પંચમહાલ જિલ્લાના હાલોલમાં ગુજરાત ઈન્ડસ્ટ્રીયલ ડેવલપમેન્ટ કોર્પોરેશન (GIDC) વિસ્તારમાં આવેલી એક એગ્રો કંપનીમાં ગંભીર દુર્ઘટના બની છે. કંપનીમાં એક ગરમ પાણીનો વાલ્વ અચાનક ખુલી જતાં પાંચ શ્રમિકો ગંભીર રીતે દાઝી ગયા.

મળતી માહિતી અનુસાર, દુર્ઘટનામાં ઈજાગ્રસ્ત થયેલા તમામ શ્રમિકોને તાત્કાલિક 108 એમ્બ્યુલન્સ મારફતે કાલોલ રેફરલ હોસ્પિટલ ખાતે ખસેડવામાં આવ્યા હતા. તેમની હાલત ગંભીર હોવાને કારણે પ્રાથમિક સારવાર બાદ તેમને વધુ સારવાર માટે ગોધરાની સિવિલ હોસ્પિટલમાં રીફર કરવામાં આવ્યા છે.

કંપનીમાં સલામતીના નિયમોનું પાલન ન થવાને કારણે આ દુર્ઘટના સર્જાઈ હોવાનું મનાય છે. હાલોલ પોલીસ દ્વારા આ મામલે વધુ તપાસ હાથ ધરવામાં આવી છે અને દુર્ઘટનાના કારણો અંગે વિગતવાર તપાસ ચાલુ છે.