્યું છે. વડાપ્રધાન નરેન્દ્ર મોદી તેમની ચીન યાત્રા દરમિયાન રશિયાના રાષ્ટ્રપતિ વ્લાદિમીર પુતિન સાથે ચર્ચા કરતા આગળ વધતા જોવા મળ્યા, જ્યારે પાકિસ્તાનના વડાપ્રધાન શાહબાઝ શરીફ એક ખૂણામાં હાથ જોડીને ઊભા રહ્યા અને માત્ર જોઈ રહ્યા હતા. આ દ્રશ્ય હાલમાં સોશિયલ મીડિયા પર ચર્ચાનો વિષય બન્યું છે.

પીએમ મોદી હાલમાં ચીનની બે દિવસીય યાત્રા પર છે અને SCO શિખર સંમેલનમાં ભાગ લઈ રહ્યા છે. આજે યોજાયેલી બેઠક દરમિયાન પીએમ મોદીએ રશિયાના રાષ્ટ્રપતિ સાથે મુલાકાત કરી હતી. આ મુલાકાત પર આખી દુનિયાની નજર હતી, કારણ કે તેમાં ભારત, રશિયા અને ચીનના ટોચના નેતાઓ સામેલ હતા.

જ્યારે પીએમ મોદી અને પુતિન ચર્ચા કરતા આગળ વધી રહ્યા હતા, ત્યારે હોલમાં હાજર પાકિસ્તાનના પીએમ શાહબાઝ શરીફ એકલા ઊભા રહ્યા હતા.  આ વીડિયો સોશિયલ મીડિયા પર વાયરલ થયો છે અને લોકો આ પર વિવિધ પ્રકારની પ્રતિક્રિયા આપી રહ્યા છે.