નેપાળ સરકાર દ્વારા દેશના તમામ લોકપ્રિય સોશિયલ મીડિયા પ્લેટફોર્મ્સ પર પ્રતિબંધ લગાવવામાં આવ્યો છે. ન્યૂઝ એજન્સી ના જણાવ્યા અનુસાર, નેપાળ ટેલિકોમ ઓથોરિટીને 26 સોશિયલ મીડિયા વેબસાઇટ્સને બ્લોક કરવાનો આદેશ આપવામાં આવ્યો છે. આમાં ફેસબુક, ઈન્સ્ટાગ્રામ, મેસેન્જર, વોટ્સએપ, યુટ્યુબ, ટ્વિટર, લિંક્ડઇન, સ્નેપચેટ, રેડિટ, ડિસ્કોર્ડ, પિન્ટરેસ્ટ, સિગ્નલ, થ્રેડ્સ, વીચેટ, ક્વોરા, ટમ્બલર, ક્લબહાઉસ, રમ્બલ, MI વીડીયો, MI વાઇકે, લાઇન, ઈમો, જાલો, સોલ અને હમરો પેટ્રો સહિતના મુખ્ય પ્લેટફોર્મ્સનો સમાવેશ થાય છે.

ગજેન્દ્ર ઠાકુર, સંદેશાવ્યવહાર અને માહિતી ટેકનોલોજી મંત્રાલયના પ્રવક્તાએ જણાવ્યું કે મંત્રાલયે તમામ સોશિયલ મીડિયા કંપનીઓને નેપાળમાં નોંધણી કરાવવા માટે અંતિમ ચેતવણી આપી હતી, પરંતુ કંપનીઓએ કોઈ કાર્યવાહીમાં રસ ન બતાવ્યો. ડેડલાઈન પૂર્ણ થતા સરકારે આ પગલું ભરવાનું નક્કી કર્યું. આજે (4 સપ્ટેમ્બર) બપોરે યોજાયેલી બેઠકમાં કેબિનેટે પ્રતિબંધ અમલમાં મૂકવાનો નિર્ણય કર્યો.

પ્રતિબંધને પગલે નેપાળની સુપ્રીમ કોર્ટ દ્વારા બહાર પાડેલા આદેશનું પાલન થાય છે, જેમાં સ્થાનિક અને વિદેશી મૂળના ઓનલાઈન અને સોશિયલ મીડિયા પ્લેટફોર્મ્સને ફરજિયાત નોંધણી કરવી અને અનિચ્છનીય સામગ્રીનું મૂલ્યાંકન અને દેખરેખ રાખવી આવશ્યક ઠેરવાયું છે. કેબિનેટે અગાઉ 7 દિવસનો અલ્ટીમેટમ જાહેર કર્યો હતો, જે પૂર્ણ થતા આ પ્રતિબંધ અમલમાં આવ્યો છે.